អត្ថបទពាណិជ្ជកម្ម
Vietjet ជាប់ជាក្រុមហ៊ុនមានអភិបាលកិច្ចសាជីវកម្ម និងការគ្រប់គ្រងហិរញ្ញវត្ថុដ៏ល្អបំផុត ក្នុងទីផ្សារភាគហ៊ុនវៀតណាម
× ភ្នំពេញ ថ្ងៃទី២៤ ខែកញ្ញា៖ ក្រុមហ៊ុនអាកាសចរណ៍ជំនាន់ថ្មី Vietjet Air ត្រូវបានទទួលស្គាល់ជា ក្រុមហ៊ុនមានអភិបាលកិច្ចសាជីវកម្ម និងការគ្រប់គ្រងហិរញ្ញវត្ថុដ៏ល្អបំផុត នៅលើទីផ្សារភាគហ៊ុនរបស់វៀតណាម ប្រចាំឆ្នាំ២០១៩។ ការទទួលស្គាល់នេះ ត្រូវបានធ្វើឡើងដោយកម្មវិធីវាយតម្លៃប្រតិបត្តិការអាជីវកម្ម (BCI) អំឡុងពេលនៃព្រឹត្តិការណ៍មួយ ក្នុងទីក្រុងហាណូយ កាលពីថ្ងៃទី២៣ ខែកញ្ញា ឆ្នាំ២០១៩។
នេះគឺជាលើកទី២ហើយ ដែលក្រុមហ៊ុនអាកាសចរណ៍ Vietjet បានទទួលវិញ្ញាបនបត្រនេះ បន្ទាប់ពីស្គាល់ភាពជោគជ័យជាបន្តបន្ទាប់ ដូចជាការក្លាយជាក្រុមហ៊ុនមានការគ្រប់គ្រងហិរញ្ញវត្ថុដ៏ល្អបំផុតក្នុងឧស្សាហកម្មដឹកជញ្ជូន និងជាប់ក្នុងចំណោមក្រុមហ៊ុនមានអភិបាលកិច្ចសាជីវកម្មដ៏ល្អបំផុតកំពូលទាំង១០ ក្នុងទីផ្សារភាគហ៊ុនរបស់វៀតណាម។
ពានរង្វាន់នេះ ត្រូវបានផ្តល់ឲ្យដោយសភាពាណិជ្ជកម្ម និងឧស្សាហកម្មរបស់វៀតណាម កាសែតវេទិកាសេដ្ឋកិច្ចវៀតណាម (Vietnam Business Forum) ក្រោមកិច្ចសហប្រតិបត្តិការជាមួយនឹងវិទ្យាស្ថានសម្រាប់ការសិក្សាអាជីវកម្ម និងអភិវឌ្ឍ និងសមាគមគណនេយ្យករ និងសាវនករវៀតណាម។
នៅឆ្នាំនេះ រាល់ក្រុមហ៊ុនដែលស្ថិតក្នុងបញ្ជីទាំងអស់នៅក្នុងវិស័យចំនួន៣០ផ្សេងគ្នា ត្រូវបានវាយតម្លៃ និងដាក់ចំណាត់ថ្នាក់ឲ្យ តាមរយៈការផ្អែកលើកត្តាកាត់សេចក្តីចំនួន២១ ដែលទាក់ទងនឹងរាល់ទិដ្ឋភាពនៃសកម្មភាពអាជីវកម្មទាំងអស់ ដោយយោងទៅតាមរបាយការណ៍ហិរញ្ញវត្ថុផ្សេងៗ រួមជាមួយនឹងវិធីសាស្ត្រវាយតម្លៃដ៏ទូលំទូលាយ ដើម្បីធានាឲ្យលទ្ធផលដ៏ត្រឹមត្រូវ និងមិនលំអៀង។
លោក Vu Tien Loc ប្រធានសភាពាណិជ្ជកម្ម និងឧស្សាហកម្ម មានប្រសាសន៍ថា៖ «វាពិតជាសមហេតុផល ក្នុងការវាយតម្លៃតែក្រុមហ៊ុនស្ថិតក្នុងបញ្ជី ក្នុងសន្ទស្សន៍នេះ ពីព្រោះក្រុមទាំងនោះ គឺជាក្រុមដ៏ល្អបំផុតក្នុងទីផ្សារវៀតណាម ហើយក៏ជាក្រុមហ៊ុនមានតម្លាភាពបំផុតផងដែរ។ ក្រុមហ៊ុនដែលមានតម្លាភាព និងប្រសិទ្ធភាព ក៏ជាក្រុមហ៊ុនដែលមានសមត្ថភាពបំផុត និងប្រតិបត្តិការដ៏ល្អបំផុតផងដែរ។ ប្រតិបត្តិការសម្រាប់សហគ្រាសនានា ដែលស្ថិតក្នុងបញ្ជីនៅលើទីផ្សារភាគហ៊ុន គឺជារង្វាស់មួយទៅលើផាសុកភាពជាទូទៅ របស់ក្រុមហ៊ុនវៀតណាម»។
