អន្តរជាតិ
រូបភាព Antara
×![]()
ដោយ៖ ឈួន ឈីវអ៊ីង
ជាថ្មីម្តងទៀតឥណ្ឌូណេស៊ី ព្រមានប្រជាពលរដ្ឋឲ្យមានការប្រុងប្រយ័ត្នអំពីផ្សែងដែលបណ្តាលមកពីភ្លើងឆេះព្រៃនៅថ្ងៃទី១៥ តុលា ។ បញ្ហាច្រំដែលនេះ បណ្តាលឲ្យខេត្តមួយចំនួនត្រូវបិទសាលារៀនដោយសារគុណភាពខ្យល់កាន់តែអាក្រក់ឡើង។
នៅឥណ្ឌូណេស៊ី បាតុភូតអាកាសធាតុ El Nino បង្កឲ្យមានភ្លើងឆេះព្រៃនៅរដូវប្រាំងក្នុងឆ្នាំ២០១៩ ដែលជារឿយៗគឺមកពីការកាប់ឆ្ការ និងដុតសម្អាតព្រៃយកដីធ្វើកសិកម្ម រួមនិងការដាំដំណាំផ្សេងៗផងដែរ។
តំបន់ដែលមានភ្លើងឆេះខ្លាំងនៅលើកោះស៊ូម៉ាត្រា និងកោះប័រណេអូ នៅតែបន្តកើនឡើងបើទោះបីជាមានភ្លៀងធ្លាក់កាលពីសប្តាហ៍មុនក្តី។ ភ្នាក់ងារអាកាសធាតុរបស់ឥណ្ឌូណេស៊ីបានព្រមានប្រជាពលរដ្ឋគួរតែប្រុងប្រយ័ត្នចំពោះផ្សែងអ័ព្ទ។
សាលារៀនមួយចំនួនដែលបានបើកដំណើរការឡើងវិញ បន្ទាប់ពីមានខ្យល់អាកាសល្អប្រសើរហើយនោះ ត្រូវបិទវិញនៅក្នុងសប្តាហ៍នេះ។ ខេត្ត Palembang នៃកោះស៊ូម៉ាត្រាខាងត្បូង បានបិទទ្វារសាលារៀនចាប់ពីថ្ងៃទី១៤ ខែតុលាមក និងអាចយូរជាងនេះ ប្រសិនបើមិនមានលក្ខខណ្ឌល្អប្រសើរឡើងវិញទេនោះ។ នេះបើតាមទីភ្នាក់ងារព័ត៌មានរដ្ឋ Antara ។
ប្រជាពលរដ្ឋទាំងអស់ត្រូវបានណែនាំឲ្យពាក់ម៉ាស់នៅពេលចេញទៅក្រៅផ្ទះ។ បើតាមរូបភាពពីលើអាកាសដែលផ្សាយដោយកាសែត The Jakarta Post ខេត្ត Palembang ស្ថិតនៅក្នុងផ្សែងអ័ព្ទពណ៌លឿងយ៉ាងក្រាស់។
លើសពីនេះទីក្រុងចាំប៊ី នៃកោះស៊ូម៉ាត្រានេះដូចគ្នា ក៏បានបិទសាលាមត្តេយ្យសិក្សាបីថ្ងៃដែរ។ គុណភាពខ្យល់នៅទីក្រុងចាំប៊ី ត្រូវបានចាត់ទុកថាគ្មានផាសុខភាព និងប្រកបដោយគ្រោះថ្នាក់ចំពោះសុខភាព។ នេះបើតាមទិន្នន័យរបស់ប្រព័ន្ធឧបករណ៍ត្រួតពិនិត្យគុណភាពខ្យល់។
អ្នកនាំពាក្យរដ្ឋាភិបាលប្រចាំទីក្រុងចាំប៊ី បានលើកឡើងថា ដើម្បីជាវិធានការការពារប្រឆាំងនឹងផ្សែងអ័ព្ទ សិស្សានុសិស្ស លោកគ្រូអ្នកគ្រូ ក៏ដូចជាបុគ្គលិកទាំងអស់ ត្រូវបានជំរុញឲ្យពាក់ម៉ាស់ខណៈពេលនៅសាលា និងតាមផ្លូវទៅមកសាលារៀនផងដែរ។
អស់រយៈពេលជាច្រើនខែមកហើយ ប្រទេសឥណ្ឌូណេស៊ីបានពង្រាយបុគ្គលិករាប់ពាន់នាក់ដើម្បីប្រយុទ្ធប្រឆាំងនឹងអគ្គិភ័យនេះដោយប្រើប្រាស់យន្ដហោះរាប់សិបគ្រឿងដើម្បីទម្លាក់ទឹក និងការព្យាយាមបង្កើតពពកដើម្បីបង្កជាភ្លៀង។ ទីភ្នាក់ងារគ្រោះមហន្តរាយរបស់ឥណ្ឌូនេស៊ីកាលពីខែមុនបាននិយាយថា ខ្លួនរំពឹងថាការមកដល់នៃរដូវវស្សាដែលនឹងមកដល់នៅពេលនេះនឹងបញ្ចប់អគ្គិភ័យដែលបានធ្វើឱ្យប៉ះពាល់ដល់ព្រៃឈើជាង ៣២ម៉ឺនហិកតា៕
