ពីនេះ ពីនោះ
ព័ត៍មានសុខភាព
×![]()
ដោយ: ថ្មីៗ
ការផឹកទឹកច្រើនគឺល្អចំពោះសុខភាពណាស់ ប៉ុន្តែបើអ្នកជ្រើសរើសកែវដែលខុស នោះសុខភាពអ្នកនឹងអាចបំផ្លាញដោយងាយ ព្រោះមានកែវមួយចំនួន បើអ្នកប្រើយូរ វានឹងអាចធ្វើឲ្យអ្នកកើតមហារីកដោយមិនដឹងខ្លួន ដូចនេះតើមានកែវអ្វីខ្លះដែលអ្នកមិនគួរប្រើនោះ?
កែវក្រដាស
កែវក្រដាសមើលទៅមានអនាម័យ ងាយស្រួលប្រើ និងងាយស្រួលយកតាមខ្លួននៅពេលដែលអ្នកចេញដំណើរទៅគ្រប់ទីកន្លែង ប៉ុន្តែតើអ្នកមានធ្លាប់សង្កេតឃើញទេថា វាមានលក្ខណៈសណាស់ ហើយលក្ខណៈសនេះឯងដែលអាចធ្វើឲ្យអ្នកមានជំងឺមហារីកបាន ព្រោះវាដាក់សារធាតុម្យ៉ាងដែលប៉ះពាល់ដល់សុខភាពអ្នកណាស់នៅពេលដែលអ្នកប្រើច្រើន។
កែវជ័រ
អ្នកមិនត្រូវប្រើកែវជ័រដើម្បីផឹកទឹកទេ ព្រោះនៅក្នុងកែវជ័រមានសារធាតុពុលម្យ៉ាងនៅពេលដែលអ្នកដាក់ទឹកក្តៅ ឬទឹកធម្មតាចូល សារធាតុនោះនឹងជ្រាបចូលទៅក្នុងទឹក នោះវានឹងប៉ះពាល់ដល់សុខភាពអ្នកណាស់នៅពេលដែលអ្នកប្រើយូរ ម្យ៉ាងទៀតនៅពេលដែលអ្នកប្រើយូរ វានឹងមានកម្អែរដែលលាងមិនចេញ នោះយូរទៅវានឹងអាចធ្វើឲ្យអ្នកកើតជំងឺផ្សេងៗបាន។
កែវដែលមានព៌ណចំរុះ
កែវដែលមានព៌ណគ្រប់ប្រភេទមើលទៅទាក់ទាញខ្លាំងណាស់ ធ្វើឲ្យអ្នកស្រេកទឹកនៅពេលដែលឃើញកែវ ប៉ុន្តែយកល្អ អ្នកមិនត្រូវប្រើទេ ព្រោះព៌ណទាំងនោះសុទ្ធតែជាសារធាតុពុល បើអ្នកដាក់ទឹកក្នុងកែវនោះចូលមកផឹក ព៌ណទាំងនោះនឹងចូលមកក្នុងទឹកអ្នកដែលធ្វើឲ្យអ្នកផឹកមិនដឹងខ្លួន នោះសុខភាពអ្នកនឹងទ្រុតទ្រោមទៅជាមិនខានឡើយ។
កែវធ្វើពីដែក
អ្នកមិនត្រូវប្រើកែវដែលធ្វើពីដែកយកមកផឹកកាហ្វេ និងក្រូចច្របាច់នោះទេ ព្រោះសារធាតុដែកទាំងនោះអាចរលាយចូលទៅក្នុងកាហ្វេ ឬទឹកក្រូចនោះ ជាហេតុដែលអាចធ្វើឲ្យអ្នកពុលបានយ៉ាងងាយ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
