អត្ថបទពាណិជ្ជកម្ម
មកលេងអុំទូកនៅសៀមរាបកុំភ្លេចមកបាញ់ធ្នូនិងភ្លក់អាហារដែលរៀបចំបែបបុរាណនៅបន្ទាយជ័យ៨០២
× សៀមរាប៖ មកលេងពិធីបុណ្យអុំទូក បណ្ដែតប្រទីប សំពះព្រះខែ និងអកអំបុក កុំភ្លេចមកលេងបន្ទាយជ័យ៨០២ នៅលើទឹកដីអតីតរាជធានីដ៏រុងរឿងរបស់ខ្មែរ។ បន្ទាយជ័យ៨០២ ប្រមូលផ្តុំនូវទីតាំងសំខាន់ៗរួមមាន ក្លឹកីឡាបាញ់ធ្នូភូមិន្ទកម្ពុជា, អាហារដ្ឋានដែលរៀបចំបែបបុរាណ និងតង់ស្នាក់នៅដែលមានផាសុកភាព។
អ្នកគ្រប់គ្រងបន្ទាយជ័យ៨០២ លោក ទិល ចាន់លីន បានឱ្យដឹងថា នាអំឡុងពិធីបុណ្យអុំទូកនេះ បន្ទាយជ័យ៨០២មានរៀបចំជាកន្លែងបាញ់ធ្នូ ការបោះតង់ និងរៀបចំអាហារឆ្ងាញ់ៗដើម្បីស្វាគមន៍ភ្ញៀវទេសចរជាតិ-អន្ដរជាតិ។ សម្រាប់តង់នៅបន្ទាយជ័យ៨០២ មានពីរប្រភេទដែលភ្ញៀវអាចជ្រើសរើសបាន ក្នុងនោះមានប្រភេទតង់បុរាណដែលឱ្យឈ្មោះថា«ផ្ទះមេទ័ព» អាចស្នាក់នៅបានពី៣ទៅ៤នាក់ និងមួយទៀតជាប្រភេទតង់ទំនើបលើទំហំធំទូលាយ ដែលអាចបោះតង់បានជាង២០០។
ក្រៅពីស្នាក់នៅក្នុងទីតាំងដែលមានផាសុកភាព ទេសភាពស្រស់ស្អាត ខ្យល់អាកាសបរិសុទ្ធហ៊ុំព័ទ្ធដោយទេសភាពវាលស្រែខៀវស្រងាត់ បន្ទាយជ័យ៨០២ក៏មានសេវាកីឡាបាញ់ធ្នូ សេវាកម្មម្ហូបអាហារ និងការកម្សាន្តពិសារសាច់អាំងពេលរាត្រីដ៏សប្បាយរីករាយផងដែរ។
តាមការបញ្ជាក់ពីលោក ចាន់លីន គោលបំណងដែលធ្វើឱ្យក្រុមការងារលោកបង្កើតបន្ទាយជ័យ៨០២ ក៏ដូចជាក្លឹបកីឡាបាញ់ធ្នូភូមិន្ទកម្ពុជានេះឡើង គឺដោយសារការស្រឡាញ់ធ្នូបុរាណនិងចង់លើកស្ទួយវិស័យកីឡានេះឱ្យមានប្រជាប្រិយឡើងវិញ កុំឱ្យបាត់បង់ទៅថ្ងៃក្រោយ។ សម្រាប់បន្ទាយជ័យ៨០២នេះ លោក ចាន់លីន រំពឹងថា វានឹងក្លាយជាទីតាំងមួយដើម្បីជួយលើកមុខមាត់វិស័យកីឡាបាញ់ធ្នូខ្មែរឱ្យមានភាពល្បីល្បាញឡើងវិញ។
ពាក្យ«បន្ទាយជ័យ៨០២» បង្កប់នូវអត្ថន័យរម្លឹកពីឆ្នាំនៃសករាជ្យថ្មីដែលព្រះមហាក្សត្រខ្មែរបង្រួមបង្រួមទឹកខ្មែរជាមហាអាណាចក្រដ៏ខ្លាំង និងជាឆ្នាំដែលបើកទំព័រថ្មីនៃការអភិវឌ្ឍអណាចក្រខ្មែរដ៏រុងរឿង។ ហើយការដាក់ឈ្មោះបន្ទាយជ័យ៨០២នេះ ក៏ដើម្បីឱ្យស៊ីទៅនឹងទីតាំងស្ថិតនៅតំបន់រលួស ដែលជាអតីតរាជធានីហរិហរាល័យ និងជារាជធានីដ៏រុងរឿងនៅសម័យកាលនោះ។
បន្ទាយជ័យ៨០២ មានទីតាំងស្ថិតនៅភូមិស្ទឹង ស្រុកប្រាសាទបាគង ខេត្តសៀមរាប។ ហើយភ្ញៀវទេសចរជាតិ-អន្ដរជាតិអាចទំនាក់ទំនងទៅកាន់បុគ្គលិកផ្នែកទីផ្សារតាមរយៈលេខទូរសព្ទ ០៩៨ ៩៥ ៥៦ ៤៤ ដើម្បីដឹងពីតម្លៃ និងប្រភេទសេវាកម្មផ្សេងៗ៕
Tag:
បន្ទាយជ័យ៨០២
ក្លឹបកីឡាបាញ់ធ្នូភូមិន្ទកម្ពុជា
Cambodia Amazing Trip Planner
© រក្សាសិទ្ធិដោយ thmeythmey.com