អត្ថបទពាណិជ្ជកម្ម
ក្រុមហ៊ុនតូតាល់កាំបូត ប្រកាសអ្នកឈ្នះរង្វាន់ក្នុងកម្មវិធីប្រកួត Startupper ប្រចាំឆ្នាំរបស់Total Challenge
×![]()
ដោយ: ថ្មីៗ
បន្ទាប់ពីក្រុមប្រឹក្សាវាយតម្លៃក្នុងស្រុកបានជ្រើសរើសអ្នកឈ្នះក្នុងកម្មវិធីប្រកួត Startupper ប្រចាំឆ្នាំ ២០១៨-២០១៩ របស់ក្រុមហ៊ុនតូតាល់កាំបូត អ្នកឈ្នះត្រូវបានប្រកាសនៅក្នុងពិធីប្រគល់រង្វាន់ ផ្លូវការដែលប្រព្រឹត្តិទៅកាលពីថ្ងៃទី១ ខែមីនា ឆ្នាំ២០១៩ នៅភោជនីយដ្ឋាន Topaz។
ជ័យលាភីចំនួនបីរូប ដែលជាអ្នកឈ្នះនៅក្នុងកម្មវិធីប្រកួត Startupper ប្រចាំឆ្នាំ២០១៨-២០១៩ របស់ក្រុមហ៊ុនតូតាល់នៅក្នុងប្រទេសកម្ពុជាគឺ៖
- ជ័យលាភីលេខ ១៖ ស្រ៊ុន សុវណ្ណ Tesdopi តេស្ត ១២
- ជ័យលាភីលេខ ២៖ តេង ស៊ាវប៉ោ Homex KH
- ជ័យលាភីលេខ ៣៖ ជា ស្រីស្រស់ KON CHHLAT Baby Porridge បបរកូនឆ្លាត
សហគ្រិនវ័យក្មេងទាំងបីរូបនេះ នឹងទទួលបានការគាំទ្រផ្នែកហិរញ្ញវត្ថុដែលមានចំនួនទឹកប្រាក់រហូតដល់ ១៥,០០០ ដុល្លារ សម្រាប់ជ័យលាភីលេខមួយ ដើម្បីអភិវឌ្ឍគម្រោងជំនួញរបស់ពួកគេ។ ពួកគេក៏នឹងទទួលបាននូវការគាំទ្រផ្សេងៗដូចជាការបង្ហាត់បង្រៀនពីក្រុមហ៊ុនតូតាល់ និងដៃគូរសហការ ព្រមទាំងយុទ្ធនាការទំនាក់ទំនងដើម្បីធ្វើការផ្សព្វផ្សាយគម្រោងជំនួញរបស់ពួកគេថែមទៀតផង។
ជ័យលាភីពានរង្វាន់សហគ្រិនស្ត្រីឆ្នើម សម្រាប់កម្មវិធីប្រកួតប្រចាំឆ្នាំ ២០១៨-២០១៩ដើម្បីគាំទ្រដល់ស្ត្រីក្នុងការធ្វើជំនួញ គឺបានទៅលើកញ្ញា ស្រ៊ុន សុវណ្ណ Tesdopi តេស្ត ១២
កម្មវិធី Startupper ប្រចាំឆ្នាំ២០១៨-២០១៩ របស់ Total Challenge ត្រូវបានរៀបចំឡើងក្នុងពេលដំណាលគ្នា នៅក្នុងប្រទេសចំនួន ៥៥ ដែលក្នុងនោះប្រទេសចំនួន ៣៧ គឺស្ថិតនៅក្នុងទ្វីបអាហ្វ្រិក ១១ ប្រទេស នៅក្នុងតំបន់អាស៊ីប៉ាស៊ីហ្វិចនិងមជ្ឈិមបូព៌ា និង ៤ ប្រទេសនៅទ្វីបអាមេរិក ព្រមទាំង ៣ ប្រទេសនៅទ្វីបអឺរ៉ុប ដែលប្រារព្ធឡើង ដើម្បីបញ្ជាក់អំពីការប្ដេជ្ញាចិត្តរបស់ក្រុមហ៊ុនតូតាល់ ចំពោះការអភិវឌ្ឍសង្គម និងសេដ្ឋកិច្ចនៅតាមបណ្ដាប្រទេសម្ចាស់ផ្ទះ ដែលយើងធ្វើអាជីវកម្មនៅទូទាំងពិភពលោក។ តាមរយៈការជួយសហគ្រិនវ័យក្មេង ដែលមានគំនិតច្នៃប្រឌិតខ្ពស់ឱ្យសម្រេចគម្រោងរបស់ខ្លួនដោយភាពជោគជ័យ មានន័យថាកម្មវិធី Total Challenge ជួយពង្រឹងធនធានមនុស្សដែលជាសរសៃឈាមនៅក្នុងសង្គមរបស់ប្រទេសម្ចាស់ផ្ទះ ដែលយើងធ្វើអាជីវកម្ម។
កម្មវិធី Startupper ប្រចាំឆ្នាំលើកទីពីរ របស់ Total Challenge ទទួលបានការចុះឈ្មោះចូលរួមចំនួន ៥០,០០០នាក់ ដែលមាន ១៥,០០០ ត្រូវបានបំពេញចប់សព្វគ្រប់។ សរុបជារួម អ្នកឈ្នះសម្រាប់វគ្គចុងក្រោយ ចំនួន ៨២៥នាក់ បានធ្វើបទបង្ហាញអំពីគម្រោងរបស់ពួកគេទៅកាន់ក្រុមប្រឹក្សាវាយតម្លៃក្នុងស្រុក ដែលមានរង្វាន់ចំនួន១៦៥រង្វាន់៕
© រក្សាសិទ្ធិដោយ thmeythmey.com
