អន្តរជាតិ
ទោះសភាឲ្យពន្យារពេល, រដ្ឋាភិបាលអង់គ្លេសនៅតែរំពឺងការចាកចេញពីអឺរ៉ុបតាមគម្រោង
×![]()
ដោយ: តន ចាន់រិទ្ធារ៉ា
សភាអង់គ្លេស កាលពីថ្ងៃទី១៩ ខែតុលា បានអនុម័តសំណើមួយដែលពន្យារពេលអនុម័តកិច្ចព្រមព្រៀងចាកចេញរវាងរដ្ឋាភិបាលនាយករដ្ឋមន្ត្រី បូរីស ចនសុន និងសហភាពអឺរ៉ុប។ សភាអង់គ្លេស ក៏ទាមទារឲ្យលោក ចនសុន ស្នើទៅអឺរ៉ុបឲ្យពន្យារពេលចាកចេញដែលគ្រោងនឹងកើតឡើងនៅថ្ងៃទី៣១ ខែតុលា។ ដោយគ្មានជម្រើស លោក ចនសុន ក៏សរសេរសំបុត្រទៅអឺរ៉ុបដើម្បីស្នើពន្យារពេលចាកចេញ តែមិនបានចុះហត្ថលេខាឡើយ។ 
នាយករដ្ឋមន្ត្រីចក្រភពអង់គ្លេស បូរីស ចនសុន បានរងបរាជ័យជាថ្មីនៅឯសភា បន្ទាប់ពីសមាជិកសភានៅថ្ងៃទី១៩ ខែតុលា បោះឆ្នោតលើសំណើមួយដែលបានពន្យារពេលការបោះឆ្នោតយល់ព្រមលើកិច្ចព្រមចាកចេញរបស់អង់គ្លេសពីសហភាពអឺរ៉ុប (Brexit) ។ កិច្ចព្រមព្រៀងនេះ ជាលទ្ធផលនៃការចរចារវាងរដ្ឋាភិបាលោក ចនសុន និងសហភាពអឺរ៉ុប ហើយដែលមេដឹកនាំរដ្ឋសមាជិកអឺរ៉ុបបានផ្ដល់ភ្លើងបៃតងកាលពីថ្ងៃទី១៧ ខែតុលា។
តាមច្បាប់ដែលសភាទើបអនុម័តនាពេលថ្មីនេះ លោក ចនសុន ត្រូវស្នើសហភាអឺរ៉ុបលើកពេលចាកចេញថ្ងៃទី៣១ ខែតុលា ទៅកាន់កាលបរិច្ឆេទថ្មីដែលអាចជាថ្ងៃទី៣១ ខែមករា ឆ្នាំ២០២០ ។ ដោយមិនអាចជំទាស់នឹងច្បាប់បាន លោក ចនសុន ក៏ផ្ញើសំបុត្រមួយច្បាប់ទៅកាន់ប្រធានក្រុមប្រឹក្សាអឺរ៉ុបដើម្បីស្នើពន្យារពេលចាកចេញ តែលោកបានមិនបានចុះហត្ថលេខាឡើយ ដើម្បីបង្ហាញឆន្ទៈមិនយល់ព្រមរបស់ខ្លួន។ នេះក៏ព្រោះតែលោកចង់អូសអង់គ្លេសចេញនៅថ្ងៃទី៣១ ខែតុលា។
អមសំបុត្រសុំពន្យារពេលដែលមិនមានចុះហត្ថលេខា លោក ចនសុន ក៏ផ្ញើសំបុត្រពីរច្បាប់ទៀតឲ្យលោក ដូណាល់ ទូស ។ សំបុត្រមួយ គឺនាយករដ្ឋមន្ត្រីអង់គ្លេសពន្យល់ប្រធានក្រុមប្រឹក្សាអឺរ៉ុបថា រដ្ឋាភិបាលគ្រាន់តែអនុវត្តតាមច្បាប់ប៉ុណ្ណោះ ហើយក្នុងសំបុត្រមួយទៀត លោក ចនសុន ប្រាប់មេដឹកនាំសហភាពអឺរ៉ុបថា លោកមិនបានចង់បានការពន្យារពេលចាកចេញឡើយ។ លោកបញ្ជាក់ច្បាស់ៗថា ការពន្យារពេលណាមួយ នឹងបំផ្លាញផលប្រយោជន៍អង់គ្លេស និងអឺរ៉ុប។
នៅថ្ងៃទី២០ ខែតុលា មន្ត្រីជាន់ខ្ពស់រដ្ឋាភិបាលក្រុងឡុងដ៏អះអាងថា អង់គ្លេសនៅតែអាចចាកចេញនៅថ្ងៃទី៣១ ខែតុលាដដែល។ លោក Michael Gove រដ្ឋមន្ត្រីទទួលបន្ទុករៀបចំផែនការត្រៀមការចាកចេញដោយគ្មានកិច្ចព្រមព្រៀង ប្រាប់ទូរទស្សន៍ Sky News ថា រដ្ឋាភិបាលមានមធ្យោបាយ និងសមត្ថភាពដើម្បីការចាកចេញនៅថ្ងៃទី៣១ ខែតុលា។ និយាយពីសំបុត្រទៅកាន់អឺរ៉ុបវិញ លោក Gove ការផ្ញើនេះ ធ្វើឡើងដោយសារសភាតម្រូវប៉ុណ្ណោះ។
