លោក ជា ផល្លី នេសាទត្រីក្នុងស្ទឹងសង្កែជាង២៥ឆ្នាំ ផ្គត់ផ្គង់ជីវភាពគ្រួសារ

ជាតិ

២៥ខេត្ត/រាជធានី

លោក ជា ផល្លី នេសាទត្រីក្នុងស្ទឹងសង្កែជាង២៥ឆ្នាំ ផ្គត់ផ្គង់ជីវភាពគ្រួសារ

03, Oct 2019 , 6:19 pm

រូបភាព

ដោយ: សែម វណ្ណា (Sem Vanna)

បាត់ដំបង៖ អង្គុយនៅលើទូកនេសាទតូចមួយក្នុងស្ទឹងសង្កែ ដៃទាំងពីរកំពុងដោះមកយកត្រី លោក ជា ផល្លី រកបានតែត្រីឆ្ពិនតូចល្មមចំនួនតែ ៣ប៉ុណ្ណោះ ស្ទើរពេញមួយថ្ងៃនេះ។ បុរសវ័យជិត៤០ឆ្នាំ ដែលប្រករបរនេសាទត្រីតាមបែបបុរាណនៅក្នុងស្ទឹងសង្កែតាំងពីឆ្នាំ១៩៩៣ រហូតមកដល់បច្ចុប្បន្ននេះ បានប្រាប់ThmeyThmey25 យ៉ាងខ្លីថា គាត់គ្មានស្រែចំការធ្វើទេ ក្រៅពីការងារនេសាទត្រី ហើយ ប្រពន្ធរបស់លោក ផល្លី ជាអ្នកយកត្រីដែលរកបានទៅលក់នៅផ្សារបាត់ដំបង។ ថ្ងៃខ្លះលោក ផល្លី អាចរកចំណូលបានត្រឹមតែ៤ទៅ៥ម៉ឺនរៀលប៉ុណ្ណោះ គ្រាន់តែផ្គត់ផ្គង់ជីវភាពគ្រួសារប្រចាំថ្ងៃ ដែលមានកូនពីរនាក់នៅក្នុងបន្ទុក។ ថ្ងៃខ្លះទៀត លោក ផល្លី ក៏រកត្រីពុំបានដែរ។

ការនេសាទត្រីនៅក្នុងដងស្ទឹងង្កែនៃខេត្តបាត់ដំបង មិនមែនមានតែលោក ផល្លី ម្នាក់ឯងទេ ពោលគឺមានច្រើនគ្រួសារទៀត ដែលពួកគេប្រកបមុខរបរនេះដែរ។ ប៉ុន្តែ ដល់រដូវរកត្រីពុំសូវបាន គ្រួសារខ្លះ ងាកទៅបកមុខរបរផ្សេង ផ្ទុយពីគ្រួសារលោក ផល្លី ដែលរកត្រីនៅទីនេះ ប្រមាណ២៦ឆ្នាំមកហើយនោះ ពុំដឹងថា ត្រូវរកមុខរបរអ្វីផ្សេងមកជំនួសឡើយ។

សូមទស្សនាវីដេអូខ្លី ដូចតទៅ៖