យុវជន ជុំ ហួរ និង ជុំ ហួត ត្រូវដោះលែងវិញហើយ តែយុវជនម្នាក់ទៀត នៅជាប់ឃុំ

ជាតិ

សង្គមជាតិ

យុវជន ជុំ ហួរ និង ជុំ ហួត ត្រូវដោះលែងវិញហើយ តែយុវជនម្នាក់ទៀត នៅជាប់ឃុំ

10, Jul 2019 , 8:12 pm

រូបភាព

យុវជន ជុំ ហួរ និង ជុំ ហួត (រូបពីហ្វេសប៊ុក Chum Hout Chum Hour)

ដោយ: សារព័ត៌មានថ្មីៗ

ព្រះរាជអាជ្ញានៃអយ្យការអមសាលាដំបូងរាជធានីភ្នំពេញ បានដោះលែងយុវជន ជុំ ហួរ និង ជុំ ហួត ដែលជាបងប្អូនភ្លោះ វិញហើយ។ ប៉ុន្តែយុវជនម្នាក់ទៀតឈ្មោះ សួន នាគព័ន្ធ នៅបន្តជាប់ឃុំ។

យុវជន ជុំ ហួត ប្រាប់សារព័ត៌មានថ្មីៗថា រូបគេទាំងពីរនាក់បងប្អូន ត្រូវបានដោះលែងនៅម៉ោងប្រហែល៦ល្ងាច។ យុវជនរូបនេះ បន្តថា យុវជន សួន នាគព័ន្ធ ប្រហែលជានឹងត្រូវនាំខ្លួនទៅតុលាការម្តងទៀតនៅព្រឹកថ្ងៃស្អែក។

អ្នកទាំងបី ត្រូវបានកម្លាំងសមត្ថកិច្ច ចាប់ដាក់ឡាន ដឹកទៅសួរនាំ ពេលពួកគេ រួមទាំងសង្គមស៊ីវិល និងប្រជាពលរដ្ឋមួយចំនួនទៀត ទៅគោរពវិញ្ញាណក្ខន្ធលោកបណ្ឌិត កែម ឡី នៅស្តារម៉ាតស្តុបបូកគោ នាព្រឹកថ្ងៃទី១០ ខែកក្កដា ឆ្នាំ២០១៩នេះ ដែលជាខួប៣ឆ្នាំនៃការបាញ់សម្លាប់លោកបណ្ឌិត៕