អត្ថបទពាណិជ្ជកម្ម
×![]()
ដោយ: ថ្មីៗ
ខេត្តបាត់ដំបង ថ្ងៃទី២១ ខែកញ្ញា ឆ្នាំ២០១៩៖ អង្គការមូលនិធិអាស៊ីប្រចាំកម្ពុជា ក្រោមគំនិតផ្តួចផ្តើមរបស់គម្រោង Let’s Read បានរៀបចំកម្មវិធីបង្កើតសៀវភៅរឿងសម្រាប់កុមារ (BookLab) រយៈពេល២ថ្ងៃ នៅហ្វារពន្លឺសិល្បៈឯខេត្តបាត់ដំបង។ ដើម្បីជំរុញទឹកចិត្ត និងបណ្តុះការយល់ដឹង អំពីអាជីពនានាទៅកាន់កុមារតូចៗនៅកម្ពុជា។ កម្មវិធីនេះ មានការចូលរួមពី វិចិត្រករ នាយកសិល្បៈ និងអ្នកដឹកនាំសិក្ខាសាលា ដើម្បីបង្កើតសៀវភៅរឿងកុមារ ដែលទាក់ទងនឹងអាជីពទាំង១១ ដែលនឹងត្រូវដាក់ឱ្យអាន និងប្រើប្រាស់ដោយសេរី នៅលើបណ្ណាល័យឌីជីថល Let’s Read ។
Let’s Read គឺជាគំនិតផ្តួចផ្តើមឌីជីថល ដែលចំនួនសៀវភៅកើនឡើងយ៉ាងរហ័ស រហូតដល់ជាង ២,០០០ក្បាល ក្នុង ២៣ ភាសាផ្សេងៗគ្នា ជាពិសេសសៀវភៅជាភាសាខ្មែរ ដែលមានរហូតដល់ជិត ៣០០ក្បាល។ បណ្ណាល័យឌីជីថលមួយនេះ បង្កើតឡើងក្នុងយុគសម័យដែលទូរសព្ទស្មាតហ្វូន កំពុងពេញនិយម ហើយបណ្ណាល័យមួយនេះអនុញ្ញាតឱ្យសាធារណជន អាចទាញយកសៀវភៅមកអាន តាមរយៈគេហទំព័រអនឡាញ និងកម្មវិធីក្នុងទូរសព្ទដៃ (App) តាមរយៈ Google Play Store ផងដែរ។ បណ្ណាល័យឌីជីថលនេះ ត្រូវបានដៃគូអភិវឌ្ឍនៅក្នុងវិស័យអប់រំ យកទៅប្រើប្រាស់ទាំងក្នុងសាលា និងជាជំនួយដល់កម្មវិធីផ្សេងៗទៀតរបស់ពួកគាត់ នៅទូទាំងប្រទេសកម្ពុជា។
នេះជាលើកដំបូងដែល កម្មវិធីផលិតសៀវភៅរឿងកុមារ (BookLab) របស់ Let’s Read ត្រូវបានរៀបចំឡើង នៅហ្វារពន្លឺសិល្បៈឯខេត្តបាត់ដំបង។ កម្មវិធីនេះ មានការចូលរួមដោយ លោកយី សុងគី ប្រធានមន្ទីរអប់រំខេត្តបាត់ដំបង, លោក Kyle Barker នាយករងកម្មវិធីសៀវភៅសម្រាប់អាស៊ី នៃអង្គការមូលនិធិអាស៊ី, DJ Nana ទូតសុឆន្ទៈ (CSR Ambassador) នៃក្រុមហ៊ុន Smart Axiata និង លោក ពៅ កាំង ប្រធានផ្នែកទីផ្សារនៃក្រុមហ៊ុន Starbucks Cambodia។
លោកយី សុងគី ប្រធានមន្ទីរអប់រំខេត្តបាត់ដំបង បានកត់សម្គាល់ថា៖«យើងខ្ញុំពិតជាមានក្តីសោមនស្សរីករាយ ដែលកម្មវិធីផលិតសៀវភៅលើកនេះ ត្រូវបានរៀបចំនៅខេត្តបាត់ដំបង។ ក្រសួងអប់រំ តែងតែ ផ្តល់ការគាំទ្រចំពោះដៃគូអភិវឌ្ឍន៍ ក្នុងការផលិតធនធានអំណានដែលមានគុណភាពខ្ពស់ និងការលើកកម្ពស់ទម្លាប់អាន ក៏ដូចជាការគិតពិចារណាល្អិតល្អន់ ក្នុងចំណោមប្រជាពលរដ្ឋ ជាពិសេសកុមារតូចៗនៅកម្ពុជា។ យើងនឹងប្រើប្រាស់ធនធានទាំងនោះ នៅក្នុងសាលារៀនរបស់យើង ឱ្យអស់ពីលទ្ធភាព»។
