ជាតិ
អាជ្ញាធរភ្នំពេញប្រគល់ម៉ូតូកង់បី ដល់ខណ្ឌចំនួន៤ សម្រាប់ប្រមូលសំរាមអំឡុងបុណ្យអុំទូក រូបភាពពីរដ្ឋបាលរាជធានីភ្នំពេញ
× លោក ឃួង ស្រេង អភិបាលរាជធានីភ្នំពេញ បានប្រគល់ម៉ូតូកង់បីឲ្យរដ្ឋបាលខណ្ឌនីមួយៗ សម្រាប់ប្រមូលដឹកជញ្ជូនសំរាមអំឡុងពេលពិធីបុណ្យអុំទូក បណ្ដែតប្រទីប និងអកអំបុក សំពះព្រះខែ។ នេះបើតាមហ្វេសប៊ុករបស់រដ្ឋបាលរាជធានីភ្នំពេញ ថ្ងៃទី៤ វិច្ឆិកា ឆ្នាំ២០១៩។
បើតាមរដ្ឋបាលរាជធានីភ្នំពេញ ខណ្ឌចំនួន៤ ដែលទទួលបានម៉ូតូកង់បី មានខណ្ឌជ្រោយចង្វារ ខណ្ឌដូនពេញ ខណ្ឌចំការមន និងខណ្ឌបឹងកេងកង ដោយសង្កាត់នីមួយៗទទួលបានមួយគ្រឿង។ ចំណែកឯ បណ្ដាខណ្ឌផ្សេងទៀតនឹងទទួលបាននាពេលក្រោយ។
សូមបញ្ជាក់ថា សម្ដេច ហ៊ុន សែន ប្រមុខរដ្ឋាភិបាល បានប្រកាសយកក្រុមហ៊ុនស៊ិនទ្រី ទៅគ្រប់គ្រងបណ្តោះអាសន្ន ហើយនឹងមានការបែងចែកតំបន់ប្រមូលសំរាម ដោយអនុញ្ញាតឲ្យក្រុមហ៊ុនច្រើនប្រជែងដេញថ្លៃផង។
© រក្សាសិទ្ធិដោយ thmeythmey.com