អន្តរជាតិ
រូបភាព (KCNA)
×![]()
ដោយ: ធៀន ភារិន្ទ
កូរ៉េខាងជើងនៅថ្ងៃទី២ ខែតុលា បានសាកល្បងបាញ់កាំជ្រួចពីរគ្រាប់ទៀត ចូលទៅក្នុងសមុទ្រជប៉ុនខាងកើត។ នេះជាការបាញ់លើកទី៩ ហើយក្រោយមេដឹកនាំអាមេរិក និងកូរ៉េខាងជើងជួបគ្នានៅតំបន់គ្មានយោធាកាលពីខែចុងខែមិថុនា។ ការបាញ់លើកនេះ គឺបន្ទាប់ពីកាសែតក្នុងស្រុកកូរ៉េខាងជើងប្រកាសថា ជំនួបអាមេរិក និងកូរ៉េខាងជើងនឹងកើតមានក្នុងពេលឆាប់ៗខាងមុខនេះ។ 
យោធាកូរ៉េខាងត្បូងកំពុងឃ្លាំងមើលស្ថានភាពនៃការសាកល្បងមីស៊ីល ហើយបានត្រៀមខ្លួនរួចរាល់ហើយក្នុងស្ថានការណ៍យោធាមួយនេះ ។ យោធាកូរ៉េខាងត្បូងបានអះអាងដូចនេះនៅក្នុងសេចក្តីថ្លែងការណ៍របស់ខ្លួននៅថ្ងៃទី២ ខែតុលា ក្រោយកូរ៉េខាងជើងបាញ់មីស៊ីលពីរគ្រាប់ចូលសមុទ្រខាងកើត។
លេខាធិការគណៈរដ្ឋមន្ត្រីជប៉ុនលោក Yoshihide Suga បានគូសបញ្ជាក់ថា នាវេលាម៉ោង៧ ព្រឹក មីស៊ីលប៉ាលីស្ទិកមួយគ្រាប់បានធ្លាក់ចូលទៅក្នុងតំបន់សេដ្ឋកិច្ចផ្តាច់មុខរបស់ជប៉ុន ខណៈពេលមួយគ្រាប់ទៀត បានធ្លាក់នៅខាងក្រៅតំបន់សេដ្ឋកិច្ចផ្តាច់មុខជប៉ុន។ ប៉ុន្តែវាមិនបានប៉ះពាល់យន្តហោះចម្បាំង ឬនាវានៅក្បែតំបន់នោះឡើយ។
ទាក់ទងទៅនឹងការសាកល្បងមីស៊ីលប៉ាលីស្ទិកនេះ គេមិនទាន់ដឹងពីអត្តសញ្ញាណលំអិតនៅឡើយទេ ប៉ុន្តែគេគ្រាន់តែដឹងថាវាទំនងជាបាញ់ចេញពីខេត្ត Wonsan និង Kangwon សំដៅទៅសមុទ្រជប៉ុនខាងកើត។ នេះបើតាមទីភ្នាក់ងារព័ត៌មានកូរ៉េខាងត្បូង Yonhap។
ការបាញ់មីស៊ីលលើកនេះ ធ្វើឡើងក្រោយអនុរដ្ឋមន្ត្រីការបរទេសកូរ៉េខាងជើង ឆេ ស៊ុនហ៊ី ប្រកាសចូលតុចរចាជាមួយអាមេរិកនៅអំឡុងសប្ដាហ៍នេះ៕
យោធាកូរ៉េខាងត្បូងកំពុងឃ្លាំងមើលស្ថានភាពនៃការសាកល្បងមីស៊ីល ហើយបានត្រៀមខ្លួនរួចរាល់ហើយក្នុងស្ថានការណ៍យោធាមួយនេះ ។ យោធាកូរ៉េខាងត្បូងបានអះអាងដូចនេះនៅក្នុងសេចក្តីថ្លែងការណ៍របស់ខ្លួននៅថ្ងៃទី២ ខែតុលា ក្រោយកូរ៉េខាងជើងបាញ់មីស៊ីលពីរគ្រាប់ចូលសមុទ្រខាងកើត។
លេខាធិការគណៈរដ្ឋមន្ត្រីជប៉ុនលោក Yoshihide Suga បានគូសបញ្ជាក់ថា នាវេលាម៉ោង៧ ព្រឹក មីស៊ីលប៉ាលីស្ទិកមួយគ្រាប់បានធ្លាក់ចូលទៅក្នុងតំបន់សេដ្ឋកិច្ចផ្តាច់មុខរបស់ជប៉ុន ខណៈពេលមួយគ្រាប់ទៀត បានធ្លាក់នៅខាងក្រៅតំបន់សេដ្ឋកិច្ចផ្តាច់មុខជប៉ុន។ ប៉ុន្តែវាមិនបានប៉ះពាល់យន្តហោះចម្បាំង ឬនាវានៅក្បែតំបន់នោះឡើយ។
ទាក់ទងទៅនឹងការសាកល្បងមីស៊ីលប៉ាលីស្ទិកនេះ គេមិនទាន់ដឹងពីអត្តសញ្ញាណលំអិតនៅឡើយទេ ប៉ុន្តែគេគ្រាន់តែដឹងថាវាទំនងជាបាញ់ចេញពីខេត្ត Wonsan និង Kangwon សំដៅទៅសមុទ្រជប៉ុនខាងកើត។ នេះបើតាមទីភ្នាក់ងារព័ត៌មានកូរ៉េខាងត្បូង Yonhap។
ការបាញ់មីស៊ីលលើកនេះ ធ្វើឡើងក្រោយអនុរដ្ឋមន្ត្រីការបរទេសកូរ៉េខាងជើង ឆេ ស៊ុនហ៊ី ប្រកាសចូលតុចរចាជាមួយអាមេរិកនៅអំឡុងសប្ដាហ៍នេះ៕
Tag:
កូរ៉េខាងជើង
© រក្សាសិទ្ធិដោយ thmeythmey.com
