ជាតិ
មន្ត្រីឧទ្យានុរក្សម្នាក់នៅតំបន់ភ្នំសំកុស ដែលរបួសកដោយបន្លាឫស្សី ទទួលបានជំនួយ៦សែនរៀល រូបភាពពីមន្ទីរបរិស្ថានខេត្តពោធិ៍សាត់
× មន្ត្រីឧទ្យានុរក្សាម្នាក់ឈ្មោះ ឃឿន ឃន បានជួបឧបទ្ទវហេតុទាក់បន្លាឫស្សី បណ្ដាលឲ្យមុតក ពេលកំពុងដើរល្បាត នៅដែនជម្រកសត្វព្រៃភ្នំសំកុស ខេត្តពោធិ៍សាត់ កាលពីព្រឹកថ្ងៃទី១២មិថុនា ឆ្នាំ២០១៩។ មន្រី្តបរិស្ថាន បានបញ្ចូនលោក ឃឿន ឃន ទៅមន្ទីរពេទ្យ និងផ្តល់ប្រាក់ឧបត្ថម្ភប្រមាណ៦សែនរៀល។
បើតាមការចេញផ្សាយលើទំព័រហ្វេសប៊ុករបស់មន្ទីរបរិស្ថានខេត្តពោធិ៍សាត់ ក្រុមការងារមន្រី្តឧទ្យានុរក្សបានជួយសង្គ្រោះលោក ឃឿន ឃន ភ្លាមៗ ដោយបានឃាត់ឈាម និងបញ្ចូនទៅព្យាបាលមុខរបួសនៅមន្ទីរពេទ្យ។ លើសពីនេះ ថ្នាក់ដឹកនាំក្រសួងនិងមន្ទីរខេត្ត បានបន្តបញ្ចូនជនរងគ្រោះទៅមន្ទីរពេទ្យបង្អែកខេត្តពោធិ៍សាត់។
លោក សុខ គាង អនុរដ្ឋលេខាធិការក្រសួងបរិស្ថានទទួលបន្ទុកខេត្តពោធិ៍សាត់ បានផ្ដល់ប្រាក់ឧបត្ថម្ភ៤សែនរៀល ហើយលោក គង់ គឹមស្រេង ប្រធាននាយកដ្ឋានអភិរក្សតំបន់ការពារធម្មជាតិដីគោកខាងត្បូងបឹងទន្លេសាប ផ្ដល់ប្រាក់ឧបត្ថម្ភ២សែនរៀល។
ក្រៅពីនេះ មានប្រាក់ឧបត្ថម្ភមួយចំនួនទៀតពីថ្នាក់ដឹកនាំមន្ទីរបរិស្ថានខេត្តពោធិ៍សាត់ និងស្នាក់ការដែនជម្រកសត្វព្រៃភ្នំសំកុស ដែលផ្តល់ជូន លោក ឃឿន ឃន៕
Tag:
ឧទ្យានុក្ស
ឧបទ្ទវហេតុ
ភ្នំសំកុស
© រក្សាសិទ្ធិដោយ thmeythmey.com