FIFA
កីឡាអន្តរជាតិ
អន្តរជាតិ
ថៃ បង្កើតប្រវត្តិសាស្ត្រថ្មីក្រោយឈ្នះអេមីរ៉ាតអារ៉ាប់រួម ២-១ ឯបារ៉ែនផ្តល់ការខកចិត្តឲ្យអ៊ីរ៉ង់
×![]()
ដោយ: ទេព ពិទូរ្យ
ក្រុមកីឡាបាល់ទាត់ជម្រើសជាតិថៃបានបង្កើតប្រវត្តិសាស្ត្រថ្មីមួយទៀតតាមរយៈជ័យជម្នះ ២-១ លើជម្រើសជាតិអេមីរ៉ាតអារ៉ាប់រួម ដើម្បីឡើងឈរកំពូលតារាង ពូល G នាការប្រកួតវគ្គជម្រុះជុំទី២ នៃពានរង្វាន់ FIFA World Cup 2022 នៅថ្ងៃទី១៥ ខែតុលា។ បារ៉ែនក៏បានបង្កការភ្ញាក់ផ្អើលផងដែរ ក្រោយយកឈ្នះក្រុមខ្លាំងអ៊ីរ៉ង់ ១-០ ក្នុងវគ្គសន្សំពិន្ទុពូល C។
នាកីឡដ្ឋាន Thammasat ខ្សែប្រយុទ្ធឆ្នើម Teerasil Dangda បានតែតបញ្ចូលទីមួយគ្រាប់នៅនាទី២៦ ដើម្បីជួយថៃនាំមុខក្រុមភ្ញៀវអេមីរ៉ាតអារ៉ាប់រួម មុនពេលខ្សែប្រយុទ្ធ Ali Ahmed Mabkhout តាមស្មើវិញនៅចុងម៉ោងនៃវគ្គទី១។
ចូលដល់វគ្គទី២ ខណៈការប្រកួតដំណើរការបាន៦នាទី ខ្សែបម្រើវ័យក្មេង Ekanit Panya ជាអ្នកបញ្ចប់ទីគ្រាប់ទី២ឲ្យក្រុមម្ចាស់ផ្ទះ និងជាគ្រាប់បាល់ជ័យជម្នះសម្រាប់ក្រុមថៃលើអាមីរ៉ាតអារ៉ាប់រួមក្នុងលទ្ធផល ២-១។
លទ្ធផលនេះ បានជួយថៃដែលមានគ្រូជាជនជាតិជប៉ុនលោក Akira Nishino ឡើងទៅឈរកំពូលតារាងពូល G ក្រោយឆ្លងកាត់ការប្រកួត៣លើកមិនដែលចាញ់ មាន៧ពិន្ទុ តាមពីក្រោយដោយវៀតណាមដែលមាន៧ពិន្ទុដែរ តែស៊ីសងគ្រាប់បាល់ចាញ់ថៃ ខណៈអេមីរ៉ាតអារ៉ាប់រួមនៅលេខ៣ មាន៦ពិន្ទុ។ ម៉ាឡេស៊ីរកបាន៣ពិន្ទុ នៅលេខរៀងទី៤ ហើយឥណ្ឌូណេស៊ីនៅបាតតារាងមានសូន្យពិន្ទុ។
វៀតណាម បានបន្តឈ្នះម្ចាស់ផ្ទះឥណ្ឌូណេស៊ី ៣-១ ក្នុងជំនួបលើកទី៣របស់ពួកគេ។ ៣គ្រាប់របស់វៀតណាមធ្វើបានដោយ Duy Manh Do (២៦) Ngoc Hai Que (៥៥) និង Nguyen Tien Linh (៦១) ឯមួយគ្រាប់របស់ឥណ្ឌូណេស៊ីសម្រេចបានដោយ Irfan Bachdim នៅនាទី៨៤។
ដោយឡែកជំនួបគួរឲ្យភ្ញាក់ផ្អើលមួយទៀត គឺម្ចាស់ផ្ទះបារ៉ែនបានយកឈ្នះក្រុមលេខ១តំបន់អាស៊ី អ៊ីរ៉ង់ ១-០ ដើម្បីឡើងទៅឈរចំណាត់ថ្នាក់ទី២ ពូ C មាន៧ពិន្ទុ។ មុនចាញ់បារ៉ែននេះ អ៊ីរ៉ង់បានលត់កម្ពុជានៅចំពោះមុខស្ត្រីអ៊ីរ៉ង់រួចមកហើយរហូតដល់ទៅ ១៤-០ ឯណោះ ខណៈដែលបារ៉ែនស៊ីកម្ពុជាបានតែមួយគ្រាប់ប៉ុណ្ណោះកាលពីជំនួបទី២៕
