ជាតិ
សង្គមជាតិ
×![]()
ភ្នំពេញ៖ កម្ពុជាបានក្លាយជាប្រទេសទី៤ក្នុងតំបន់អាស៊ីដែលប្តេជ្ញាបញ្ចប់អំពើហិង្សាគ្រប់រូបភាពលើកុមារ បន្ទាប់ពីប្រទេសឥណ្ឌូនេស៊ី ហ្វីលីពីន និងម៉ុងហ្គោលី។ ជាមួយគ្នានេះ កម្ពុជាក៏ក្លាយជាសមាជិកទី២៦នៃប្រទេសជាដៃគូសកលដើម្បីបញ្ចប់អំពើហិង្សាលើកុមារ។
យោងតាមសេចក្តីប្រកាសរួមរបស់ក្រសួងសង្គមកិច្ច អតីតយុទ្ធជន និងយុវនីតិសម្បទា សហការជាមួយមូលនិធិសហប្រជាជាតិដើម្បីកុមារ(យូនីសេហ្វ) និងភាពជាដៃគូសកលដើម្បីបញ្ចប់អំពើហិង្សាលើកុមារ (GPEVAC) នាថ្ងៃទី១២កញ្ញា ការប្ដេជ្ញាចិត្តនេះធ្វើឡើងខណៈដែលកម្ពុជាកំពុងពន្លឿនកិច្ចខិតខំប្រឹងប្រែងក្នុងការសម្រេចចក្ខុវិស័យ ប្រែក្លាយពីប្រទេសចំណូលទាបទៅជាប្រទេសចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសចំណូលខ្ពស់នៅឆ្នាំ២០៥០។
លោក វង សូត រដ្ឋមន្ត្រីក្រសួងសង្គមកិច្ច បាននិយាយថា ក្នុងទិសដៅឆ្លើយតបនឹងអំពើហិង្សាលើកុមារនេះ ប្រមុខរាជរដ្ឋាភិបាលកម្ពុជាបានយកចិត្តទុកដាក់ខ្ពស់ចំពោះការលើកកម្ពស់អនុវត្តអនុសញ្ញាស្តីពីសិទ្ធិកុមារ និងច្បាប់អន្តរជាតិពាក់ព័ន្ធនានា ដើម្បីឆ្លើយតបទៅនឹងតម្រូវការរបស់កុមារ និងកិច្ចការពារជាពិសេសសម្រាប់កុមារ។ លើសពីនេះ ដើម្បីអាចឱ្យកុមាររស់នៅក្នុងសេរីភាព សន្តិភាព និងការអភិវឌ្ឍ តាមរយៈការដាក់ចេញនូវវិធានការជាច្រើនរួមមាន ការរៀបចំច្បាប់ គោលនយោបាយ ផែនការយុទ្ធសាស្ត្រ និងលិខិតបទដ្ឋានជាច្រើនដើម្បីធានាដល់កិច្ចការពារកុមារឱ្យកាន់តែប្រសើរឡើង។
លោកបានបន្តថា កម្ពុជាបានក្លាយជាប្រទេសឈានមុខក្នុងបណ្តាប្រទេសអាស៊ាន ដែលបានអង្កេតសិក្សាស្រាវជ្រាវពីស្ថានភាព អំពើហិង្សាលើកុមារ ដែលមានលក្ខណៈវិទ្យាសាស្ត្រក្នុងការកំណត់ពីទំហំ វិសាលភាព ការផ្តល់ភ័ស្តុតាងជាក់លាក់នៃអំពើហិង្សាលើកុមារទាំងផ្លូវភេទ ផ្លូវកាយ និងផ្លូវចិត្តដែលកុមារបានជួបប្រទះ និងកំពុងជួបបញ្ហាប្រឈម។ ផ្អែកលើលទ្ធផលនៃការអង្កេតនេះ ផែនការសកម្មភាពដើម្បីទប់ស្កាត់និងឆ្លើយតបចំពោះអំពើហិង្សាលើកុមារ ២០១៧-២០២១ ត្រូវបានរៀបចំឡើង ក្នុងទិសដៅធានាដល់ការដោះស្រាយ និងមានវិធានការទាន់ពេលវេលាលើបញ្ហាអំពើហិង្សាលើកុមារគ្រប់រូបភាព ក៏ដូចជា ដើម្បីលើកកម្ពស់ការការពារ និងការអភិវឌ្ឍសិទ្ធិកុមារប្រកបដោយចីរភាព។
