អន្តរជាតិ
ក្រុមហ៊ុនAppleដកកម្មវិធីផែនទីហុងកុងដែលបាតុករប្រើតាមដានទីតាំងប៉ូលិស
×![]()
ក្រុមហ៊ុន Apple នៅថ្ងៃព្រហស្បតិ៍ ទី១០ តុលា បានលុបចោលកម្មវិធីមួយ ដែលក្រុមបាតុករហុងកុងប្រើប្រាស់ដើម្បីកំណត់ទីតាំងប៉ូលិស។ ក្រុមហ៊ុនបច្ចេកវិទ្យាយក្សអាមេរិកនេះ បានអះអាងថា កម្មវិធីផែនទីនេះបំពានច្បាប់ ព្រោះវាត្រូវយកទៅប្រើក្នុងគោលដៅវាយឆ្មក់ប៉ូលិស។
ទើបតែយល់ព្រមដាក់បញ្ចូលកម្មវិធី HKmap.live ក្នុង Store របស់ខ្លួន កាលពីសប្តាហ៍មុន ក្រុមហ៊ុន Apple បានសម្រេចលុបចោលវិញ ក្រោយពីរងការព្រមានពីចិន។ ក្រុមហ៊ុន Apple បានបញ្ជាក់ក្នុងសេចក្តីថ្លែងការណ៍ថា ខ្លួនបានបើកការស៊ើបអង្កេតភ្លាមៗ បន្ទាប់ពីមនុស្សជាច្រើនក្នុងក្រុងហុងកុង បានទាក់ទងមកក្រុមហ៊ុន ដោយបង្ហាញកង្វល់ពីកម្មវិធីផែនដីនោះ។ ក្រោយមក ក្រុមហ៊ុនបានរកឃើញថា កម្មវិធីបានបង្កគ្រោះថ្នាក់ដល់ការអនុវត្តច្បាប់ និងប្រជាជនស្លូតត្រង់ក្នុងក្រុងហុងកុង។
«កម្មវិធីនេះ បង្ហាញទីកន្លែងប៉ូលិសឈរជើង ហើយយើងបានពិនិត្យបញ្ជាក់ជាមួយនាយកដ្ឋានឧក្រិដ្ឋកម្មបច្ចេកវិទ្យា និងសន្តិសុខតាមប្រព័ន្ឌអ៊ីនធឺណិត[ហុងកុង]ថា កម្មវិធីនេះត្រូវបានប្រើប្រាស់dដើម្បីកំណត់គោលដៅនិងវាយឆ្មក់ប៉ូលិស, គំរាមកំហែងសុវត្ថិភាពសាធារណៈ ហើយឧក្រិដ្ឋជនបានប្រើវាបង្កគ្រោះថ្នាក់ដល់ពលរដ្ឋស្លូតត្រង់ក្នុងតំបន់នោះ ទីដែលពួកគេដឹងថា គ្មានការអនុវត្តច្បាប់ត្រឹមត្រូវ»។
ឆ្លើយតបនឹងការដកហូតនេះ អ្នកអភិវឌ្ឍកម្មវិធី HKlive.map តាមរយៈបណ្តាញសង្គម Twitter បានបង្ហាញការមិនយល់ស្របចំពោះការសម្រេចចិត្តរបស់ក្រុមហ៊ុន។ ត្រង់ចំណុចនេះ ខ្លួនលើកឡើងថា វាគ្មានភស្តុតាងណាមួយគាំទ្រចំពោះការអះអាងរបស់ប៉ូលិសហុងកុងដែលថា កម្មវិធីនេះ ត្រូវបានប្រើប្រាស់ក្នុងគោលដៅសកម្មភាពវាយឆ្មក់ឡើយ។
