អត្ថបទពាណិជ្ជកម្ម
×![]()
ដោយ: ថ្មីៗ
សៀមរាប៖ កីឡាករ កីឡាការិនីមួយចំនួន ដែលមកចូលរួមក្នុងទិវារត់ប្រណាំងម៉ារ៉ាតុនអន្តរជាតិ ចក្រភពខ្មែរលើកទី៦ បង្ហាញក្ដីរីករាយ ជាមួយនឹងភេសជ្ជៈប៉ូវកម្លាំង វើក (Wurkz) ដែលមិនត្រឹមតែឧបត្ថម្ភដល់ព្រឹត្តិការណ៍សប្បុរសធម៌ដ៏ធំនេះប៉ុណ្ណោះទេ ប៉ុន្តែថែមទាំងយកចិត្តទុកដាក់ខ្ពស់ ដល់អ្នកចូលរួមផងដែរ។
ទិវារត់ប្រណាំងម៉ារ៉ាតុន ដែលទាក់ទាញអ្នកចូលរួមកម្ពុជា និងបរទេសប្រមាណ ៤៧ប្រទេស ចែកចេញជា ៤ប្រភេទចម្ងាយផ្សេងៗគ្នា រួមមាន ៤២km, ២១km, ១០km និង៣km ដោយវិញ្ញាសានីមួយៗ នៅឆ្នាំនេះ សុទ្ធតែទទួលបានការចូលរួមកើនឡើងសរុបប្រមាណ២០% បើប្រៀបធៀបទៅនឹងឆ្នាំ២០១៨។
សម្រាប់កីឡាករ កីឡាការិនី មិនមែនអាជីព ការរត់ចម្ងាយឆ្ងាយខាងលើ អាចជាការលំបាកមួយ ដែលទាមទារទាំងការតាំងចិត្ត ការហ្វឹកហាត់ ដើម្បីទៅដល់គោលដៅ និងប្រឈមនឹងការឈឺចាប់សាច់ដុំលើរាងកាយ បន្ទាប់ពីរត់ចប់។ ដូច្នេះភេសជ្ជៈប៉ូវកម្លាំង វើក បានរៀបចំបន្ថែម នូវការផ្តល់ជូនពិសេស ដើម្បីសម្រួលដល់អ្នករត់ទាំងអស់គ្នា។
កញ្ញា ប៊ុណ្ណាលីន អ្នកចូលរួមរត់ម្នាក់បានបញ្ជាក់ថា៖«នាងខ្ញុំពិតជាពេញចិត្តខ្លាំងជាមួយការចូលរួមទិវារត់ម៉ារ៉ាតុនចក្រភពខ្មែរនេះ ដោយសារនាងខ្ញុំ បានរួមចំណែកការងារមួយផ្នែក របស់សង្គម។ នៅតាមដងផ្លូវ ដែលអ្នករត់ទាំងអស់ បានឆ្លងកាត់វិញ គឺថាពិតជាស្រស់ស្អាតខ្លាំង ដោយសារទេសភាពប្រាង្គប្រាសាទនានា នៅតាមផ្លូវ បូករួមជាមួយដើមឈើធំៗត្រជាក់ ដែលកាត់បន្ថយភាពហត់នឿយខ្លះដែរ»។
កញ្ញាបានបន្ថែមទៀតថា៖ «ក្រៅតែពីទេសភាព នាងខ្ញុំពិតជាកោតសរសើរ និងពេញចិត្ត ភេសជ្ជៈប៉ូវកម្លាំង វើក ដែលមិនគ្រាន់តែជាអ្នកឧបត្ថម្ភធំ នៅក្នុងកម្មវិធីប៉ុណ្ណោះទេ ប៉ុន្តែរួមទាំងផ្តល់បន្ថែមទាំងភេសជ្ជៈប៉ូវកម្លាំង វើក ទឹកបរិសុទ្ធកម្ពុជា ទឹកក្រូច អាយស៍ និង ទឹកផ្លែឈើ ជូប រួមជាមួយកន្លែងសម្រាកដ៏ស្រួល និងម៉ាស្សាសាច់ដុំជើងបន្ថែមទៀត ដោយឥតគិតថ្លៃបន្ទាប់ពីរត់ចប់»។
ជាចុងក្រោយ កញ្ញាបានអំពាវឲ្យយុវជន ដែលគ្រោងចូលរួមទិវារត់ប្រណាំងម៉ារ៉ាតុន បែបនេះម្ដងទៀត នៅថ្ងៃទី៨ ខែធ្នូខាងមុខ កុំភ្លេច ទៅរកស្តង់ភេសជ្ជៈប៉ូវកម្លាំង វើក បន្ទាប់ពីរត់ដល់ទី៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
