កីឡាអន្តរជាតិ
អន្តរជាតិ
×![]()
ដោយ: ទេព ពិទូរ្យ
Tottenham Hotspur ត្រូវបានរាយការណ៍ថា បានទាក់ទងទៅលោក Jose Mourinho ដើម្បីសួរនាំពីលទ្ធភាពក្នុងការស្នងតំណែងអ្នកចាត់ការទូទៅបច្ចុប្បន្នលោក Mauricio Pochettino។ Manchester United ដែលយ៉ាប់យ៉ឺនខ្លាំងរដូវកាលនេះ ក៏មានបំណងចង់ប្តូរគ្រូចេញផងដែរ ដោយលោក Massimiliano Allegri មានភាគរយខ្ពស់ជាងគេ។
ឆ្លងកាត់ការប្រកួត៨លើកក្នុងក្របខណ្ឌ Premier League ក្រុមរហស្សនាមមាន់ខ្នាយមាសរកបានតែ១១ពិន្ទុប៉ុណ្ណោះ ឈរនៅចំណាត់ថ្នាក់ទី៩ ក្នុងនោះចាញ់៣ ឈ្នះ៣ និងស្មើ២លើក។ មិនត្រឹមតែធ្វើមិនបានល្អក្នុងលីគនោះទេ Spurs ថែមទាំងទទួលបានកំណត់ត្រាអាក្រក់មិនធ្លាប់មានផងដែរ ក្រោយចាញ់ក្រុមភ្ញៀវ Bayern Munich ដល់ទៅ ៧-២ នាការប្រកួតវគ្គសន្សំពិន្ទុតាមពូល ពានរង្វាន់ Champions League។
ស្របពេល Spurs ធ្លាក់ទម្រង់លេងគួរឲ្យកត់សម្គាល់បែបនេះ ហើយលោក Mauricio Pochettino ក៏បានបង្ហាញការមិនសប្បាយចិត្តនៅក្នុងបន្ទប់ផ្លាស់សម្លៀកបំពាក់របស់កីឡាករកន្លងមកផងនោះ បានធ្វើឲ្យក្លិបនិងអ្នកចាត់ការរូបនេះស្ថិតក្នុងជំហរមួយផ្សេងគ្នា។
លោក Mourinho ដែលអត់ការងារធ្វើចាប់តាំងពីលោកត្រូវ Man Utd បញ្ចប់តំណែងកាលពីខែធ្នូ ឆ្នាំមុន ត្រូវបានគេជឿជាក់ថានឹងអាចមកជំនួសតំណែងលោក Pochettino វិញ។ ក្រុមរងជើងឯកក្របខណ្ឌអឺរុបរដូវកាលមុនមួយនេះ បានទាក់ទងទៅអតីតអ្នកចាត់ការ Chelsea ចំពេលដែលអ្នកចាត់ការសញ្ជាតិអាហ្សង់ទីន កំពុងមានភាពស្រពេចស្រពិល ចំពោះតំណែងអ្នកចាត់ការទូទៅរបស់លោកដូចគ្នា។
យ៉ាងណាក៏ដោយ មិនទាន់មានព័ត៌មានច្បាស់ការណាមួយថាលោក Pochettino ត្រូវប្រឈមនឹងការបញ្ចប់តំណែងពីសំណាក់ Spurs ឡើយ ខណៈដែលលោក Mourinho ក៏មិនទាន់បង្ហាញការអារម្មណ៍សម្រាប់តំណែងនេះដូចគ្នា។
ដោយឡែកក្រុមបិសាចក្រហមបច្ចុប្បន្នក៏មានស្ថានភាពមិនខុសពី Spurs ដែរ។ ក្រោមការដឹកនាំរបស់លោក Ole Gunnar Solskjaer ម្ចាស់ជើងឯកលីគកំពូលអង់គ្លេស២០សម័យ យ៉ាប់ជាង Spurs ទៅទៀតដោយរកបានតែ៩ពិន្ទុប៉ុណ្ណោះ ក្នុងការបង្ហាញខ្លួន៨លើកចុងក្រោយរដូវកាលនេះ ឈរនៅលេខរៀងទី១២។
តាមរយៈការចាប់ផ្តើមរដូវកាលដ៏អាក្រក់នេះហើយ ជាហេតុធ្វើឲ្យ Man Utd ត្រូវសម្លឹងមើលអ្នកថ្មី ដើម្បីស្តាស្ថានការក្រុមឡើងវិញ។ បើយោងតាមការចុះផ្សាយរបស់សារព័ត៌មានអង់គ្លេសជាច្រើនអះអាងថាអតីតគ្រូ Juventus លោក Massimiliano Allegri ជិតឈានដល់កិច្ចព្រមព្រៀងក្នុងការជំនួសកៅអីលោក Solskjaer ហើយ។