សូមបញ្ជាក់ថា កម្មវិធី HKlive.map ត្រូវបានលុបចោលពី Store របស់ក្រុមហ៊ុន Apple នៅទូទាំងពិភពលោក ក៏ប៉ុន្តែវានៅបន្តដំណើរសម្រាប់អ្នកប្រើប្រាស់ដែលបានទាញយកកម្មវិធីរួចរាល់។ ចំណែក វេបសាយរបស់វា ក៏នៅតែអាចមើលបានដដែលសម្រាប់ទូរសព្ទម៉ូឌែល Iphone គ្រប់ប្រភេទ៕
ទើបតែយល់ព្រមដាក់បញ្ចូលកម្មវិធី HKmap.live ក្នុង Store របស់ខ្លួន កាលពីសប្តាហ៍មុន ក្រុមហ៊ុន Apple បានសម្រេចលុបចោលវិញ ក្រោយពីរងការព្រមានពីចិន។ ក្រុមហ៊ុន Apple បានបញ្ជាក់ក្នុងសេចក្តីថ្លែងការណ៍ថា ខ្លួនបានបើកការស៊ើបអង្កេតភ្លាមៗ បន្ទាប់ពីមនុស្សជាច្រើនក្នុងក្រុងហុងកុង បានទាក់ទងមកក្រុមហ៊ុន ដោយបង្ហាញកង្វល់ពីកម្មវិធីផែនដីនោះ។ ក្រោយមក ក្រុមហ៊ុនបានរកឃើញថា កម្មវិធីបានបង្កគ្រោះថ្នាក់ដល់ការអនុវត្តច្បាប់ និងប្រជាជនស្លូតត្រង់ក្នុងក្រុងហុងកុង។
«កម្មវិធីនេះ បង្ហាញទីកន្លែងប៉ូលិសឈរជើង ហើយយើងបានពិនិត្យបញ្ជាក់ជាមួយនាយកដ្ឋានឧក្រិដ្ឋកម្មបច្ចេកវិទ្យា និងសន្តិសុខតាមប្រព័ន្ឌអ៊ីនធឺណិត[ហុងកុង]ថា កម្មវិធីនេះត្រូវបានប្រើប្រាស់dដើម្បីកំណត់គោលដៅនិងវាយឆ្មក់ប៉ូលិស, គំរាមកំហែងសុវត្ថិភាពសាធារណៈ ហើយឧក្រិដ្ឋជនបានប្រើវាបង្កគ្រោះថ្នាក់ដល់ពលរដ្ឋស្លូតត្រង់ក្នុងតំបន់នោះ ទីដែលពួកគេដឹងថា គ្មានការអនុវត្តច្បាប់ត្រឹមត្រូវ»។
ឆ្លើយតបនឹងការដកហូតនេះ អ្នកអភិវឌ្ឍកម្មវិធី HKlive.map តាមរយៈបណ្តាញសង្គម Twitter បានបង្ហាញការមិនយល់ស្របចំពោះការសម្រេចចិត្តរបស់ក្រុមហ៊ុន។ ត្រង់ចំណុចនេះ ខ្លួនលើកឡើងថា វាគ្មានភស្តុតាងណាមួយគាំទ្រចំពោះការអះអាងរបស់ប៉ូលិសហុងកុងដែលថា កម្មវិធីនេះ ត្រូវបានប្រើប្រាស់ក្នុងគោលដៅសកម្មភាពវាយឆ្មក់ឡើយ។
សូមបញ្ជាក់ថា កម្មវិធី HKlive.map ត្រូវបានលុបចោលពី Store របស់ក្រុមហ៊ុន Apple នៅទូទាំងពិភពលោក ក៏ប៉ុន្តែវានៅបន្តដំណើរសម្រាប់អ្នកប្រើប្រាស់ដែលបានទាញយកកម្មវិធីរួចរាល់។ ចំណែក វេបសាយរបស់វា ក៏នៅតែអាចមើលបានដដែលសម្រាប់ទូរសព្ទម៉ូឌែល Iphone គ្រប់ប្រភេទ៕
Tag:
Apple
ហុងកុង
បាតុករ
ប៉ូលិស
© រក្សាសិទ្ធិដោយ thmeythmey.com
