FIFA
កីឡាជាតិ
ជាតិ
ការប្រកួតនេះ មានអ្នកទៅទស្សនាផ្ទាល់ជាង៤៩០០០នាក់។ ថតដោយ ប៉ាន់ បូនី
×![]()
ដោយ: ថ្មីៗ
កែវ សុខផេង បានស៊ុតបាល់បញ្ចូលទីតាមស្មើហុងកុង ១-១ បន្ទាប់ពីក្រុមភ្ញៀវហុងកុងបាននាំមុខដែលសម្រេចដោយ Chun Lok Tan សម្រាប់ការប្រកួតវគ្គជម្រុះជុំទីពីរក្នុងពូល C នៃព្រឹត្តិការណ៍ FIFA World Cup 2022 នៅពហុកីឡដ្ឋានជាតិអូឡាំពិកនាល្ងាចថ្ងៃព្រហស្បតិ៍នេះ ដោយមានអ្នកទស្សនាជាង៤៥០០០នាក់។ គ្រាប់បាល់បញ្ចូលទីសុទ្ធតែបានកើតឡើងនៅតង់ទីមួយ។ 
នៅនាទីដំបូង ហុងកុង បានធ្វើឲ្យអ្នកគាំទ្រកម្ពុជាស្លុតយ៉ាងខ្លាំង ដោយ Ju Yingzhi មានឱកាសទាត់បាល់ពិន័យពីចម្ងាយ ហើយ Andy Rusell ដែលរង់ចាំនៅតំបន់គ្រោះថ្នាក់ បានលោតតែតខុសគោលដៅ។ ៥នាទីក្រោយមក Chun Lok Tan បានធ្វើឲ្យ ហូយ ផល្លីន ដួល បន្ទាប់មក កែវ សុខផេង បានទាត់បាល់ពិន័យ ហើយខ្សែការពារហុងកុង បានរារាំង ឆេង ម៉េង សម្រាប់ការស្វែងរកឱកាសឲ្យកម្ពុជា។
Wai Keung Chung និង Chun Lok Tan បានផ្តល់ការមមាញឹកសម្រាប់ខ្សែការពារកម្ពុជា។ នៅនាទី១៤ ហូយ ផល្លីន ទទួលបានកាតលឿង ដោយសារបង្កកំហុសលើខ្សែការពារ Tsui Wang Kit។
គ្រាប់បាល់នាំមុខរបស់ក្រុមភ្ញៀវ បានកើតឡើងនៅនាទី១៦ ដែលសម្រេចបានដោយ Chun Lok Tan។ ខ្សែបម្រើវ័យ២៣ឆ្នាំរូបនេះ មានឱកាសឆាបបាល់ បន្ទាប់ពីប្រធានក្រុម សឿយ វិសាល បាត់បង់ជំហរ ដោយសារព្យាយាមរារាំង Ha James។
គិតត្រឹមនាទី២៨ ហូយ ផល្លីន មានឱកាសទាត់ទៅតំបន់គ្រោះថ្នាក់ដល់ទៅពីរលើក ប៉ុន្តែអ្នកចាំទីហុងកុង Yapp Hung Fai បំពេញតួនាទីបានយ៉ាងល្អក្នុងការសង្គ្រោះបាល់។
នៅនាទី៣១ កម្ពុជាបានទទួលកាតលឿងលើកទីពីរ ដោយសារ សុះ ស៊ូហាណា លើកជើងខ្ពស់ជ្រុល ហើយចំលើផ្ទៃមុខរបស់ Huang Yang។
ក្តីរំភើបបានកើតឡើងសម្រាប់ក្រុមម្ចាស់ផ្ទះនៅនាទី៣៣ ដោយ សេត រ៉ស៊ីប បានបញ្ជូនបាល់យ៉ាងល្អទៅ កែវ សុខផេង ដើម្បីតាមក្នុងលទ្ធផលស្មើ ១-១ សម្រាប់កម្ពុជា។
១០នាទីដំបូងក្រោយសម្រាកតង់ ក្រុមទាំងពីរ បានវាយលុកគ្នាទៅវិញទៅមក។ ឈាននាទី៥៧ សៀង ចន្ធា បានចូលជំនួស ហូយ ផល្លីន ក្រោមសំឡេងសាទរពេញពហុកីឡដ្ឋានជាតិ។
