អត្ថបទពាណិជ្ជកម្ម
ប្រាសាក់បញ្ចុះអត្រាការប្រាក់ឥណទានប្រាក់រៀល ដើម្បីចូលរួមការរីកចម្រើនរបស់អតិថិជន
× ភ្នំពេញ៖ ប្រាសាក់ ដែលជាគ្រឹះស្ថានហិរញ្ញវត្ថុធំជាងនៅកម្ពុជា ដែលមានបណ្តាញការិយាល័យជិត ១៨០ ទូទាំងប្រទេស និងមានបុគ្គលិកជាង ៨,០០០នាក់ កំពុងបម្រើសេវាហិរញ្ញវត្ថុ ដល់អតិថិជនជាង ៤០ ម៉ឺននាក់ នៅតែបន្តគាំទ្រការប្រើប្រាស់ប្រាក់រៀល តាមរយៈការផ្តល់«ឥណទានជាប្រាក់រៀល»។
លោក សាយ សូនី នាយកប្រតិបត្តិរបស់ប្រាសាក់ បានមានប្រសាសន៍ថា៖«ប្រាសាក់ បាននាំយកដំណោះស្រាយហិរញ្ញវត្ថុ ដ៏ល្អប្រពៃសម្រាប់អតិថិជន តាមរយៈការផ្តល់ទំហំឥណទានជាប្រាក់រៀល កាន់តែធំជាងមុន រយៈពេលកាន់តែវែងជាងមុន និងអត្រាការប្រាក់កាន់តែពិសេសជាងមុន ដើម្បីជួយសម្រួលដល់អតិថិជន ក្នុងការប្រើប្រាស់ប្រាក់រៀលសម្រាប់ប្រកបអាជីវកម្ម កសិកម្ម និងមុខរបរផ្សេងៗ»។
បើតាមនាយកប្រតិបត្តិប្រាសាក់ ស្ថាប័នខ្លួននៅតែបន្តពង្រីកវិសាលភាព និងលើកកម្ពស់ប្រាក់រៀលខ្មែរ ឱ្យកាន់តែទូលំទូលាយបន្ថែមទៀត ជាមួយនឹងទំហំកម្ចី រហូតដល់ ២,០០០លានរៀល ជាមួយនឹងរយៈពេលកម្ចីរហូតដល់ ១២០ខែ ក្នុងអត្រាការប្រាក់ទាបជាងមុន និងរបៀបសងត្រលប់ សមស្របតាមលំហូរសាច់ប្រាក់របស់អតិថិជន ដើម្បីចូលរួមធ្វើឱ្យជីវភាពរស់នៅរបស់អតិថិជន ឱ្យកាន់តែប្រសើរ និងតបតាមតម្រូវការរបស់អតិថិជន។
លោកអ្នក អាចទាក់ទងប្រាសាក់ ដើម្បីទទួលបានប្រាក់កម្ចី ឬប្រើប្រាស់សេវាផ្សេងៗ តាមរយៈទូរស័ព្ទលេខ 086 999 911 ឬ 023 999 911 ឬ 0969 999 911 ឬ អញ្ជើញទៅកាន់សាខាប្រាសាក់ដែលនៅជិតលោកអ្នក។
ក្រៅពីសេវាឥណទាន ប្រាសាក់ផ្ដល់សេវាហិរញ្ញវត្ថុយ៉ាងសម្បូរបែប ដូចជា ប្រាក់បញ្ញើសន្សំ ផ្ទេរប្រាក់ ផ្ទេរប្រាក់ទៅអ្នកគ្មានគណនី ប្ដូរប្រាក់ សេវាធនាគារចល័ត អេធីអឹម ទិញកាតទូរស័ព្ទ ទូទាត់វិក្កយបត្រទឹក-ភ្លើង សេវាបើកប្រាក់បៀវត្ស និងសេវាផ្សេងៗជាច្រើនទៀត៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com