នាឱកាសនោះដែរ លោក Kyle Barker នាយករងកម្មវិធីសៀវភៅសម្រាប់អាស៊ី នៃអង្គការមូលនិធិអាស៊ី បានគូសបញ្ជាក់ដូច្នេះថា៖«យើងសង្ឃឹមនិងជឿជាក់ថា សៀវភៅរឿងកុមារស្តីពីអាជីព នឹងក្លាយជាកម្លាំងជំរុញចិត្តយ៉ាងខ្លាំងដល់កុមារទាំងអស់ ព្រមទាំងបើកឱកាសឱ្យកុមារ អាចមើលឃើញខ្លួនឯងនៅក្នុងតួនាទីទាំងនោះ នាពេលអនាគត។ លោក Kyle Barker បានបន្ថែមថា៖«យើងបានជ្រើសយកប្រធានបទនេះឡើង ដោយស្របទៅនឹងបរិបទនៃប្រទេសកម្ពុជា ដែលកំពុងស្ថិតក្នុងយុគសម័យបដិវត្តឧស្សាហកម្មលើកទី៤។ ហើយសៀវភៅទាំងនេះ នឹងជួយកុមារបង្កើតចំណាប់អារម្មណ៍ក្នុ ងការស្វែងរកអាជីពនៅក្នុងវិស័យស្ទែម ដែលរួមមានវិទ្យាសាស្ត្រ បច្ចេកវិទ្យា វិស្វកម្ម និងគណិតវិទ្យា»។
កម្មវិធី Let’s Read ត្រូវបានគាំទ្រដោយក្រុមហ៊ុន Smart Axiata ដែលជាក្រុមហ៊ុនទូរគមនាគមន៍ឈានមុខគេនៅកម្ពុជា និងក្រុមហ៊ុន Starbucks Cambodia ដែលជាក្រុមហ៊ុនកាហ្វេឈានមុខគេ នៅលើពិភពលោកតាំងពីឆ្នាំ១៩៧១។
លោក Jonathan Yap ជាប្រធានផ្នែកគ្រប់គ្រង និងកិច្ចការសហការ នៃក្រុមហ៊ុន Smart Axiata បានថ្លែងថា៖«ក្រុមហ៊ុន បានចូលរួមលើកកម្ពស់ទម្លាប់នៃការអាន និងអក្ខរកម្ម តាមរយៈការចូលរួមគាំទ្រក្នុងសកម្មភាពសង្គមនានា។ សៀវភៅឌីជីថល ដែលបង្កើតដោយ Let’s Read បានដើរតួនាទីយ៉ាងសំខាន់ ក្នុងការជួយកុមារឱ្យបង្កើតទម្លាប់អានសៀវភៅ និងចាប់ផ្តើមការស្រមើស្រមៃខ្ពស់ ដោយប្រើប្រាស់សម្ភារអប់រំតាមអ៊ីនធឺណិត។ វាជាការប្រសើរណាស់ ដែលមានគម្រោង Let’s Read មួយនេះ ហើយយើងបានគាំទ្រតាំងពីឆ្នាំ២០១៧ ឥឡូវបានពង្រីកខ្លួនដល់ខេត្ត ដែលអាចឱ្យអ្នកស្ម័គ្រចិត្ត វិចិត្រករ និងនាយកសិល្បៈ បានទទួលយកនូវបទពិសោធថ្មីប្លែក ខណៈពេលបង្កើតខ្លឹមសារ ដែលមានភាពចាំបាច់សម្រាប់អនាគតយុវជនកម្ពុជា»។
