នេះគឺជាកម្មវិធីសង្គមមួយ ដែលមានការចូលរួមពីបុគ្គលិកស្ម័គ្រចិត្ត របស់ក្រុមហ៊ុន សាមសុង ជាច្រើនរូប។ កម្មវិធីនេះ ត្រូវបានរៀបចំឡើងនៅសាលាមត្តេយ្យ ៨ មីនា ក្នុងរាជធានីភ្នំពេញ រយៈពេល ១ សប្តាហ៍ ចាប់ពីថ្ងៃទី ២៩ ខែមិថុនា ដល់ថ្ងៃទី ៦ខែកក្កដា ឆ្នាំ២០១៩។ សកម្មភាពសំខាន់ៗក្នុងរយៈពេល ១ សប្តាហ៍នេះ គឺផ្តោតទៅលើការពង្រឹង និងការអភិវឌ្ឍន៍បញ្ញារបស់កុមារ ដែលជំរុញការគិតរបស់សិស្សានុសិស្ស ដែលមានអាយុ៥ ដល់ ៧ឆ្នាំ ឲ្យមានភាពកាន់វៃឆ្លាត។
កម្មវិធីនេះរៀបចំឡើង តាមបែបសិស្សមជ្ឈមណ្ឌល ឬ «Student-Centered» ជាមួយនឹងកម្មវិធីសិក្សាចំនួន៧ ធ្វើយ៉ាងណាផ្តល់ជូន«ការអភិវឌ្ឍន៍ផ្នែកបញ្ញា ដើម្បីបង្កើនភាពវៃឆ្លាតរបស់កុមារឲ្យកាន់តែប្រសើរឡើង»។ អ្វីដែលកាន់តែពិសេសនោះ គឺក្រុមហ៊ុន សាមសុង បានជ្រើសរើស សាលាមត្តេយ្យ ៨ មីនា ជាសាលាដ៏វៃយឆ្លាត ឬ(Smart School) ដោយបានផ្តល់ជូន ថេបប្ល៊េត(Tablet)ដល់សាលា ដើម្បីឲ្យគណៈគ្រប់គ្រង អាចបន្តហ្វឹកហាត់ និងអភិវឌ្ឍន៍កម្មវិធីនេះបន្ថែមទៀត ទៅដល់សិស្សានុសិស្សទាំងអស់ នៅពេលខាងមុខ។
កម្មវិធីសង្គមមួយនេះ មិនគ្រាន់តែផ្តល់នូវអត្ថប្រយោជន៍ដល់សិស្សានុសិស្សប៉ុណ្ណោះទេ ប៉ុន្តែថែមទាំងផ្តល់អត្ថប្រយោជន៍ជាច្រើន ដល់លោកគ្រូ អ្នកគ្រូ និងបុគ្គលិកផ្នែកអប់រំ បណ្តុះបណ្តាលទាំងអស់ ក្នុងការរៀនសូត្រពីវិធីសាស្ត្របង្រៀនថ្មីៗ ទំនើបទាន់សម័យ សម្រាប់ពេលខាងមុខផងដែរ។
គួរបញ្ជាក់ផងដែរថា កម្មវិធីនៃការពង្រឹងដល់បញ្ញា និងភាពវៃឆ្លាត គឺជាដំណើរការដែលសិស្សានុសិស្សទាំងអស់ អាចរៀនដើម្បីស្វែងយល់ហេតុផល ដំណោះស្រាយបញ្ហា និងការពិចារណាបានយ៉ាងល្អត្រឹមត្រូវ ព្រមទាំងអាចជួយដល់ការរីកចម្រើន ផ្នែកបញ្ញាស្មារតីរបស់កុមារ ឲ្យបានប្រសើរជាងមុន នៅថ្ងៃអនាគត។
