អត្ថបទពាណិជ្ជកម្ម
មជ្ឈមណ្ឌលភាសា អេ អាយ អាយ និងសាលារៀន អន្តរទ្វីបអាមេរិកាំង បង្កើតសាខាថ្មីទី៤ នៅចោមចៅ លើផ្ទៃដី ៦៥៦.៥ ម៉ែត្រការ៉េ
×![]()
មជ្ឈមណ្ឌលភាសា អេ អាយ អាយ និងសាលារៀន អន្តរទ្វីបអាមេរិកាំង បានរៀបចំសន្និសីទសារព័ត៌មានអំពី ការសម្ពោធនៅសាខាថ្មីរបស់ខ្លួនដែលមានទីតាំងស្ថិតនៅ អគារលេខ២២២ ផ្លូវវេងស្រេង ភូមិជ្រៃកោង សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ កាលថ្ងៃទី ៣០ ខែ មករា ឆ្នាំ ២០១៩ ។ ក្នុងពិធីដ៏ឱឡារិកប្រព្រឹត្តិទៅក្រោមវត្តមានរបស់លោក ឧកញ៉ា វេជ្ជបណ្ឌិត គួច ម៉េងលី បុគ្គលិក សិស្សានុសិស្ស និងវត្តមានរបស់អ្នកសារព័ត៌មានជាច្រើនផងដែរ។
ការបើកសាខាថ្មីនេះ គឺដើម្បីឆ្លើយតបទៅតម្រូវការទីផ្សារ និងសំណូមពរជាច្រើនពីសំណាក់មាតាបិតា អ្នកអាណាព្យាបាល និងសិស្សានុសិស្សពីគ្រប់មជ្ឈដ្ឋាន អំពីគុណភាព វិន័យ និងសេវាកម្ម។ នេះក៏ដោយសារតែ ស្ថិរភាពនយោបាយ កំណើនសេដ្ឋកិច្ច និងមានកេរ្តិ៍ឈ្មោះសាលាមានភាពល្បីរន្ទឺ ទាំងក្នុងស្រុក និងក្រៅស្រុក ព្រមទាំងដើម្បីរួមចំណែកក្នុងការផ្តល់សេវាអប់រំប្រកបដោយគុណភាព។
លោកឧកញ៉ា វេជ្ជបណ្ឌិត គួច ម៉េងលី បានថ្លែងក្នុងសន្និសីទសារព័ត៌មានថា ៖ « មូលហេតុ ដែលជ្រើសរើសទីតាំងចោមចៅជាសាខាថ្មីទី៤ របស់មជ្ឈមណ្ឌលភាសា អេ អាយ អាយ និងសាលារៀន អន្តរទ្វីបអាមេរិកាំង ពីព្រោះចោមចៅគឺជាទីតាំងយុទ្ធសាស្ត្រមួយរបស់យើង ក្រៅពីសាខាម៉ៅសេទុង សាខាទួលគោក និងសាខាចាក់អង្រែ។ នៅតំបន់នោះ និងតំបន់ជុំវិញចោមចៅ កំពុងមានការអភិវឌ្ឍយ៉ាងខ្លាំង ដែលធ្វើឱ្យមានកំណើន ប្រជាជន និងសំណង់អគារធំៗជាច្រើនកំពុងរីកដុះដាល»។
លោកឧកញ៉ា បានបន្ថែមថា ៖ «អគារសិក្សាថ្មី សាខាចោមចៅនេះ មានកម្ពស់៧ជាន់ សាងសង់នៅលើផ្ទៃដី ៦៥៦.៥ ម៉ែត្រការ៉េ ដែលស្ថិតនៅមហាវិថី វេងស្រេង មានបរិវេណធំទូលាយសម្រាប់សិស្សានុសិស្ស បំពាក់ទៅដោយសម្ភារសិក្សាទំនើបៗ បន្ទប់មាន ផាសុកភាព អនាម័យ និងបរិសុទ្ធចេញ-ចូលគ្រប់គ្រាន់ និងមានសុវត្ថិភាពដល់សិស្សានុសិស្សក្នុងការសិក្សា ប្រកបដោយប្រសិទ្ធិភាព និងគុណភាព តាមស្តង់ដាអន្តរជាតិ»។
បន្ថែមពីនេះលោក ឧកញ៉ាក៏បានបន្ថែមថា ៖ « បន្ទាប់ពីសាខានៅចោមចៅនេះ យើងក៏គ្រោងបង្កើតសាខាបន្ថែមទៀតផងដែរទាំងខេត្តនិងក្រុង ដូចជា សាខាច្បារអំពៅ, សាខាជ្រោយចង្វារ, សាខាទឹកថ្លា, សាខាភ្នំពេញថ្មី, សាខាទេពផន, សាខាព្រែកភ្នៅ, សាខាខេត្តកំពង់ស្ពឺ, សាខាខេត្តកំពង់ចាម, សាខាខេត្តសៀមរាប, និង សាខាខេត្តបាត់ដំបង»។
ដូចគ្នានេះសម្រាប់ការចុះឈ្មោះសិក្សានៅមជ្ឈមណ្ឌលភាសា អេ អាយ អាយ សាខាចោមចៅក៏នឹងទទួលបាន អាហារូបករណ៍ផងដែរ ដូចជា ៖
១. ៥០ ភាគរយ សម្រាប់សិស្សម្នាក់ៗ ពេលចុះឈ្មោះ៤នាក់ឡើងទៅ ក្នុងពេលតែមួយ
២. ៣៥ ភាគរយ សម្រាប់សិស្សម្នាក់ៗ ពេលចុះឈ្មោះ៣នាក់ ក្នុងពេលតែមួយ
៣. ២៥ ភាគរយ សម្រាប់សិស្សម្នាក់ៗ ពេលចុះឈ្មោះ២នាក់ ក្នុងពេលតែមួយ
សម្រាប់កម្មវិធីសិក្សាភាសាចិន (CSL Program)
១. ៥០ ភាគរយ សម្រាប់សិស្សម្នាក់ៗ ពេលចុះឈ្មោះ៤នាក់ឡើងទៅ ក្នុងពេលតែមួយ
២. ៣៥ ភាគរយ សម្រាប់សិស្សម្នាក់ៗ ពេលចុះឈ្មោះ៣នាក់ ក្នុងពេលតែមួយ
៣. ២៥ ភាគរយ សម្រាប់សិស្សម្នាក់ៗ ពេលចុះឈ្មោះ២នាក់ ក្នុងពេលតែមួយ
លើសពីនេះក៏មានប្រម៉ូសិនលើតម្លៃសេវាកម្មរថយន្តសាលាផងដែរ បញ្ចុះតម្លៃពិសេសចាប់ពី១៥ ភាគរយ រហូតដល់ ៣៥ ភាគរយ។
ការចុះឈ្មោះសម្រាប់សាខាចោមចៅ ចាប់ទទួលចុះឈ្មោះសិស្ស សម្រាប់វគ្គសិក្សាថ្មីចូលរៀន នៅថ្ងៃទី១៣ ខែកុម្ភៈ ឆ្នាំ២០១៩ និងសាលារៀន អន្តរទ្វីប អាមេរិកាំង សាខាចោមចៅ ទទួលចុះឈ្មោះសិស្សចូលរៀនថ្នាក់ចំណេះទូទៅភាសាខ្មែរ សម្រាប់ឆ្នាំសិក្សាថ្មី២០១៩-២០២០ ចាប់ពីពេលនេះតទៅផងដែរ៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