លោក ពៅ កាំង ប្រធានផ្នែកទីផ្សារ ប្រចាំនៅ Starbucks Cambodia បានមានប្រសាសន៍ថា៖«ចាប់ពីឆ្នាំ ២០១៨ មកពួកយើងបានសហការជាមួយអង្គការ មូលនិធិអាស៊ី លើគម្រាង Let’s Read ដែលពួកយើងបានចូលរួមក្នុងសកម្មភាពជាច្រើន ដូចជាការកែសម្រួល និងសរសេរសៀវភៅរឿងនិទាន ទាក់ទងពីប្រវត្តិកាហ្វេ ដែលចូលរួមដោយដៃគូឆុងកាហ្វេ (បុគ្គលិក) របស់យើង។ ចំណែកឯអតិថិជនយើង ក៏បានចូលរួមចំណែកតាមរយៈ ការទិញសៀវភៅនោះដែរ។ កម្មវិធីសប្បុរសធម៌នេះ វាស្របទៅនឹងអ្វីដែល Starbucks ទូទាំងពិភពលោក បានគាំទ្រក្នុងការអភិវឌ្ឍន៍វិស័យអប់រំ ។ បន្ទាប់ពីកម្មវិធី Booklab នេះរួចរាល់ យើងនឹងបោះពុម្ពខ្នាតធំ ហើយចែកចាយតាមសាខារបស់យើងទូទាំងប្រទេស ក្នុងរដូវកាលបុណ្យណូអែលខាងមុខ»។
គួរបញ្ជាក់ផងដែរថា សៀវភៅដែលផលិតនៅក្នុងកម្មវិធីនេះ និងសៀវភៅផ្សេងៗដែលមានស្រាប់ មាននៅលើបណ្ណាល័យឌីជីថល www.letsreadasia.org សម្រាប់សាធារណជនអាចរកអាន ទាញយក ព្រីន និងចែកចាយបានដោយសេរី។
គម្រោង Let’s Read គឺជាកិច្ចផ្តួចផ្តើមឡើងដោយអង្គការមូលនិធិអាស៊ី ហើយក៏ជាគម្រោងដែលកំពុងរីកដុះដាលយ៉ាងលឿន ដោយពឹងផ្អែកទៅលើទំនាក់ទំនងយ៉ាងជិតស្និទ្ធ រវាងមូលនិធិអាស៊ី ដែលមានការិយាល័យនៅ១៨ប្រទេសនៅក្នុងតំបន់ ជាមួយនឹងសហគមន៍ក្នុងការកសាងបណ្ណាល័យឌីជីថល ជាភាសាក្នុងតំបន់។ សៀវភៅរឿងក្នុងបណ្ណាល័យ និយាយអំពីប្រធានបទផ្សេងៗដូចជា បរិស្ថាន ភាពចម្រុះគ្នា ការតស៊ូ និងការអត់ឱន យេនឌ័រ និងស្ទែម (STEM)។ គម្រោងនេះ ក៏បណ្តុះនូវទម្លាប់អានដែលជួយដល់កុមារ ក្រុមគ្រួសាររបស់គាត់ និងសហគមន៍របស់គាត់ ឱ្យរីកចម្រើនក្នុងកំឡុងពេលដូចគ្នាផងដែរ។ គម្រោងនេះ ក៏មានគោលបំណង បន្តកសាងសហគមន៍អ្នកបង្កើតសៀវភៅ អ្នកបកប្រែសៀវភៅដែលចង់ឃើញអនាគតដែលពោរពេញទៅដោយសៀវភៅកុមារ។
អំពីអង្គការមូលនិធិអាស៊ី
អង្គការមូលនិធិអាស៊ី គឺជាអង្គការអភិវឌ្ឍន៍អន្តរជាតិមួយ ដែលមិនស្វែងរកប្រាក់ចំណេញ ដែលចូលរួមក្នុងការលើកកម្ពស់ការរស់នៅរបស់ប្រជាជន នៅជុំវិញទ្វីបអាស៊ី។ អង្គការមូលនិធិអាស៊ី មានបទពិសោធន៍ជាងប្រាំមួយទសវត្សរ៍ ដែលការងាររបស់អង្គការមូលនិធិអាស៊ីភាគច្រើន ផ្តោតទៅលើគោលដៅធំៗចំនួនប្រាំ រួមមាន ការពង្រឹងអភិបាលកិច្ច ការលើកកម្ពស់ស្ត្រី ការលើកកម្ពស់កលានុវត្តភាពសេដ្ឋកិច្ច ការលើកកម្ពស់បរិស្ថាន និងការលើកកម្ពស់កិច្ចសហប្រតិបតិ្តការនៅក្នុងតំបន់។ សម្រាប់ព័ត៌មានបន្ថែម សូមចូលទៅកាន់គេហទំព័ររបស់អង្គការមូលនិធិអាស៊ី www.asiafoundation.org។
សម្រាប់ព័ត៌មានបន្ថែម សូមទាក់ទង៖