សម្រាប់ជំនួបលើកទី៤ វគ្គសន្សំពិន្ទុនេះដែរ កម្ពុជាបានចាញ់អ៊ីរ៉ាក់ ៤-០ នៅកីឡដ្ឋានជាតិអូឡាំពិក។ បរាជ័យនេះបាននាំគោព្រៃនៅបាតតារាងពូល C មាន១ពិន្ទុ ស្មើគ្នាជាមួយហុងកុងដែលឈរលេខ៤ ខណៈដែលអ៊ីរ៉ាក់ឡើងទៅឈរកំពូលតារាងមាន៧ពិន្ទុ ស្មើបារ៉ែនតែលើសគ្រាប់បាល់ស៊ុតបញ្ចូលទី។ អ៊ីរ៉ង់ឈរលេខ៣ មាន៦ពិន្ទុ។
នាកីឡដ្ឋាន Thammasat ខ្សែប្រយុទ្ធឆ្នើម Teerasil Dangda បានតែតបញ្ចូលទីមួយគ្រាប់នៅនាទី២៦ ដើម្បីជួយថៃនាំមុខក្រុមភ្ញៀវអេមីរ៉ាតអារ៉ាប់រួម មុនពេលខ្សែប្រយុទ្ធ Ali Ahmed Mabkhout តាមស្មើវិញនៅចុងម៉ោងនៃវគ្គទី១។
ចូលដល់វគ្គទី២ ខណៈការប្រកួតដំណើរការបាន៦នាទី ខ្សែបម្រើវ័យក្មេង Ekanit Panya ជាអ្នកបញ្ចប់ទីគ្រាប់ទី២ឲ្យក្រុមម្ចាស់ផ្ទះ និងជាគ្រាប់បាល់ជ័យជម្នះសម្រាប់ក្រុមថៃលើអាមីរ៉ាតអារ៉ាប់រួមក្នុងលទ្ធផល ២-១។
លទ្ធផលនេះ បានជួយថៃដែលមានគ្រូជាជនជាតិជប៉ុនលោក Akira Nishino ឡើងទៅឈរកំពូលតារាងពូល G ក្រោយឆ្លងកាត់ការប្រកួត៣លើកមិនដែលចាញ់ មាន៧ពិន្ទុ តាមពីក្រោយដោយវៀតណាមដែលមាន៧ពិន្ទុដែរ តែស៊ីសងគ្រាប់បាល់ចាញ់ថៃ ខណៈអេមីរ៉ាតអារ៉ាប់រួមនៅលេខ៣ មាន៦ពិន្ទុ។ ម៉ាឡេស៊ីរកបាន៣ពិន្ទុ នៅលេខរៀងទី៤ ហើយឥណ្ឌូណេស៊ីនៅបាតតារាងមានសូន្យពិន្ទុ។
វៀតណាម បានបន្តឈ្នះម្ចាស់ផ្ទះឥណ្ឌូណេស៊ី ៣-១ ក្នុងជំនួបលើកទី៣របស់ពួកគេ។ ៣គ្រាប់របស់វៀតណាមធ្វើបានដោយ Duy Manh Do (២៦) Ngoc Hai Que (៥៥) និង Nguyen Tien Linh (៦១) ឯមួយគ្រាប់របស់ឥណ្ឌូណេស៊ីសម្រេចបានដោយ Irfan Bachdim នៅនាទី៨៤។
ដោយឡែកជំនួបគួរឲ្យភ្ញាក់ផ្អើលមួយទៀត គឺម្ចាស់ផ្ទះបារ៉ែនបានយកឈ្នះក្រុមលេខ១តំបន់អាស៊ី អ៊ីរ៉ង់ ១-០ ដើម្បីឡើងទៅឈរចំណាត់ថ្នាក់ទី២ ពូ C មាន៧ពិន្ទុ។ មុនចាញ់បារ៉ែននេះ អ៊ីរ៉ង់បានលត់កម្ពុជានៅចំពោះមុខស្ត្រីអ៊ីរ៉ង់រួចមកហើយរហូតដល់ទៅ ១៤-០ ឯណោះ ខណៈដែលបារ៉ែនស៊ីកម្ពុជាបានតែមួយគ្រាប់ប៉ុណ្ណោះកាលពីជំនួបទី២៕
សម្រាប់ជំនួបលើកទី៤ វគ្គសន្សំពិន្ទុនេះដែរ កម្ពុជាបានចាញ់អ៊ីរ៉ាក់ ៤-០ នៅកីឡដ្ឋានជាតិអូឡាំពិក។ បរាជ័យនេះបាននាំគោព្រៃនៅបាតតារាងពូល C មាន១ពិន្ទុ ស្មើគ្នាជាមួយហុងកុងដែលឈរលេខ៤ ខណៈដែលអ៊ីរ៉ាក់ឡើងទៅឈរកំពូលតារាងមាន៧ពិន្ទុ ស្មើបារ៉ែនតែលើសគ្រាប់បាល់ស៊ុតបញ្ចូលទី។ អ៊ីរ៉ង់ឈរលេខ៣ មាន៦ពិន្ទុ។
Tag:
World Cup
ជម្រើសជាតិ
ថៃ
© រក្សាសិទ្ធិដោយ thmeythmey.com
