ក្រុមដោនថោនស្ព័តប្រជែងដណ្តើមលេខ១ក្នុងពូល B ជាមួយក្រុមមកពីមីយ៉ាន់ម៉ានៅរសៀលនេះ

កីឡាជាតិ

ជាតិ

ក្រុមដោនថោនស្ព័តប្រជែងដណ្តើមលេខ១ក្នុងពូល B ជាមួយក្រុមមកពីមីយ៉ាន់ម៉ានៅរសៀលនេះ

20, Jun 2019 , 10:59 am

រូបភាព

ដោយ:

ក្រុមដោនថោនស្ព័ត(Down Town Sport) ត្រូវប្រជែងជាមួយក្រុមមីយ៉ាន់ម៉ា Myanmar Imperial University ដើម្បីដណ្តើមចំណាត់ថ្នាក់លេខ១ពូល B ក្នុងព្រឹត្តិការណ៍ AFF Futsal Cup 2019 វេលាម៉ោង៤រសៀលថ្ងៃទី២០ មិថុនា នៅទីលាន Terminal 21 Hal ក្នុងខេត្ត Nakhon Ratchasima ប្រទេសថៃ។

ក្រុមតំណាងកម្ពុជាមួយនេះ ទទួលបានកៅអីឡើងទៅវគ្គបន្តដោយស្វ័យប្រវត្តិ ក្រោយយកឈ្នះក្រុមម៉ាឡេស៊ី Melaka United ក្នុងលទ្ធផល ៥-៤ នាជំនួបបើកឆាករបស់ខ្លួនកាលពីថ្ងៃទី១៩ ខែមិថុនា ឆ្នាំ២០១៩។ ការទទួលបានកៅអីដោយស្វ័យប្រវត្តិនេះ បន្ទាប់ក្រុម Melaka United បានចាញ់ពីរប្រកួតជាប់គ្នា។

នៅម៉ោង២រសៀលថ្ងៃព្រហស្បតិ៍នេះដែរ ក្រុម PTT Chonburi Bluewave ប្រជែងជាមួយក្រុម Sanvinest Sanatech Khanh Hoa របស់វៀតណាម ដើម្បីដណ្តើមលេខ១ប្រចាំពូល A។ នេះជាជំនួបដ៏សំខាន់សម្រាប់ក្រុមម្ចាស់ផ្ទះ ដោយពួកគេត្រូវការឈ្នះ ឬស្មើជាមួយក្រុមវៀតណាម ដើម្បីធានាកៅអីឡើងទៅវគ្គបន្ត។ ខណៈបច្ចុប្បន្នទាំងក្រុមម្ចាស់ផ្ទះថៃ និងក្រុមឥណ្ឌូណេស៊ី Black Steel Futsal Club មាន១ពិន្ទុក្នុងដៃដូចគ្នា គ្រាន់តែក្រុមម្ចាស់ផ្ទះមានប្រៀបលើគ្រាប់បាល់ចំណេញ៕