វិទ្យាល័យក្រូចឆ្មារជាសាលាគំរូក្នុងខេត្ត ដែលហាមសិស្សប្រើទូរសព្ទក្នុងម៉ោងរៀន

ជាតិ

បទយកការណ៍ / បទសម្ភាសន៍

សង្គមជាតិ

វិទ្យាល័យក្រូចឆ្មារជាសាលាគំរូក្នុងខេត្ត ដែលហាមសិស្សប្រើទូរសព្ទក្នុងម៉ោងរៀន

24, Aug 2019 , 8:59 pm

រូបភាព

ដោយ: អុីសា រ៉ហានី (Isa Rohany)

ត្បូងឃ្មុំ៖ រយៈពេលមួយឆ្នាំមកហើយ ដែលវិទ្យាល័យក្រូចឆ្មារ ស្ថិតនៅឃុំស្វាយឃ្លាំង ស្រុកក្រូចឆ្មារ ខេត្តត្បូងឃ្មុំ បានដាក់បម្រាម មិនឱ្យកូនសិស្សប្រើទូរសព្ទក្នុងម៉ោងសិក្សា។ នាយកសាលាលោកគ្រូ ហ៊ីម គង់ បានអះអាងថា បំរាមនេះធ្វើឡើងដើម្បីរិតបន្ដឹងការសិក្សារបស់សិស្ស ហើយក្រោយអនុវត្តន៍ពេញមួយឆ្នាំរួចមក ឃើញថាការសិក្សារបស់សិស្ស ទទួលបានលទ្ធផលល្អជាងបណ្ដោយឱ្យពួកគេប្រើស្មាតហ្វូត។ បំរាមនេះដែរ ទទួលបានការសាទរពីសាមីខ្លួន រួមនិងអាណាព្យាបាលសិស្សដែលទទួលស្គាល់ថា អាចឱ្យកូនរបស់ខ្លួនមានពេលវេលាខិតខំរៀនសូត្រនិងបានលទ្ធផលប្រសើរជាងពេលមុន។

ព័ត៌មានលម្អិត សូមស្ដាប់បទសម្ភាសរវាងអ្នកសារព័ត៌មានថ្មីៗ អ្នកនាង អ៊ីសា រ៉ហានី ជាមួយលោកគ្រូ ហ៊ីម គង់ នាយកវិទ្យាល័យក្រូចឆ្មារ ដូចតទៅ៖

វិទ្យាល័យក្រូចឆ្មារ ជាសាលាគំរូដំបូងគេក្នុងខេត្តត្បូងឃ្មុំ ដែលបានអនុវត្តន៍បំរាមមិនឱ្យសិស្សប្រើទូរសព្ទក្នុងម៉ោងសិក្សា។ បំរាមនេះ ត្រូវបានធ្វើឡើងបន្ទាន់ពីសាលាស្រាវជ្រាវរកឃើញថា សិស្សានុសិស្សបានប្រើប្រាស់ទូរសព្ទដៃខុសពីគោលការណ៍សម្រាប់ស្រាវជ្រាវមើលមេរៀន តែបែរជាប្រើដើម្បីលេងហ្គេម ជាការកម្សាន្ត និងពេលខ្លះលួចលេងក្នុងម៉ោងរៀនជាដើម ដែលអាចធ្វើឱ្យមានបញ្ហាសម្រាប់ការសិក្សារបស់សិស្ស៕