លោក ឃុត ស៊ននិមល [email protected] ឬ ០៩២/១៦ ៥៦៣ ៤៧៤ (នៅកម្ពុជា)។
លោក Kyle Barker [email protected] ឬ +១៥១០-៦៦៧-៦៤៧៥ (នៅសហរដ្ឋអាមេរិក)។
ដើម្បីយល់ដឹងបន្ថែមពីការងារបស់អង្គការមូលនិធិអាស៊ី សូមចូលទៅកាន់គេហទំព័រ https://asiafoundation.org/about ៕
(អត្ថបទពាណិជ្ជកម្ម)
Let’s Read គឺជាគំនិតផ្តួចផ្តើមឌីជីថល ដែលចំនួនសៀវភៅកើនឡើងយ៉ាងរហ័ស រហូតដល់ជាង ២,០០០ក្បាល ក្នុង ២៣ ភាសាផ្សេងៗគ្នា ជាពិសេសសៀវភៅជាភាសាខ្មែរ ដែលមានរហូតដល់ជិត ៣០០ក្បាល។ បណ្ណាល័យឌីជីថលមួយនេះ បង្កើតឡើងក្នុងយុគសម័យដែលទូរសព្ទស្មាតហ្វូន កំពុងពេញនិយម ហើយបណ្ណាល័យមួយនេះអនុញ្ញាតឱ្យសាធារណជន អាចទាញយកសៀវភៅមកអាន តាមរយៈគេហទំព័រអនឡាញ និងកម្មវិធីក្នុងទូរសព្ទដៃ (App) តាមរយៈ Google Play Store ផងដែរ។ បណ្ណាល័យឌីជីថលនេះ ត្រូវបានដៃគូអភិវឌ្ឍនៅក្នុងវិស័យអប់រំ យកទៅប្រើប្រាស់ទាំងក្នុងសាលា និងជាជំនួយដល់កម្មវិធីផ្សេងៗទៀតរបស់ពួកគាត់ នៅទូទាំងប្រទេសកម្ពុជា។
នេះជាលើកដំបូងដែល កម្មវិធីផលិតសៀវភៅរឿងកុមារ (BookLab) របស់ Let’s Read ត្រូវបានរៀបចំឡើង នៅហ្វារពន្លឺសិល្បៈឯខេត្តបាត់ដំបង។ កម្មវិធីនេះ មានការចូលរួមដោយ លោកយី សុងគី ប្រធានមន្ទីរអប់រំខេត្តបាត់ដំបង, លោក Kyle Barker នាយករងកម្មវិធីសៀវភៅសម្រាប់អាស៊ី នៃអង្គការមូលនិធិអាស៊ី, DJ Nana ទូតសុឆន្ទៈ (CSR Ambassador) នៃក្រុមហ៊ុន Smart Axiata និង លោក ពៅ កាំង ប្រធានផ្នែកទីផ្សារនៃក្រុមហ៊ុន Starbucks Cambodia។
លោកយី សុងគី ប្រធានមន្ទីរអប់រំខេត្តបាត់ដំបង បានកត់សម្គាល់ថា៖«យើងខ្ញុំពិតជាមានក្តីសោមនស្សរីករាយ ដែលកម្មវិធីផលិតសៀវភៅលើកនេះ ត្រូវបានរៀបចំនៅខេត្តបាត់ដំបង។ ក្រសួងអប់រំ តែងតែ ផ្តល់ការគាំទ្រចំពោះដៃគូអភិវឌ្ឍន៍ ក្នុងការផលិតធនធានអំណានដែលមានគុណភាពខ្ពស់ និងការលើកកម្ពស់ទម្លាប់អាន ក៏ដូចជាការគិតពិចារណាល្អិតល្អន់ ក្នុងចំណោមប្រជាពលរដ្ឋ ជាពិសេសកុមារតូចៗនៅកម្ពុជា។ យើងនឹងប្រើប្រាស់ធនធានទាំងនោះ នៅក្នុងសាលារៀនរបស់យើង ឱ្យអស់ពីលទ្ធភាព»។