DailyMail ដែលស្រង់ព័ត៌មានរបស់ Tuttosport អ្នកចាត់ការសញ្ជាតិអ៊ីតាលី វ័យ៥២ឆ្នាំដែលកំពុងទំនេរពីការងារដែរនោះ នឹងទទួលបានថ្លៃពលកម្មចំនួន ៨,២៨លានដុល្លារអាមេរិកក្នុងមួយឆ្នាំ ក្នុងនាមជាអ្នកចាត់ការរបស់ Man Utd នេះ៕
ឆ្លងកាត់ការប្រកួត៨លើកក្នុងក្របខណ្ឌ Premier League ក្រុមរហស្សនាមមាន់ខ្នាយមាសរកបានតែ១១ពិន្ទុប៉ុណ្ណោះ ឈរនៅចំណាត់ថ្នាក់ទី៩ ក្នុងនោះចាញ់៣ ឈ្នះ៣ និងស្មើ២លើក។ មិនត្រឹមតែធ្វើមិនបានល្អក្នុងលីគនោះទេ Spurs ថែមទាំងទទួលបានកំណត់ត្រាអាក្រក់មិនធ្លាប់មានផងដែរ ក្រោយចាញ់ក្រុមភ្ញៀវ Bayern Munich ដល់ទៅ ៧-២ នាការប្រកួតវគ្គសន្សំពិន្ទុតាមពូល ពានរង្វាន់ Champions League។
ស្របពេល Spurs ធ្លាក់ទម្រង់លេងគួរឲ្យកត់សម្គាល់បែបនេះ ហើយលោក Mauricio Pochettino ក៏បានបង្ហាញការមិនសប្បាយចិត្តនៅក្នុងបន្ទប់ផ្លាស់សម្លៀកបំពាក់របស់កីឡាករកន្លងមកផងនោះ បានធ្វើឲ្យក្លិបនិងអ្នកចាត់ការរូបនេះស្ថិតក្នុងជំហរមួយផ្សេងគ្នា។
លោក Mourinho ដែលអត់ការងារធ្វើចាប់តាំងពីលោកត្រូវ Man Utd បញ្ចប់តំណែងកាលពីខែធ្នូ ឆ្នាំមុន ត្រូវបានគេជឿជាក់ថានឹងអាចមកជំនួសតំណែងលោក Pochettino វិញ។ ក្រុមរងជើងឯកក្របខណ្ឌអឺរុបរដូវកាលមុនមួយនេះ បានទាក់ទងទៅអតីតអ្នកចាត់ការ Chelsea ចំពេលដែលអ្នកចាត់ការសញ្ជាតិអាហ្សង់ទីន កំពុងមានភាពស្រពេចស្រពិល ចំពោះតំណែងអ្នកចាត់ការទូទៅរបស់លោកដូចគ្នា។
យ៉ាងណាក៏ដោយ មិនទាន់មានព័ត៌មានច្បាស់ការណាមួយថាលោក Pochettino ត្រូវប្រឈមនឹងការបញ្ចប់តំណែងពីសំណាក់ Spurs ឡើយ ខណៈដែលលោក Mourinho ក៏មិនទាន់បង្ហាញការអារម្មណ៍សម្រាប់តំណែងនេះដូចគ្នា។
ដោយឡែកក្រុមបិសាចក្រហមបច្ចុប្បន្នក៏មានស្ថានភាពមិនខុសពី Spurs ដែរ។ ក្រោមការដឹកនាំរបស់លោក Ole Gunnar Solskjaer ម្ចាស់ជើងឯកលីគកំពូលអង់គ្លេស២០សម័យ យ៉ាប់ជាង Spurs ទៅទៀតដោយរកបានតែ៩ពិន្ទុប៉ុណ្ណោះ ក្នុងការបង្ហាញខ្លួន៨លើកចុងក្រោយរដូវកាលនេះ ឈរនៅលេខរៀងទី១២។
តាមរយៈការចាប់ផ្តើមរដូវកាលដ៏អាក្រក់នេះហើយ ជាហេតុធ្វើឲ្យ Man Utd ត្រូវសម្លឹងមើលអ្នកថ្មី ដើម្បីស្តាស្ថានការក្រុមឡើងវិញ។ បើយោងតាមការចុះផ្សាយរបស់សារព័ត៌មានអង់គ្លេសជាច្រើនអះអាងថាអតីតគ្រូ Juventus លោក Massimiliano Allegri ជិតឈានដល់កិច្ចព្រមព្រៀងក្នុងការជំនួសកៅអីលោក Solskjaer ហើយ។
DailyMail ដែលស្រង់ព័ត៌មានរបស់ Tuttosport អ្នកចាត់ការសញ្ជាតិអ៊ីតាលី វ័យ៥២ឆ្នាំដែលកំពុងទំនេរពីការងារដែរនោះ នឹងទទួលបានថ្លៃពលកម្មចំនួន ៨,២៨លានដុល្លារអាមេរិកក្នុងមួយឆ្នាំ ក្នុងនាមជាអ្នកចាត់ការរបស់ Man Utd នេះ៕
Tag:
Tottenham Hotspur
Manchester United
Jose Mourinho
© រក្សាសិទ្ធិដោយ thmeythmey.com
