រលំអគារនៅខេត្តព្រះសីហនុ៖ អ្នកស្លាប់កើនដល់១៧នាក់ គិតត្រឹមព្រឹកថ្ងៃអាទិត្យនេះ

ជាតិ

រលំអគារនៅខេត្តព្រះសីហនុ៖ អ្នកស្លាប់កើនដល់១៧នាក់ គិតត្រឹមព្រឹកថ្ងៃអាទិត្យនេះ

23, Jun 2019 , 8:06 am

រូបភាព

ដោយ: ថ្មីៗ

ក្រុមប្រតិបត្តិការសង្គ្រោះជនរងគ្រោះដែលអគារសំណង់រលំសង្កត់លើ បានឲ្យដឹងថា គិតត្រឹមម៉ោង ៨ ព្រឹកថ្ងៃទី២៣ ខែមិថុនាឆ្នាំ ២០១៩នេះ ចំនួនអ្នកស្លាប់កើនដល់១៧នាក់ និងអ្នករបួស២៤នាក់ ហើយក្រុមសង្គ្រោះនៅតែបន្តបេសកកម្មស្វែងរកមនស្សដែលសង្ស័យថាអាចមាននៅក្នុងគំនរអគារដួលរលំនេះបន្តទៀត។

តុល្យការចុងក្រោយនៃឧបទ្ទវហេតុរលំអគារនេះបានបណ្តាលឲ្យមនុស្សស្លាប់ និងរងរបួសចំនួន៤១រូបក្នុងនោះស្លាប់ចំនួន១៧នាក់ ស្រី ៤ នាក់ហើយអ្នករងរបួសចំនួន២៤រូបស្រី ២ នាក់។ សាច់ញាតិជនរងគ្រោះដែលស្លាប់ចំនួន១១នាក់ បានបំពេញបែបបទដើម្បីយកសពទៅធ្វើបុណ្យតាមប្រពៃណី ហើយនៅសល់សាកសពជនរងគ្រោះចំនួន៦នាក់ផ្សេងទៀតដែលអាជ្ញាធរកំពុងទាក់ទងទៅសាច់ញាតិរបស់ពួកគេនៅតាមបណ្តាខេត្តផ្សេងៗ។ កងយោធពលខេមរភូមិន្ទក៏បានជួយដឹកជញ្ជូនសាកសពទៅកាន់ស្រុកកំណើតរស់ជនរងគ្រោះផងដែរ។

ក្រុមការងារជួយសង្គ្រោះជនរងគ្រោះដែលដឹកនាំដោយលោក សាយ សំអាល់ ប្រធានក្រុមការងារថ្នាក់ជាតិចុះជួយខេត្តព្រះសីហនុ ក៏បានបង្ហាញពីបញ្ជីឈ្មោះជនរងគ្រោះដែលទទួលមរណភាព និងរងរបួសផងដែរ។