កីឡាអន្តរជាតិ
អន្តរជាតិ
កាសែតអេស្ប៉ាញ ថា Bale ខឹង Zidane កាន់តែខ្លាំងហើយ
× Gareth Bale មានការខឹងសម្បា និងធុញទ្រាន់ទៅនឹងក្រុម Real Madrid ដោយបង្ហាញការចង់ចាកចេញពីក្លិបយក្សអេស្ប៉ាញមូយនេះទៀតផង។ នេះបើតាមអ្នកកាសែតអេស្ប៉ាញ Guillem Balague របស់ BBC Radio 5 Live។
ខ្សែបម្រើសញ្ជាតិវេលស៍ វ័យ៣០ឆ្នាំរូបនេះ ស្ទើរតែផ្លាស់ទៅក្រុម Jiangsu Suning នៃលីគកីឡាបាល់ទាត់កំពូលចិន (Chinese Super League) ទៅហើយ អំឡុងទីផ្សារដោះដូរកីឡាករនៅដើមរដូវកាលនេះជាមួយថ្លៃឈ្នួល ១,២ លានដុល្លារក្នុងមួយសប្តាហ៍។ ប៉ុន្តែយ៉ាងណាក្លិបស្តេចស បដិសេធវិញដោយសារក្លិបចង់បានការផ្ទេរដែលមានតម្លៃសមរម្យមួយ។
ខណៈការចរចាលើការផ្ទេ Bale កំពុងដំណើរការ លោក Zinedine Zidane អ្នកចាត់ការទូទៅ Real Madrid ធ្លាប់បានអះអាងថាលោកសង្ឃឹមថាអតីតកីសមាជិកក្រុម Tottenham Hotspur រូបនេះនឹងចាកចេញពី Santiago Bernabéu ឆាប់ៗ។
ការលើកឡើងរបស់អ្នកចាត់ការសញ្ជាតិបារាំងបែបនេះ បានធ្វើឲ្យភ្នាក់ងាររបស់ Bale លោក Jonathan Barnett មានការមិនពេញចិត្ត ដោយឆ្លើយតបវិញថា Zidane ប្រើភាសាយ៉ាងនអាម៉ាស់ និងមិនគោរពកីឡាករដែលបានធ្វើអ្វីជាច្រើនសម្រាប់ Real Madrid។
Bale បានជួយ Real ឈ្នះ Champions Leageu ៤ដង La Liga និង Copa del Rey ១លើក UEFA Super Cups ៣ ដង និង Club World Cups ៣ដង រួមទាំងរកគ្រាប់ស៊ុតបញ្ចូលទីលើសពី ១០០ គ្រាប់ផង។
សម្រាប់រដូវកាលថ្មីនេះ Bale បានបង្ហាញខ្លួនចំនួន៧ប្រកួត និងស៊ុតបាន២គ្រាប់ដើម្បីជួយ Real ឡើងឈរកំពូលតារាង La Liga។ យ៉ាងណាក៏ដោយ Bale មិនជាប់ឈ្មោះលេងក្របខណ្ខកំពូលអឺរ៉ុបឡើយពេល Real ស្មើគ្នា ២-២ ទល់ Club Bruges ដែលធ្វើឲ្យរូបគេមានអារម្មណ៍ថ្នាំងថ្នាក់ រហូតចង់ចាកចេញតែម្តង។
«Bale ឆ្អែតចិត្តហើយ។ គាត់មិនអាចធ្វើអ្វីបានទៀតទេ។ នៅពេលដែលគាត់ចាប់ផ្តើមលេចធ្លោហើយចាប់ផ្តើមលេង ត្រូវគ្នាជាមួយក្រុមបែរជាគាត់បានត្រឹមទស្សនាការប្រកួតជាមួយ Bruges ទៅវិញ»។ នេះការអះអាងរបស់លោក Guillem Balague តាមរយៈ BBC Radio 5 Live។
លោក Balague ស្រង់សម្តីរបស់ Bale ទៀតថា នៅពេល Zidane ត្រឡប់ទៅដឹកនាំក្រុមវិញ Bale គឺមិនស្ថិតក្នុងកែវភ្នែករបស់អ្នកចាត់ការរូបនេះឡើយ។ Bale បានប្រាប់ Zidane ហើយថារូបគេសម្រេចចិត្តច្បាស់ហើយ និងត្រៀមចាកចេញពីក្រុម៕
Tag:
Gareth Bale
Real Madrid
Zinedine Zidane
© រក្សាសិទ្ធិដោយ thmeythmey.com