នៅនាទី៦០ អ៊ន ចាន់ប៉ូលីន បញ្ជូនបាល់ឲ្យ សុះ ស៊ូហាណា ប៉ុន្តែហាណា អស់ជំហរ ដែលធ្វើឲ្យខ្សែការពារហុងកុងទាត់ចេញទៅក្រៅ។ គួច សុគម្ភៈ បានបញ្ជូនទៅ សេត រ៉ស៊ីប មួយទៀតផងដែរ ប៉ុន្តែមិនបានសម្រេចផលឡើយ។ នៅនាទី៦៨ គួច ដានី ចូលជំនួស សុះ ស៊ូហាណា។
នៅនាទី៧៥ គួច សុគម្ភៈ បានបញ្ជូនឲ្យ សៀង ចន្ធា។ កីឡាករវ័យក្មេងជាងគេ បានបញ្ជូនបាល់ទៅតំបន់គ្រោះថ្នាក់ ប៉ុន្តែការស៊ុតរបស់គេ នាំឲ្យបាល់ហើទៅប៉ះនឹងរបាទី។ នៅនាទី៨០ អ៊ុក សុវណ្ណ បានទាត់បាល់ចេញពីតំបន់គ្រោះថ្នាក់ ក្រោយការតែតរបស់កីឡាករហុងកុង។
នៅនាទី៨៥ សុគម្ភៈ បានលើកខ្ពស់ទៅឲ្យ ចន្ធា ប៉ុន្តែខ្សែការពាររបស់ហុងកុង បានរារាំងមិនឲ្យចន្ធា មានឱកាសស៊ុតនោះឡើយ។ បន្ទាប់មកទៀត គួច ដានី ក៏មានឱកាសមួយដែរ ប៉ុន្តែការទាត់ខុសគោលដៅ។
នៅនាទី៨៨ Ha James មានឱកាសមាសនៅមុខទីកម្ពុជា ប៉ុន្តែសុគម្ភៈ បានទៅរារាំងទាន់ពេល។
ការប្រកួតបានបញ្ចប់ក្នុងលទ្ធផលស្មើ ១-១។ សម្រាប់កម្ពុជានេះជាការទទួលបានពិន្ទុលើកដំបូងផងដែរ សម្រាប់ការប្រកួតជុំទីពីរក្នុងព្រឹត្តិការណ៍ជម្រុះ World Cup ខណៈការប្រកួតជម្រុះចុងក្រោយ ពួកគេបានចាញ់ទាំង៨ប្រកួតនៅក្នុងពូល។
ជម្រើសកម្ពុជា៖ កែវ សុខសិលា (អ្នកចាំទី), ហូយ ផល្លីន (សៀង ចន្ធា ៥៧), ឆេង ម៉េង, សុះ ស៊ូហាណា (គួច ដានី ៦៨), កែវ សុខផេង (រ៉ឹង ប៊ុនហៀង ៨៤), គួច សុគម្ភៈ, អ៊ន ចាន់ប៉ូលីន, សេត រ៉ស៊ីប, សារ៉េត គ្រីយ៉ា, ប្រធានក្រុម សឿយ វិសាល, អ៊ុក សុវណ្ណ៕
នៅនាទីដំបូង ហុងកុង បានធ្វើឲ្យអ្នកគាំទ្រកម្ពុជាស្លុតយ៉ាងខ្លាំង ដោយ Ju Yingzhi មានឱកាសទាត់បាល់ពិន័យពីចម្ងាយ ហើយ Andy Rusell ដែលរង់ចាំនៅតំបន់គ្រោះថ្នាក់ បានលោតតែតខុសគោលដៅ។ ៥នាទីក្រោយមក Chun Lok Tan បានធ្វើឲ្យ ហូយ ផល្លីន ដួល បន្ទាប់មក កែវ សុខផេង បានទាត់បាល់ពិន័យ ហើយខ្សែការពារហុងកុង បានរារាំង ឆេង ម៉េង សម្រាប់ការស្វែងរកឱកាសឲ្យកម្ពុជា។
Wai Keung Chung និង Chun Lok Tan បានផ្តល់ការមមាញឹកសម្រាប់ខ្សែការពារកម្ពុជា។ នៅនាទី១៤ ហូយ ផល្លីន ទទួលបានកាតលឿង ដោយសារបង្កកំហុសលើខ្សែការពារ Tsui Wang Kit។
គ្រាប់បាល់នាំមុខរបស់ក្រុមភ្ញៀវ បានកើតឡើងនៅនាទី១៦ ដែលសម្រេចបានដោយ Chun Lok Tan។ ខ្សែបម្រើវ័យ២៣ឆ្នាំរូបនេះ មានឱកាសឆាបបាល់ បន្ទាប់ពីប្រធានក្រុម សឿយ វិសាល បាត់បង់ជំហរ ដោយសារព្យាយាមរារាំង Ha James។