លោក Seungho Choi អគ្គនាយកគ្រប់គ្រងសាខាក្រុមហ៊ុនថៃ សាមសុង អេឡិចត្រូនិកប្រចាំកម្ពុជា បានមានប្រសាសន៍ថា៖«យើងពិតជាសប្បាយចិត្ត ក្នុងការផ្តល់នូវកម្មវិធីដែលជួយដល់សង្គម (CSR) សម្រាប់កម្ពុជាម្តងទៀត។ ក្នុងនាមជាក្រុមហ៊ុនដែលឈានមុខគេក្នុងពិភពលោក គឺមានគោលបំណង ដើម្បីកែប្រែជីវិតក្នុងការរស់នៅ ឲ្យកាន់តែប្រសើរឡើង ដល់សហគមន៍ជាច្រើនជុំវិញពិភពលោក តាមរយៈការផ្តល់នូវបទពិសោធន៍ជំនាញ និងទេពកោសល្យរបស់បុគ្គលិកយើងទាំងអស់គ្នា»។
លោក Seungho Choi បានចាត់ទុកថា នេះគឺជាសកម្មភាពមួយដ៏ចាំបាច់បំផុត សម្រាប់ប្រទេសកម្ពុជា ស្របពេលដែលស្ថានភាពសង្គមបច្ចុប្បន្ន ត្រូវការធនធានមនុស្សដែលមានសមត្ថភាពដើម្បីអភិវឌ្ឍន៍សង្គម។ ដូច្នេះកម្មវិធីដែលក្រុមហ៊ុន សាមសុង ធ្វើនៅពេលនេះ គឺពិតជាគ្រឹះដ៏ចាំបាច់បំផុត សម្រាប់ប្រទេសកម្ពុជា។ លោក Seungho Choi បន្ថែមថា៖«កម្មវិធី Samsung One Week គឺជាផ្នែកមួយ នៃកម្មវិធីបុគ្គលិកស្ម័គ្រចិត្តអន្តរជាតិ ដែលស្ថិតនៅក្រោមកម្មវិធីទំនួលខុសត្រូវសង្គម (CSR) របស់ក្រុមហ៊ុន សាមសុង ផងដែរ»។
ប្រទេសកម្ពុជា គឺជាប្រទេសគោលដៅទី១ ក្នុងចំណោមប្រទេសគោលដៅជាច្រើនទៀត សម្រាប់បុគ្គលិកស្ម័គ្រចិត្ត ដែលនឹងធ្វើដំណើរជុំវិញពិភពលោក ដែលក្នុងនោះមានដូចជាប្រទេស ថៃ ឥណ្ឌូណេស៊ី កាហ្ស៉ាកស្ថាន នេប៉ាល់ និងប្រទេសហុងគ្រី ដើម្បីបំពេញបេសកកម្មរបស់ពួកគេ។
គូរបញ្ជាក់ថា នេះមិនមែនជាលើកទីមួយទេ ដែលកម្ពុជាត្រូវបានជ្រើសរើស សម្រាប់សកម្មភាពសង្គមដ៏មានអត្ថន័យ និងសារៈសំខាន់បំផុត ពីក្រុមហ៊ុន សាមសុង។ កាលពីឆ្នាំ ២០១៦កន្លងទៅ ក្រុមហ៊ុនយក្សមួយនេះ បានជ្រើសរើសប្រទេសកម្ពុជា សម្រាប់កម្មវិធី Samsung Electronic CSR ដែលស្ថិតក្រោមគម្រោង «Education and Computer Literacy» ដោយផ្តោតលើការបណ្តុះបណ្តាលយុវជន លើជំនាញព័ត៌មានវិទ្យា និងភាពជាសហគ្រិន។
ក្រុមហ៊ុន សាមសុង នៅតែប្តេជ្ញាចិត្តយ៉ាងមោះមុត ថាខ្លួននឹងនៅតែជំរុញការអភិវឌ្ឍន៍សហគមន៍តាមរយៈផ្តល់ការសិក្សា និងបណ្តុះបណ្តាល ដើម្បីបង្កើននូវជំនាញ ចំណេះដឹង និងភាពវៃឆ្លាតដល់សហគមន៍ បន្តទៀតផងដែរ៕
(អត្ថបទពាណិជ្ជកម្ម)