ជាមួយគ្នានេះ លោកស្រី ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់រដ្ឋសភា-ព្រឹទ្ធសភា បានមានប្រសាសន៍ថា រាជរដ្ឋាភិបាលបានផ្តល់សច្ចាប័នលើអនុសញ្ញាបន្ថែម និងកិច្ចព្រមព្រៀងអន្តរជាតិនានា ដើម្បីការពារប្រយោជន៍របស់កុមារ ដោយដាក់បញ្ចូលបញ្ហាកុមារជាអាទិភាពក្នុងកម្មវិធីនយោបាយ។ ជាពិសេសយុទ្ធសាស្ត្រចតុកោណទាំង៤ដំណាក់កាល ក្នុងយុទ្ធសាស្ត្រនៃការអភិវឌ្ឍធនធានមនុស្ស គោលដៅអភិវឌ្ឍប្រកបដោយចីរភាពកម្ពុជា២០១៦-២០៣០ ដែលជាមូលដ្ឋានគ្រឹះដ៏រឹងមាំសម្រាប់រៀបចំផែនការយុទ្ធសាស្ត្រអភិវឌ្ឍជាតិ ២០១៩-២០២៣។
លោកស្រី បានបញ្ជាក់ថា ដើម្បីបញ្ចប់អំពើហិង្សាលើកុមារគឺតម្រូវឱ្យមានទំនួលខុសត្រូវរួមគ្នា និងការកៀរគរអ្នកពាក់ព័ន្ធទាំងអស់ និងសង្គមទាំងមូល។ ចាំបាច់បំផុតស្របទៅតាមបទដ្ឋានជាតិដែលកំពុងដាក់ឱ្យអនុវត្តជាធរមានរួមទាំងអនុសញ្ញារបស់អង្គការសហប្រជាជាតិស្តីពីសិទ្ធិកុមារឱ្យមានប្រសិទ្ធភាពកាន់តែប្រសើរនោះ ទាមទារឱ្យមានការចូលរួមពីគ្រប់ក្រសួង ស្ថាប័ន អង្គការជាតិ អន្តរជាតិ និង អ្នកពាក់ព័ន្ធទាំងអស់។
តាមការសិក្សាអង្កេតថ្នាក់ជាតិស្ដីពីអំពើហិង្សាលើកុមារនៅកម្ពុជា កាលឆ្នាំ២០១៣ បានបង្ហាញថា ក្នុងចំណោមកុមារចំនួន២នាក់ មានម្នាក់បានទទួលរងយ៉ាងហោចណាស់មួយទម្រង់នៃអំពើហិង្សា មុនពេលពួកគេឈានដល់វ័យ១៨ឆ្នាំ។ អំពើហិង្សាលើកុមារ គឺជាបញ្ហាសកលដែលបង្កផលវិបាកធ្ងន់ធ្ងរស្ទើរពេញមួយជីវិតដល់សង្គមជាតិ។ អំពើហិង្សាលើកុមារបានធ្វើឱ្យកុមារ និងគ្រួសារទទួលរងនូវការឈឺចាប់ និងអាចបង្កផលវិបាករយៈពេលវែងដូចជា ការអភិវឌ្ឍរូបរាងកាយយឺត បញ្ហាឥរិយាបថ បញ្ហាសុខភាពផ្លូវកាយ និងបញ្ហាសុខភាពផ្លូវចិត្តជាដើម៕
យោងតាមសេចក្តីប្រកាសរួមរបស់ក្រសួងសង្គមកិច្ច អតីតយុទ្ធជន និងយុវនីតិសម្បទា សហការជាមួយមូលនិធិសហប្រជាជាតិដើម្បីកុមារ(យូនីសេហ្វ) និងភាពជាដៃគូសកលដើម្បីបញ្ចប់អំពើហិង្សាលើកុមារ (GPEVAC) នាថ្ងៃទី១២កញ្ញា ការប្ដេជ្ញាចិត្តនេះធ្វើឡើងខណៈដែលកម្ពុជាកំពុងពន្លឿនកិច្ចខិតខំប្រឹងប្រែងក្នុងការសម្រេចចក្ខុវិស័យ ប្រែក្លាយពីប្រទេសចំណូលទាបទៅជាប្រទេសចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសចំណូលខ្ពស់នៅឆ្នាំ២០៥០។
លោក វង សូត រដ្ឋមន្ត្រីក្រសួងសង្គមកិច្ច បាននិយាយថា ក្នុងទិសដៅឆ្លើយតបនឹងអំពើហិង្សាលើកុមារនេះ ប្រមុខរាជរដ្ឋាភិបាលកម្ពុជាបានយកចិត្តទុកដាក់ខ្ពស់ចំពោះការលើកកម្ពស់អនុវត្តអនុសញ្ញាស្តីពីសិទ្ធិកុមារ និងច្បាប់អន្តរជាតិពាក់ព័ន្ធនានា ដើម្បីឆ្លើយតបទៅនឹងតម្រូវការរបស់កុមារ និងកិច្ចការពារជាពិសេសសម្រាប់កុមារ។ លើសពីនេះ ដើម្បីអាចឱ្យកុមាររស់នៅក្នុងសេរីភាព សន្តិភាព និងការអភិវឌ្ឍ តាមរយៈការដាក់ចេញនូវវិធានការជាច្រើនរួមមាន ការរៀបចំច្បាប់ គោលនយោបាយ ផែនការយុទ្ធសាស្ត្រ និងលិខិតបទដ្ឋានជាច្រើនដើម្បីធានាដល់កិច្ចការពារកុមារឱ្យកាន់តែប្រសើរឡើង។