នៅឯទីស្នាក់ការសហភាពអឺរ៉ុបវិញ លោក ទូស អះអាងថា លោកបានទទួលសំបុត្ររបស់លោក ចនសុន រួចហើយ ហើយនឹងជជែកជាមួយមេដឹកនាំរដ្ឋសមាជិកអឺរ៉ុបឯទៀតពីវិធានការបន្ទាប់។ សម្រាប់បញ្ហាចំពោះមុខ មេដឹកនាំអឺរ៉ុបទំនងមិនបដិសេធសំណើទាំងមិនចង់របស់លោក ចនសុន ឡើយ ព្រោះហានិភ័យនៃការចាកចេញរបស់អង់គ្លេសទាំងគ្មានកិច្ចព្រមព្រៀង មានភាគរយខ្ពស់ដែលអាចនាំឲ្យទំនាក់ទំនងទ្វេភាគីជួបបញ្ហាធំ៕
នាយករដ្ឋមន្ត្រីចក្រភពអង់គ្លេស បូរីស ចនសុន បានរងបរាជ័យជាថ្មីនៅឯសភា បន្ទាប់ពីសមាជិកសភានៅថ្ងៃទី១៩ ខែតុលា បោះឆ្នោតលើសំណើមួយដែលបានពន្យារពេលការបោះឆ្នោតយល់ព្រមលើកិច្ចព្រមចាកចេញរបស់អង់គ្លេសពីសហភាពអឺរ៉ុប (Brexit) ។ កិច្ចព្រមព្រៀងនេះ ជាលទ្ធផលនៃការចរចារវាងរដ្ឋាភិបាលោក ចនសុន និងសហភាពអឺរ៉ុប ហើយដែលមេដឹកនាំរដ្ឋសមាជិកអឺរ៉ុបបានផ្ដល់ភ្លើងបៃតងកាលពីថ្ងៃទី១៧ ខែតុលា។
តាមច្បាប់ដែលសភាទើបអនុម័តនាពេលថ្មីនេះ លោក ចនសុន ត្រូវស្នើសហភាអឺរ៉ុបលើកពេលចាកចេញថ្ងៃទី៣១ ខែតុលា ទៅកាន់កាលបរិច្ឆេទថ្មីដែលអាចជាថ្ងៃទី៣១ ខែមករា ឆ្នាំ២០២០ ។ ដោយមិនអាចជំទាស់នឹងច្បាប់បាន លោក ចនសុន ក៏ផ្ញើសំបុត្រមួយច្បាប់ទៅកាន់ប្រធានក្រុមប្រឹក្សាអឺរ៉ុបដើម្បីស្នើពន្យារពេលចាកចេញ តែលោកបានមិនបានចុះហត្ថលេខាឡើយ ដើម្បីបង្ហាញឆន្ទៈមិនយល់ព្រមរបស់ខ្លួន។ នេះក៏ព្រោះតែលោកចង់អូសអង់គ្លេសចេញនៅថ្ងៃទី៣១ ខែតុលា។
អមសំបុត្រសុំពន្យារពេលដែលមិនមានចុះហត្ថលេខា លោក ចនសុន ក៏ផ្ញើសំបុត្រពីរច្បាប់ទៀតឲ្យលោក ដូណាល់ ទូស ។ សំបុត្រមួយ គឺនាយករដ្ឋមន្ត្រីអង់គ្លេសពន្យល់ប្រធានក្រុមប្រឹក្សាអឺរ៉ុបថា រដ្ឋាភិបាលគ្រាន់តែអនុវត្តតាមច្បាប់ប៉ុណ្ណោះ ហើយក្នុងសំបុត្រមួយទៀត លោក ចនសុន ប្រាប់មេដឹកនាំសហភាពអឺរ៉ុបថា លោកមិនបានចង់បានការពន្យារពេលចាកចេញឡើយ។ លោកបញ្ជាក់ច្បាស់ៗថា ការពន្យារពេលណាមួយ នឹងបំផ្លាញផលប្រយោជន៍អង់គ្លេស និងអឺរ៉ុប។
នៅថ្ងៃទី២០ ខែតុលា មន្ត្រីជាន់ខ្ពស់រដ្ឋាភិបាលក្រុងឡុងដ៏អះអាងថា អង់គ្លេសនៅតែអាចចាកចេញនៅថ្ងៃទី៣១ ខែតុលាដដែល។ លោក Michael Gove រដ្ឋមន្ត្រីទទួលបន្ទុករៀបចំផែនការត្រៀមការចាកចេញដោយគ្មានកិច្ចព្រមព្រៀង ប្រាប់ទូរទស្សន៍ Sky News ថា រដ្ឋាភិបាលមានមធ្យោបាយ និងសមត្ថភាពដើម្បីការចាកចេញនៅថ្ងៃទី៣១ ខែតុលា។ និយាយពីសំបុត្រទៅកាន់អឺរ៉ុបវិញ លោក Gove ការផ្ញើនេះ ធ្វើឡើងដោយសារសភាតម្រូវប៉ុណ្ណោះ។
នៅឯទីស្នាក់ការសហភាពអឺរ៉ុបវិញ លោក ទូស អះអាងថា លោកបានទទួលសំបុត្ររបស់លោក ចនសុន រួចហើយ ហើយនឹងជជែកជាមួយមេដឹកនាំរដ្ឋសមាជិកអឺរ៉ុបឯទៀតពីវិធានការបន្ទាប់។ សម្រាប់បញ្ហាចំពោះមុខ មេដឹកនាំអឺរ៉ុបទំនងមិនបដិសេធសំណើទាំងមិនចង់របស់លោក ចនសុន ឡើយ ព្រោះហានិភ័យនៃការចាកចេញរបស់អង់គ្លេសទាំងគ្មានកិច្ចព្រមព្រៀង មានភាគរយខ្ពស់ដែលអាចនាំឲ្យទំនាក់ទំនងទ្វេភាគីជួបបញ្ហាធំ៕
Tag:
Brexit
អង់គ្លេស
បូរីស ចនសុន
© រក្សាសិទ្ធិដោយ thmeythmey.com
