ប្រាសាក់ ជាគ្រឹះស្ថានហិរញ្ញវត្ថុធំជាងគេនៅកម្ពុជា និងជានិយោជកនៃជម្រើសដែលមានបុគ្គលិកជាង៨,០០០នាក់កំពុងបម្រើការ បានប្រកាសស្វាគមន៍គ្រប់អតីតបុគ្គលិក ប្រាសាក់ទាំងអស់ ដែលមានបំណងចូលបម្រើការងារនៅប្រាសាក់វិញ។ ប្រាសាក់ ប្រកាសថា គ្រឹះស្ថានរីករាយ ក្នុងការទទួលយកអតីតបុគ្គលិកទាំងអស់ មកចូលរួមបម្រើការជាមួយ នឹងមហាគ្រួសារប្រាសាក់។
លោក ហឿន ហុន្នី នាយកនាយកដ្ឋានបុគ្គលិករបស់ប្រាសាក់ បានគូសបញ្ជាក់ថា ប្រសិនបើ លោក លោកស្រី នាងកញ្ញា ដែលធ្លាប់បម្រើការងារនៅប្រាសាក់ ហើយមានបំណងចូលបម្រើការងារជាមួយប្រាសាក់វិញ អាចវិលត្រលប់មកបម្រើការងារ នៅប្រាសាក់បានជាធម្មតា។ លោក ហឿន ហុន្នី បន្ថែម៖«ថ្នាក់គ្រប់គ្រង និងបុគ្គលិកប្រាសាក់ទាំងអស់ សូមស្វាគមន៍យ៉ាងកក់ក្ដៅ និងរង់ចាំទទួលលោក លោកស្រី ដែលជាអតីតបុគ្គលិក ដែលចង់ចូលបម្រើការងារវិញ ដើម្បីរីកចម្រើនជាមួយគ្នា»។
បើតាម លោក ហឿន ហុន្នី ប្រាសាក់ ជាគ្រឹះស្ថានដែលធំជាងគេក្នុងវិស័យហិរញ្ញវត្ថុ មានបទដ្ឋានការងារច្បាស់លាស់ បរិយាកាសការងារល្អ ផ្ដល់ផលប្រយោជន៍ច្រើន ឱកាសការងារនៅជិតផ្ទះ មានឱកាសអភិវឌ្ឍនិងបង្កើនសមត្ថភាពខ្លួន ព្រមទាំងមានលក្ខខណ្ឌការងារគោរពតាមច្បាប់ការងាររបស់ប្រទេសកម្ពុជា។ ហេតុនេះ ប្រាសាក់ នៅតែជាជម្រើសការងារដ៏ល្អបំផុតសម្រាប់ភាពរីកចម្រើនរបស់បុគ្គលិក។ នាយកនាយកដ្ឋានបុគ្គលិករបស់ប្រាសាក់ បន្ថែមដូច្នេះ។
លោក ហឿន ហុន្នី បញ្ជាក់ថា អតីតបុគ្គលិកនឹងទទួលបានអត្ថប្រយោជន៍ជាច្រើន ទាំងផ្នែកហិរញ្ញវត្ថុ និងមិនមែនហិរញ្ញវត្ថុ ដ៏គួរឱ្យទាក់ទាញ រួមមាន៖
• ប្រាក់បៀវត្សតាមការចរចា
• ប្រាក់ឧបត្ថម្ភតួនាទី
• ប្រាក់រង្វាន់លើកទឹកចិត្តប្រចាំឆ្នាំរហូតដល់ 4 ខែ
• ប្រាក់ឧបត្ថម្ភបុណ្យចូលឆ្នាំខ្មែរចំនួន ១ ខែ បុណ្យភ្ជុំបិណ្ឌចំនួន ១ ខែ
• ថ្លៃប្រេងឥន្ធនៈ និងថ្លៃឈ្នួលម៉ូតូ ៦០ ដុល្លារអាមេរិក ក្នុង ១ ខែ (សម្រាប់តួនាទីមន្ត្រីឥណទាន)
• ទទួលបានកម្ចីទិញម៉ូតូ និងកម្ចីបុគ្គលិក ក្នុងអត្រាការប្រាក់ទាប (សម្រាប់តួនាទីមន្ត្រីឥណទាន)
• ទទួលបានប្រាក់បំណាច់អតីតភាពការងារ ស្មើនឹងប្រាក់ឈ្នួល និងប្រាក់បន្ទាប់បន្សំជាមធ្យមចំនួន ១៥ ថ្ងៃក្នុង ១ ឆ្នាំ
• ទទួលបានឯកសណ្ឋាន ទូរស័ព្ទ និងកាតទូរស័ព្ទ
• ធានារ៉ាប់រងសុខភាព
• ធានារ៉ាប់រងលើការសម្រាកនៅមន្ទីរពេទ្យ
• ធានារ៉ាប់រងគ្រោះថ្នាក់ផ្ទាល់ខ្លួន
• កន្លែងស្នាក់នៅ
• ឈប់សម្រាកប្រចាំឆ្នាំ រហូតដល់ ២១ ថ្ងៃ
• ឈប់សម្រាករៀបអាពាហ៍ពិពាហ៍ចំនួន ៥ ថ្ងៃ
• ឈប់សម្រាកសម្រាលកូនចំនួន ៩០ ថ្ងៃ
• ឈប់សម្រាកពេលភរិយាសម្រាលកូនចំនួន ៣ ថ្ងៃ
• ឈប់សម្រាកពេលមានធុរៈក្នុងគ្រួសារ
• ឈប់សម្រាកព្យាបាលជំងឺ
• មិនធ្វើការនៅថ្ងៃឈប់សម្រាក និងថ្ងៃសៅរ៍-អាទិត្យ
ក្រៅពីអត្ថប្រយោជន៍ជាច្រើនខាងលើ ប្រាសាក់ជានិយោជកនៃជម្រើស ហើយអតីតបុគ្គលិកប្រាសាក់ទាំងអស់ អាចទាក់ទងយើងខ្ញុំតាមទូរស័ព្ទ 086 999 911 ឬ ផ្ញើ Email មក
.kh
ប្រាសាក់ ផ្ដល់ឱកាសការងារដែលផ្ដល់នូវភាពរីកចម្រើន៕
(អត្ថបទពាណិជ្ជកម្ម)