ភ្នំពេញ៖ Mercedes-Benz GLC’s DYNAMIC SELECT ជាប្រព័ន្ធបូមរថយន្ត GLC ដែលមានដល់ទៅ ៥ ប្រភេទខុសគ្នា សម្រាប់ជំនួយដល់ការបើកបរ នៅលើដងផ្លូវទៅតម្រូវការ។ លោក ជី សេដ្ឋធន អ្នកប្រឹក្សាផ្នែកលក់ នៅក្រុមហ៊ុន ស្តារ អូតូ សូមជម្រាបជូនដល់អតិថិជនអំពីប្រព័ន្ធបូមរបស់រថយន្ត Mercedes-Benz GLC ដូចខាងក្រោម៖
ជម្រើសប្រព័ន្ធបូមប្រភេទ អេកូ (ECO) កម្មវិធីបើកបរអេកូផ្លាស់ប្តូរការផ្តោតរបស់រថយន្តដើម្បីសន្សំសំចៃសាំង។ វាចាប់ផ្តើមមុខងារ Start/Stop ដើម្បីពន្លត់ម៉ាស៊ីន នៅពេលរថយន្តឈប់ភ្លើងស្តុប។ មុខងារមួយនេះ ក៏មានទួនាទីផ្តាច់អំប្រ៊ីយា នៅពេលអ្នកដកជើងចេញពីហ្គែរ ក្នុងកំឡុងពេលរថយន្តកំពុងធ្វើដំណើរទៅមុខ ដើម្បីជៀសវាងការប្រើសាំងច្រើន។ ជារួមប្រព័ន្ធបូមប្រភេទ ECO សំដៅដល់ការបើកបរប្រកបដោយភាពសន្សំសំចៃ ស៊ីប្រេងតិចនិងគ្មានការបញ្ចេញឧស្ម័នពុលដល់បរិយាកាស។
ជម្រើសប្រព័ន្ធបូមប្រភេទ ខមហ្វត (COMFORT) ការផ្លាស់ប្តូរតិចតួចនៃជម្រើសប្រព័ន្ធបូមប្រភេទអេកូ ដើម្បីបង្កើនប្រសិទ្ធភាពម៉ាស៊ីន ប៉ុន្តែវាក៏ជួយបន្ធូរទៅលើប្រព័ន្ធទ្រ (បូម) របស់ប្រអប់លេខ ដើម្បីធ្វើឱ្យការបើកបរកាន់តែមានភាពស្រទន់ និងធូរស្រាល។ ជារួម ប្រព័ន្ធបូមប្រភេទ COMFORT សំដៅដល់ការបើកបរប្រចាំថ្ងៃ ទោះផ្លូវជិត ឬឆ្ងាយ ជួយដល់អ្នកបើកបរឲ្យមានផាសុកភាព មិននឿយហត់ក្នុងការបើកបរ មិនរលាក់ មិនឃ្លេងឃ្លោង និងមិនកញ្ឆក់ ឬបុកលេខ ដែលធ្វើអោយអ្នកជិះជាមួយ មានអាការធុញថប់ ឬពុលឡានជាដើម។
ជម្រើសប្រព័ន្ធបូមប្រភេទ ស្ពត (SPORT) លក្ខណៈពិសេសបែបស្ព័រ ដែលបញ្ឈប់មុខងារជម្រើសប្រព័ន្ធបូមប្រភេទអេកូទាំងអស់។ ធ្វើឲ្យរថយន្តស្ទុះ ដែលបូមរបស់រថយន្តត្រូវបានរឹតបន្តឹង និងការប្តូរលេខរបស់រថយន្ត មានល្បឿនលឿនជាងមុន ហើយចង្កូតនឹងផ្តល់ជំនួយដើម្បីផ្តល់ឱ្យអ្នក នូវការគ្រប់គ្រងរថយន្ត ដ៏ល្អប្រសើរជាងមុន ទៅលើការបើកបរនៅលើផ្លូវសម្រាប់ការបើកបរក្នុងល្បឿនលឿនរបស់អ្នក។ ជារួមប្រព័ន្ធបូមប្រភេទ SPORT សំដៅដល់ការបើកបរដែលចូលចិត្តកម្លាំងរថយន្តស្ទុះខ្លាំង សំឡេងស៊ីម៉ាំងឮពីរោះ មានភាពជឿជាក់នៅលើដងផ្លូវ សម្រេចដល់ទិសដៅឆាប់ ជាងការរំពឹងទុក។