គិតត្រឹមនាទី២៨ ហូយ ផល្លីន មានឱកាសទាត់ទៅតំបន់គ្រោះថ្នាក់ដល់ទៅពីរលើក ប៉ុន្តែអ្នកចាំទីហុងកុង Yapp Hung Fai បំពេញតួនាទីបានយ៉ាងល្អក្នុងការសង្គ្រោះបាល់។
នៅនាទី៣១ កម្ពុជាបានទទួលកាតលឿងលើកទីពីរ ដោយសារ សុះ ស៊ូហាណា លើកជើងខ្ពស់ជ្រុល ហើយចំលើផ្ទៃមុខរបស់ Huang Yang។
ក្តីរំភើបបានកើតឡើងសម្រាប់ក្រុមម្ចាស់ផ្ទះនៅនាទី៣៣ ដោយ សេត រ៉ស៊ីប បានបញ្ជូនបាល់យ៉ាងល្អទៅ កែវ សុខផេង ដើម្បីតាមក្នុងលទ្ធផលស្មើ ១-១ សម្រាប់កម្ពុជា។
១០នាទីដំបូងក្រោយសម្រាកតង់ ក្រុមទាំងពីរ បានវាយលុកគ្នាទៅវិញទៅមក។ ឈាននាទី៥៧ សៀង ចន្ធា បានចូលជំនួស ហូយ ផល្លីន ក្រោមសំឡេងសាទរពេញពហុកីឡដ្ឋានជាតិ។
នៅនាទី៦០ អ៊ន ចាន់ប៉ូលីន បញ្ជូនបាល់ឲ្យ សុះ ស៊ូហាណា ប៉ុន្តែហាណា អស់ជំហរ ដែលធ្វើឲ្យខ្សែការពារហុងកុងទាត់ចេញទៅក្រៅ។ គួច សុគម្ភៈ បានបញ្ជូនទៅ សេត រ៉ស៊ីប មួយទៀតផងដែរ ប៉ុន្តែមិនបានសម្រេចផលឡើយ។ នៅនាទី៦៨ គួច ដានី ចូលជំនួស សុះ ស៊ូហាណា។
នៅនាទី៧៥ គួច សុគម្ភៈ បានបញ្ជូនឲ្យ សៀង ចន្ធា។ កីឡាករវ័យក្មេងជាងគេ បានបញ្ជូនបាល់ទៅតំបន់គ្រោះថ្នាក់ ប៉ុន្តែការស៊ុតរបស់គេ នាំឲ្យបាល់ហើទៅប៉ះនឹងរបាទី។ នៅនាទី៨០ អ៊ុក សុវណ្ណ បានទាត់បាល់ចេញពីតំបន់គ្រោះថ្នាក់ ក្រោយការតែតរបស់កីឡាករហុងកុង។
នៅនាទី៨៥ សុគម្ភៈ បានលើកខ្ពស់ទៅឲ្យ ចន្ធា ប៉ុន្តែខ្សែការពាររបស់ហុងកុង បានរារាំងមិនឲ្យចន្ធា មានឱកាសស៊ុតនោះឡើយ។ បន្ទាប់មកទៀត គួច ដានី ក៏មានឱកាសមួយដែរ ប៉ុន្តែការទាត់ខុសគោលដៅ។
នៅនាទី៨៨ Ha James មានឱកាសមាសនៅមុខទីកម្ពុជា ប៉ុន្តែសុគម្ភៈ បានទៅរារាំងទាន់ពេល។
ការប្រកួតបានបញ្ចប់ក្នុងលទ្ធផលស្មើ ១-១។ សម្រាប់កម្ពុជានេះជាការទទួលបានពិន្ទុលើកដំបូងផងដែរ សម្រាប់ការប្រកួតជុំទីពីរក្នុងព្រឹត្តិការណ៍ជម្រុះ World Cup ខណៈការប្រកួតជម្រុះចុងក្រោយ ពួកគេបានចាញ់ទាំង៨ប្រកួតនៅក្នុងពូល។
ជម្រើសកម្ពុជា៖ កែវ សុខសិលា (អ្នកចាំទី), ហូយ ផល្លីន (សៀង ចន្ធា ៥៧), ឆេង ម៉េង, សុះ ស៊ូហាណា (គួច ដានី ៦៨), កែវ សុខផេង (រ៉ឹង ប៊ុនហៀង ៨៤), គួច សុគម្ភៈ, អ៊ន ចាន់ប៉ូលីន, សេត រ៉ស៊ីប, សារ៉េត គ្រីយ៉ា, ប្រធានក្រុម សឿយ វិសាល, អ៊ុក សុវណ្ណ៕
Tag:
ជម្រើសជាតិកម្ពុជា
World Cup
© រក្សាសិទ្ធិដោយ thmeythmey.com