ជាថ្មីម្តងទៀតឥណ្ឌូណេស៊ី ព្រមានប្រជាពលរដ្ឋឲ្យមានការប្រុងប្រយ័ត្នអំពីផ្សែងដែលបណ្តាលមកពីភ្លើងឆេះព្រៃនៅថ្ងៃទី១៥ តុលា ។ បញ្ហាច្រំដែលនេះ បណ្តាលឲ្យខេត្តមួយចំនួនត្រូវបិទសាលារៀនដោយសារគុណភាពខ្យល់កាន់តែអាក្រក់ឡើង។
នៅឥណ្ឌូណេស៊ី បាតុភូតអាកាសធាតុ El Nino បង្កឲ្យមានភ្លើងឆេះព្រៃនៅរដូវប្រាំងក្នុងឆ្នាំ២០១៩ ដែលជារឿយៗគឺមកពីការកាប់ឆ្ការ និងដុតសម្អាតព្រៃយកដីធ្វើកសិកម្ម រួមនិងការដាំដំណាំផ្សេងៗផងដែរ។
តំបន់ដែលមានភ្លើងឆេះខ្លាំងនៅលើកោះស៊ូម៉ាត្រា និងកោះប័រណេអូ នៅតែបន្តកើនឡើងបើទោះបីជាមានភ្លៀងធ្លាក់កាលពីសប្តាហ៍មុនក្តី។ ភ្នាក់ងារអាកាសធាតុរបស់ឥណ្ឌូណេស៊ីបានព្រមានប្រជាពលរដ្ឋគួរតែប្រុងប្រយ័ត្នចំពោះផ្សែងអ័ព្ទ។
សាលារៀនមួយចំនួនដែលបានបើកដំណើរការឡើងវិញ បន្ទាប់ពីមានខ្យល់អាកាសល្អប្រសើរហើយនោះ ត្រូវបិទវិញនៅក្នុងសប្តាហ៍នេះ។ ខេត្ត Palembang នៃកោះស៊ូម៉ាត្រាខាងត្បូង បានបិទទ្វារសាលារៀនចាប់ពីថ្ងៃទី១៤ ខែតុលាមក និងអាចយូរជាងនេះ ប្រសិនបើមិនមានលក្ខខណ្ឌល្អប្រសើរឡើងវិញទេនោះ។ នេះបើតាមទីភ្នាក់ងារព័ត៌មានរដ្ឋ Antara ។
ប្រជាពលរដ្ឋទាំងអស់ត្រូវបានណែនាំឲ្យពាក់ម៉ាស់នៅពេលចេញទៅក្រៅផ្ទះ។ បើតាមរូបភាពពីលើអាកាសដែលផ្សាយដោយកាសែត The Jakarta Post ខេត្ត Palembang ស្ថិតនៅក្នុងផ្សែងអ័ព្ទពណ៌លឿងយ៉ាងក្រាស់។
លើសពីនេះទីក្រុងចាំប៊ី នៃកោះស៊ូម៉ាត្រានេះដូចគ្នា ក៏បានបិទសាលាមត្តេយ្យសិក្សាបីថ្ងៃដែរ។ គុណភាពខ្យល់នៅទីក្រុងចាំប៊ី ត្រូវបានចាត់ទុកថាគ្មានផាសុខភាព និងប្រកបដោយគ្រោះថ្នាក់ចំពោះសុខភាព។ នេះបើតាមទិន្នន័យរបស់ប្រព័ន្ធឧបករណ៍ត្រួតពិនិត្យគុណភាពខ្យល់។
អ្នកនាំពាក្យរដ្ឋាភិបាលប្រចាំទីក្រុងចាំប៊ី បានលើកឡើងថា ដើម្បីជាវិធានការការពារប្រឆាំងនឹងផ្សែងអ័ព្ទ សិស្សានុសិស្ស លោកគ្រូអ្នកគ្រូ ក៏ដូចជាបុគ្គលិកទាំងអស់ ត្រូវបានជំរុញឲ្យពាក់ម៉ាស់ខណៈពេលនៅសាលា និងតាមផ្លូវទៅមកសាលារៀនផងដែរ។
អស់រយៈពេលជាច្រើនខែមកហើយ ប្រទេសឥណ្ឌូណេស៊ីបានពង្រាយបុគ្គលិករាប់ពាន់នាក់ដើម្បីប្រយុទ្ធប្រឆាំងនឹងអគ្គិភ័យនេះដោយប្រើប្រាស់យន្ដហោះរាប់សិបគ្រឿងដើម្បីទម្លាក់ទឹក និងការព្យាយាមបង្កើតពពកដើម្បីបង្កជាភ្លៀង។ ទីភ្នាក់ងារគ្រោះមហន្តរាយរបស់ឥណ្ឌូនេស៊ីកាលពីខែមុនបាននិយាយថា ខ្លួនរំពឹងថាការមកដល់នៃរដូវវស្សាដែលនឹងមកដល់នៅពេលនេះនឹងបញ្ចប់អគ្គិភ័យដែលបានធ្វើឱ្យប៉ះពាល់ដល់ព្រៃឈើជាង ៣២ម៉ឺនហិកតា៕
© រក្សាសិទ្ធិដោយ thmeythmey.com
