អត្ថបទពាណិជ្ជកម្ម
ក្រុមហ៊ុន DKSH Cambodia ឧបត្ថម្ភដោយក្រុមហ៊ុន WIPRO Consumer Care ជប់លៀងអរគុណអតិថិជន និងឆ្លៀតណែនាំផលិតផលថ្មីអង់សង់ទ័រ និងរូម៉ាណូ
×![]()
ដោយ: ថ្មីៗ
រាជធានីភ្នំពេញ ថ្ងៃទី២៧ ខែឧសភា ឆ្នាំ២០១៩៖ ក្រុមហ៊ុន DKSH គឺជាអ្នកផ្តល់សេវាកម្មពង្រីកទីផ្សារឈានមុខគេ ផ្តោតសំខាន់លើទី្វបអាស៊ី រួមនឹងក្រុមហ៊ុន WIPRO Consumer Care បានណែនាំផលិតផលថ្មី អង់សង់ទ័រ និង រូម៉ាណូ ក្នុងកម្មវិធីជប់លៀបថ្លែងអំណរគុណជូនដល់អតិថិជនរបស់ខ្លួន នៅក្នុងឆ្នាំ២០១៩នេះ។ កម្មវិធីនេះ បានប្រព្រឹត្តទៅ ភោជនីយដ្ឋានទន្លេបាសាក់២ រាជធានីភ្នំពេញ។
ក្រុមហ៊ុន WIPRO CONSUMER CARE ជាក្រុមហ៊ុនសាជីវកម្មលំដាប់ពិភពលោក មានវត្តមាននៅក្នុង ៦០ ប្រទេសនៅអាស៊ី ដែលមានចំណូលជាង ១.០០០ កោដិដុល្លា ដែលក្នុងនោះអាជីវកម្មផលិតផលថែរក្សាសម្រស់ ចូលរួមចំណែកយ៉ាងធំលើការរីកចំរើនរបស់ក្រុមហ៊ុនទាំងមូល។ ទាំងផលិតផលម៉ាក អង់សង់ទ័រ និងរ៉ូម៉ាណូ ឈរនៅលំដាប់លេខ ៣ ក្នុងប្រភេទផលិតផលគ្រឿងក្រអូប សាប៊ូទឹកដុសខ្លួន សាប៊ូកក់សក់ រ៉ូលអន ឡេលាបខ្លួន -ល- នៅបណ្តាប្រទេសនានា ក្នុងទ្វីបអាស៊ី។
ក្រុមហ៊ុននេះ បានចាប់ផ្តើមអាជីវកម្មរបស់ខ្លួននៅប្រទេសកម្ពុជា ចាប់តាំងពីឆ្នាំ២០០២ ដែលមានផលិតផលថែរក្សាសម្ផស្សលំដាប់អន្តរជាតិចំនួនពីរម៉ាក គឺអង់សង់ទ័រ និងរ៉ូម៉ាណូ។ ការលក់ផលិតផលទាំងអង់សង់ទ័រ និងរ៉ូម៉ាណូ បានកើនឡើងយ៉ាងខ្លាំងក្នុងរយៈពេល១៧ឆ្នាំនេះ ដោយសារតែមានការគាំទ្រឥតឈប់ឈរ ពីអតិថិជន និងអ្នកប្រើប្រាស់ និងម្យ៉ាងផលិតផលទាំងពីរនេះ មានក្លិនក្រអូបផ្តាច់មុខ និងជាម៉ាកលំដាប់អន្តរជាតិ។
ក្នុងការរៀបចំកម្មវិធីនេះ ក្រុមហ៊ុន DKSH និងក្រុមហ៊ុន WIPRO បានថ្លែងអំណរគុណដល់អតិថិជនដែលតែងតែផ្តល់ការគាំទ្រ និងជំរុញការលក់ផលិតផល WIPRO និងឆ្លៀត ឱកាសដ៏ល្អនេះ ណែនាំផលិតផលថ្មីរបស់ ម៉ាកទាំងពីរនេះបន្ថែមទៀត។ អង់សង់ទ័រ បានអភិវឌ្ឍសាប៊ូទឹកដុសខ្លួន ដោយរចនាម៉ូដដបថ្មី ទាក់ទាញជាងមុន ជាមួយរូបមន្ត ប្រូតេអ៊ីនសូត្រ ដែលជួយធ្វើឲ្យស្បែក ទន់ ម៉ដ្ឋរលោង និងមានក្លិនក្រអូបពីប្រទេសបារាំង។ រ៉ូម៉ាណូ ក៏បានណែនូវការរចនាម៉ូដដប និងរូបមន្តថ្មី ជាមួយប្រូវីតាមីន បេ៥ ជួយធ្វើឲ្យសក់មានសុខភាពល្អ និងរឹងមាំ ផងដែរ៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