នាឱកាសនោះដែរ លោក Kyle Barker នាយករងកម្មវិធីសៀវភៅសម្រាប់អាស៊ី នៃអង្គការមូលនិធិអាស៊ី បានគូសបញ្ជាក់ដូច្នេះថា៖«យើងសង្ឃឹមនិងជឿជាក់ថា សៀវភៅរឿងកុមារស្តីពីអាជីព នឹងក្លាយជាកម្លាំងជំរុញចិត្តយ៉ាងខ្លាំងដល់កុមារទាំងអស់ ព្រមទាំងបើកឱកាសឱ្យកុមារ អាចមើលឃើញខ្លួនឯងនៅក្នុងតួនាទីទាំងនោះ នាពេលអនាគត។ លោក Kyle Barker បានបន្ថែមថា៖«យើងបានជ្រើសយកប្រធានបទនេះឡើង ដោយស្របទៅនឹងបរិបទនៃប្រទេសកម្ពុជា ដែលកំពុងស្ថិតក្នុងយុគសម័យបដិវត្តឧស្សាហកម្មលើកទី៤។ ហើយសៀវភៅទាំងនេះ នឹងជួយកុមារបង្កើតចំណាប់អារម្មណ៍ក្នុ ងការស្វែងរកអាជីពនៅក្នុងវិស័យស្ទែម ដែលរួមមានវិទ្យាសាស្ត្រ បច្ចេកវិទ្យា វិស្វកម្ម និងគណិតវិទ្យា»។
កម្មវិធី Let’s Read ត្រូវបានគាំទ្រដោយក្រុមហ៊ុន Smart Axiata ដែលជាក្រុមហ៊ុនទូរគមនាគមន៍ឈានមុខគេនៅកម្ពុជា និងក្រុមហ៊ុន Starbucks Cambodia ដែលជាក្រុមហ៊ុនកាហ្វេឈានមុខគេ នៅលើពិភពលោកតាំងពីឆ្នាំ១៩៧១។
លោក Jonathan Yap ជាប្រធានផ្នែកគ្រប់គ្រង និងកិច្ចការសហការ នៃក្រុមហ៊ុន Smart Axiata បានថ្លែងថា៖«ក្រុមហ៊ុន បានចូលរួមលើកកម្ពស់ទម្លាប់នៃការអាន និងអក្ខរកម្ម តាមរយៈការចូលរួមគាំទ្រក្នុងសកម្មភាពសង្គមនានា។ សៀវភៅឌីជីថល ដែលបង្កើតដោយ Let’s Read បានដើរតួនាទីយ៉ាងសំខាន់ ក្នុងការជួយកុមារឱ្យបង្កើតទម្លាប់អានសៀវភៅ និងចាប់ផ្តើមការស្រមើស្រមៃខ្ពស់ ដោយប្រើប្រាស់សម្ភារអប់រំតាមអ៊ីនធឺណិត។ វាជាការប្រសើរណាស់ ដែលមានគម្រោង Let’s Read មួយនេះ ហើយយើងបានគាំទ្រតាំងពីឆ្នាំ២០១៧ ឥឡូវបានពង្រីកខ្លួនដល់ខេត្ត ដែលអាចឱ្យអ្នកស្ម័គ្រចិត្ត វិចិត្រករ និងនាយកសិល្បៈ បានទទួលយកនូវបទពិសោធថ្មីប្លែក ខណៈពេលបង្កើតខ្លឹមសារ ដែលមានភាពចាំបាច់សម្រាប់អនាគតយុវជនកម្ពុជា»។
លោក ពៅ កាំង ប្រធានផ្នែកទីផ្សារ ប្រចាំនៅ Starbucks Cambodia បានមានប្រសាសន៍ថា៖«ចាប់ពីឆ្នាំ ២០១៨ មកពួកយើងបានសហការជាមួយអង្គការ មូលនិធិអាស៊ី លើគម្រាង Let’s Read ដែលពួកយើងបានចូលរួមក្នុងសកម្មភាពជាច្រើន ដូចជាការកែសម្រួល និងសរសេរសៀវភៅរឿងនិទាន ទាក់ទងពីប្រវត្តិកាហ្វេ ដែលចូលរួមដោយដៃគូឆុងកាហ្វេ (បុគ្គលិក) របស់យើង។ ចំណែកឯអតិថិជនយើង ក៏បានចូលរួមចំណែកតាមរយៈ ការទិញសៀវភៅនោះដែរ។ កម្មវិធីសប្បុរសធម៌នេះ វាស្របទៅនឹងអ្វីដែល Starbucks ទូទាំងពិភពលោក បានគាំទ្រក្នុងការអភិវឌ្ឍន៍វិស័យអប់រំ ។ បន្ទាប់ពីកម្មវិធី Booklab នេះរួចរាល់ យើងនឹងបោះពុម្ពខ្នាតធំ ហើយចែកចាយតាមសាខារបស់យើងទូទាំងប្រទេស ក្នុងរដូវកាលបុណ្យណូអែលខាងមុខ»។