ចាប់តាំងមានឈ្មោះក្នុងទីផ្សារភាគហ៊ុនរបស់ទីក្រុងហូជីមិញ កាលពីខែកុម្ភៈ ឆ្នាំ២០១៧ ភាគហ៊ុនរបស់ Vietjet បានផ្តល់ការចាប់អារម្មណ៍ភ្លាមៗ ទាំងអ្នកវិនិយោគក្នុងស្រុក និងអន្តរជាតិ ហើយ Vietject បានក្លាយជាក្រុមហ៊ុនមួយក្នុងចំណោមក្រុមហ៊ុន ដែលមានប្រតិបត្តិការដ៏ល្អបំផុត នៅលើទីផ្សារភាគហ៊ុន ដើម្បីជាប់ក្នុងសន្ទស្សន៍ នៃវិស័យទាំង៣០របស់វៀតណាម។
ជាមួយនឹងការមានទឹកប្រាក់ ៣ពាន់លានដុល្លារអាមេរិក ក្នុងទីផ្សារមូលធន Vietjet ក៏បានស្ថិតក្នុងបញ្ជីឈ្មោះក្រុមហ៊ុនដ៏រឹងមាំបំផុតប្រចាំអាស៊ី របស់ទស្សនាវដ្តី Forbes សម្រាប់ការមានមូលធនច្រើនជាង ១ពាន់លានដុល្លារ ក្នុងឆ្នាំ២០១៩ ផងដែរ។ ទស្សនាវដ្តី Air Finance Journal ក៏បានផ្តល់ចំណាត់ថ្នាក់ដល់ Vietjet ក្នុងលេខរៀងទី២២ផងដែរ ក្នុងចំណោមក្រុមហ៊ុនអាកាសចរណ៍កំពូលទាំង៥០របស់ពិភពលោក ដោយសារតែកត្តាប្រតិបត្តិការ និងហិរញ្ញវត្ថុល្អជាងគេបំផុត។
នៅពាក់កាលឆ្នាំដំបូងនៃឆ្នាំ២០១៩នេះ ក្រុមហ៊ុន Vietjet បានប្រតិបត្តិ ការហោះហើរចំនួន ៦៨ ៨២១ លើក ស្មើនឹង ៤៥% នៃការហោះហើរសរុប ដែលត្រូវបានប្រតិបត្តិដោយក្រុមហ៊ុនអាកាសចរណ៍ក្នុងស្រុករបស់វៀតណាម ហើយបានដឹកអ្នកដំណើរចំនួន ១៣,៥ លាននាក់ ទូទាំងបណ្តាញផ្លូវហោះហើររបស់ខ្លួន។ ប្រាក់ចំណូលពីការដឹកជញ្ជូនផ្លូវអាកាស បានកើនដល់ ២០,១៨១ ពាន់លានដុង (ស្មើនឹង ៩១៣ លានដុល្លារអាមេរិក) ដែលជាការកើនឡើង ២២% បើធៀបទៅនឹងឆ្នាំមុន ហើយប្រាក់ចំណេញមុនពេលកាត់ពន្ធ មានចំនួន ១,៥៥៣ ពាន់លានដុង (ជិត ៦០ លានដុល្លារអាមេរិក) ដែលជាការកើនឡើង ១៥% បើធៀបកាលពីឆ្នាំមុន។
Vietjet គឺជាក្រុមហ៊ុនអាកាសចរណ៍ដំបូងគេនៅវៀតណាម ដែលប្រតិបត្តិក្នុងនាមជាក្រុមហ៊ុនអាកាសចរណ៍ជំនាន់ថ្មី ដែលផ្តល់តម្លៃសំបុត្របែបសន្សំសំចៃ និងបត់បែន ក៏ដូចជាសេវាជាច្រើនប្រភេទផ្សេងៗគ្នា ដើម្បីបំពេញតាមតម្រូវការរបស់អតិថិជន។ ក្រុមហ៊ុននេះ មិនត្រឹមតែ ផ្តល់សេវាដឹកជញ្ជូនប៉ុណ្ណោះទេ ប៉ុន្តែក៏ប្រើប្រាស់បច្ចេកវិទ្យាពាណិជ្ជកម្មអេឡិចត្រូនិក (e-commerce) ទំនើបចុងក្រោយគេបំផុត ដើម្បីផ្តល់សេវា និងផលិតផលផ្សេងគ្នាជាច្រើនសម្រាប់អតិថិជន។
បច្ចុប្បន្ន ក្រុមហ៊ុន Vietjet ប្រតិបត្តិការហោះហើរប្រចាំថ្ងៃចំនួន ៤០០ លើក ដោយដឹកជញ្ជូនអ្នកដំណើរច្រើនជាង ៨០ លាននាក់ មកទល់ពេលនេះ ជាមួយនឹងផ្លូវហោះហើរចំនួន ១២៩ ខ្សែ ដែលគ្របដណ្តប់គោលដៅជាច្រើនទូទាំងវៀតណាម និងគោលដៅអន្តរជាតិនានា ដូចជា កម្ពុជា ជប៉ុន ហុងកុង សិង្ហបុរី កូរ៉េខាងត្បូង តៃវ៉ាន់ ចិន ថៃ មីយ៉ាន់ម៉ា ម៉ាឡេស៊ី និងឥណ្ឌូណេស៊ី។
សម្រាប់ព័ត៌មានបន្ថែម សូមចូលទៅកាន់៖ www.vietjetair.com
Further information at www.vietjetair.com ៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com