លោកបានបន្តថា កម្ពុជាបានក្លាយជាប្រទេសឈានមុខក្នុងបណ្តាប្រទេសអាស៊ាន ដែលបានអង្កេតសិក្សាស្រាវជ្រាវពីស្ថានភាព អំពើហិង្សាលើកុមារ ដែលមានលក្ខណៈវិទ្យាសាស្ត្រក្នុងការកំណត់ពីទំហំ វិសាលភាព ការផ្តល់ភ័ស្តុតាងជាក់លាក់នៃអំពើហិង្សាលើកុមារទាំងផ្លូវភេទ ផ្លូវកាយ និងផ្លូវចិត្តដែលកុមារបានជួបប្រទះ និងកំពុងជួបបញ្ហាប្រឈម។ ផ្អែកលើលទ្ធផលនៃការអង្កេតនេះ ផែនការសកម្មភាពដើម្បីទប់ស្កាត់និងឆ្លើយតបចំពោះអំពើហិង្សាលើកុមារ ២០១៧-២០២១ ត្រូវបានរៀបចំឡើង ក្នុងទិសដៅធានាដល់ការដោះស្រាយ និងមានវិធានការទាន់ពេលវេលាលើបញ្ហាអំពើហិង្សាលើកុមារគ្រប់រូបភាព ក៏ដូចជា ដើម្បីលើកកម្ពស់ការការពារ និងការអភិវឌ្ឍសិទ្ធិកុមារប្រកបដោយចីរភាព។
ជាមួយគ្នានេះ លោកស្រី ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់រដ្ឋសភា-ព្រឹទ្ធសភា បានមានប្រសាសន៍ថា រាជរដ្ឋាភិបាលបានផ្តល់សច្ចាប័នលើអនុសញ្ញាបន្ថែម និងកិច្ចព្រមព្រៀងអន្តរជាតិនានា ដើម្បីការពារប្រយោជន៍របស់កុមារ ដោយដាក់បញ្ចូលបញ្ហាកុមារជាអាទិភាពក្នុងកម្មវិធីនយោបាយ។ ជាពិសេសយុទ្ធសាស្ត្រចតុកោណទាំង៤ដំណាក់កាល ក្នុងយុទ្ធសាស្ត្រនៃការអភិវឌ្ឍធនធានមនុស្ស គោលដៅអភិវឌ្ឍប្រកបដោយចីរភាពកម្ពុជា២០១៦-២០៣០ ដែលជាមូលដ្ឋានគ្រឹះដ៏រឹងមាំសម្រាប់រៀបចំផែនការយុទ្ធសាស្ត្រអភិវឌ្ឍជាតិ ២០១៩-២០២៣។
លោកស្រី បានបញ្ជាក់ថា ដើម្បីបញ្ចប់អំពើហិង្សាលើកុមារគឺតម្រូវឱ្យមានទំនួលខុសត្រូវរួមគ្នា និងការកៀរគរអ្នកពាក់ព័ន្ធទាំងអស់ និងសង្គមទាំងមូល។ ចាំបាច់បំផុតស្របទៅតាមបទដ្ឋានជាតិដែលកំពុងដាក់ឱ្យអនុវត្តជាធរមានរួមទាំងអនុសញ្ញារបស់អង្គការសហប្រជាជាតិស្តីពីសិទ្ធិកុមារឱ្យមានប្រសិទ្ធភាពកាន់តែប្រសើរនោះ ទាមទារឱ្យមានការចូលរួមពីគ្រប់ក្រសួង ស្ថាប័ន អង្គការជាតិ អន្តរជាតិ និង អ្នកពាក់ព័ន្ធទាំងអស់។
តាមការសិក្សាអង្កេតថ្នាក់ជាតិស្ដីពីអំពើហិង្សាលើកុមារនៅកម្ពុជា កាលឆ្នាំ២០១៣ បានបង្ហាញថា ក្នុងចំណោមកុមារចំនួន២នាក់ មានម្នាក់បានទទួលរងយ៉ាងហោចណាស់មួយទម្រង់នៃអំពើហិង្សា មុនពេលពួកគេឈានដល់វ័យ១៨ឆ្នាំ។ អំពើហិង្សាលើកុមារ គឺជាបញ្ហាសកលដែលបង្កផលវិបាកធ្ងន់ធ្ងរស្ទើរពេញមួយជីវិតដល់សង្គមជាតិ។ អំពើហិង្សាលើកុមារបានធ្វើឱ្យកុមារ និងគ្រួសារទទួលរងនូវការឈឺចាប់ និងអាចបង្កផលវិបាករយៈពេលវែងដូចជា ការអភិវឌ្ឍរូបរាងកាយយឺត បញ្ហាឥរិយាបថ បញ្ហាសុខភាពផ្លូវកាយ និងបញ្ហាសុខភាពផ្លូវចិត្តជាដើម៕
Tag:
កុមារ
ហិង្សា
© រក្សាសិទ្ធិដោយ thmeythmey.com