គួរបញ្ជាក់ផងដែរថា សៀវភៅដែលផលិតនៅក្នុងកម្មវិធីនេះ និងសៀវភៅផ្សេងៗដែលមានស្រាប់ មាននៅលើបណ្ណាល័យឌីជីថល www.letsreadasia.org សម្រាប់សាធារណជនអាចរកអាន ទាញយក ព្រីន និងចែកចាយបានដោយសេរី។
គម្រោង Let’s Read គឺជាកិច្ចផ្តួចផ្តើមឡើងដោយអង្គការមូលនិធិអាស៊ី ហើយក៏ជាគម្រោងដែលកំពុងរីកដុះដាលយ៉ាងលឿន ដោយពឹងផ្អែកទៅលើទំនាក់ទំនងយ៉ាងជិតស្និទ្ធ រវាងមូលនិធិអាស៊ី ដែលមានការិយាល័យនៅ១៨ប្រទេសនៅក្នុងតំបន់ ជាមួយនឹងសហគមន៍ក្នុងការកសាងបណ្ណាល័យឌីជីថល ជាភាសាក្នុងតំបន់។ សៀវភៅរឿងក្នុងបណ្ណាល័យ និយាយអំពីប្រធានបទផ្សេងៗដូចជា បរិស្ថាន ភាពចម្រុះគ្នា ការតស៊ូ និងការអត់ឱន យេនឌ័រ និងស្ទែម (STEM)។ គម្រោងនេះ ក៏បណ្តុះនូវទម្លាប់អានដែលជួយដល់កុមារ ក្រុមគ្រួសាររបស់គាត់ និងសហគមន៍របស់គាត់ ឱ្យរីកចម្រើនក្នុងកំឡុងពេលដូចគ្នាផងដែរ។ គម្រោងនេះ ក៏មានគោលបំណង បន្តកសាងសហគមន៍អ្នកបង្កើតសៀវភៅ អ្នកបកប្រែសៀវភៅដែលចង់ឃើញអនាគតដែលពោរពេញទៅដោយសៀវភៅកុមារ។
អំពីអង្គការមូលនិធិអាស៊ី
អង្គការមូលនិធិអាស៊ី គឺជាអង្គការអភិវឌ្ឍន៍អន្តរជាតិមួយ ដែលមិនស្វែងរកប្រាក់ចំណេញ ដែលចូលរួមក្នុងការលើកកម្ពស់ការរស់នៅរបស់ប្រជាជន នៅជុំវិញទ្វីបអាស៊ី។ អង្គការមូលនិធិអាស៊ី មានបទពិសោធន៍ជាងប្រាំមួយទសវត្សរ៍ ដែលការងាររបស់អង្គការមូលនិធិអាស៊ីភាគច្រើន ផ្តោតទៅលើគោលដៅធំៗចំនួនប្រាំ រួមមាន ការពង្រឹងអភិបាលកិច្ច ការលើកកម្ពស់ស្ត្រី ការលើកកម្ពស់កលានុវត្តភាពសេដ្ឋកិច្ច ការលើកកម្ពស់បរិស្ថាន និងការលើកកម្ពស់កិច្ចសហប្រតិបតិ្តការនៅក្នុងតំបន់។ សម្រាប់ព័ត៌មានបន្ថែម សូមចូលទៅកាន់គេហទំព័ររបស់អង្គការមូលនិធិអាស៊ី www.asiafoundation.org។
សម្រាប់ព័ត៌មានបន្ថែម សូមទាក់ទង៖
លោក ឃុត ស៊ននិមល [email protected] ឬ ០៩២/១៦ ៥៦៣ ៤៧៤ (នៅកម្ពុជា)។
លោក Kyle Barker [email protected] ឬ +១៥១០-៦៦៧-៦៤៧៥ (នៅសហរដ្ឋអាមេរិក)។
ដើម្បីយល់ដឹងបន្ថែមពីការងារបស់អង្គការមូលនិធិអាស៊ី សូមចូលទៅកាន់គេហទំព័រ https://asiafoundation.org/about ៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