ជម្រើសប្រព័ន្ធបូមប្រភេទ ស្ពតភ្លើស (SPORT+) អ្នកអាចនិយាយបានថាកម្មវិធីនេះ គឺច្រើនពេក សម្រាប់ប្រភេទរថយន្តមួយនេះ។ ទាល់តែអ្នកកាន់ដៃចង្កូត ហើយចាប់ផ្តើមបើកបរទើបដឹងថា«វ៉ាវ អស្ចារ្យមែន»។ រថយន្ត នឹងផ្តល់ឱ្យអ្នកនូវអ្វីគ្រប់យ៉ាងដែលវាមាន។ ការឆ្លើយតបរបស់ឈ្នាន់ហ្គែរភ្លាមៗ ធ្វើឲ្យបំពង់ស៊ីមាំងបើកចំហ និងបូមរឹងធ្វើឲ្យរថយន្តនេះ ក្លាយជាប្រភេទរថយន្តប្រណាំង ដើម្បីត្រៀមខ្លួនជាស្រេច សម្រាប់វ៉ាឬជែងលឿនភ្លាមៗ។ ជារួមប្រព័ន្ធបូមប្រភេទ SPORT+ សំដៅដល់ការបើកបរ ជាលក្ខណៈពិសេសជាងគេបំផុត ជាទម្រង់បើកបរបែបប្រណាំង អាចបញ្ចេញសម្លេងបំពង់ស៊ីម៉ាំងលាន់ឮខ្លាំង និងធ្វើជាជើងឯកនៅលើដងផ្លូវប្រកបដោយមោទនភាពដែលមិនប៉ះពាល់ដល់ការធ្វើដំណើររបស់អ្នកដទែ។
ជម្រើសប្រព័ន្ធបូមប្រភេទ បែបបុគ្គល (INDIVIDUAL) អ្នកអាចប្តូរបានគ្រប់លក្ខណៈបើកបររបស់រថយន្តដាច់ដោយឡែក ដោយអ្នកបើកបរអាចជ្រើសរើសលក្ខណៈដែលអ្នកចូលចិត្ត ពីរបៀបនីមួយៗ ដោយលើកលែងតែស្ពតភ្លើស។ ប្រសិនបើអ្នកចង់បានជម្រើសប្រព័ន្ធបូមប្រភេទស្ពតភ្លើស អ្នកត្រូវប្តូរជម្រើសប្រព័ន្ធបូមរបស់រថយន្តទាំងអស់ ឲ្យវាផ្តល់នៅថាមពលអតិបរមា។ ជម្រើសនេះ មានប្រយោជន៍ដែលធ្វើឱ្យបទពិសោធបើកបរ ពិតជារបស់អ្នកផ្ទាល់។ ជារួម ប្រព័ន្ធបូមប្រភេទ INDIVIDUAL សំដៅដល់ការបើកបរជាទម្រង់ចម្រុះ ចង់យឺត បានយឺត ចង់បើកលឿន បានលឿន ចង់បើកជែង គឺជែងដាច់ ចង់ប្រណាំង គឺប្រណាំងក៏បាន គឺអាចបត់បែនបានគ្រប់កាលៈទេសៈទាំងអស់។
រាល់ព័ត៌មានបន្ថែម អាចទំនាក់ទំនង លោក ជី សេដ្ឋធន តាមរយៈលេខ 089 575 942 ឬទាំនាក់ទំនងមកផ្នែកលក់ដោយផ្ទាល់ក៏បានតាមរយៈ 017231488 ឬ 023 231 488៕
(អត្ថបទពាណិជ្ជកម្ម)