កំណាព្យ
ជាតិ
ល្មមចេះជិះ និងចេះចោលហើយ!
× បទ ជាប់ទង
-ផ្តើមរៀនជិះ រិះរៀនចោល ច្បោលមិនបាន
រៀនគ្រប់ប្រាណ ខានច្បាស់ខាត ស្អាតរួមគ្នា
រៀនទុកដាក់ ចាក់ចូកឆាយ កាយបង្ហៀរ
រៀនតគ្នា ជាបណ្តាញ ក្រាញតតាំង។
-រៀនសម្អាត ឆ្លាតបង្រៀន ប្រៀនប្រដៅ
តកូនចៅ ហៅមូលមិត្ត គិតសម្រាំង
ចោលសំរាម តាមលំអាន ដានទីតាំង
ផ្សំផ្សាំផ្សាំង តាំងពីតូច ដូចឈើដែរ។
-ម្យ៉ាងរៀនជិះ រិះវិចារ ថាគួរអត់
រៀនបើកបត់ កត់ចំណាំ ចាំហូរហែ
ផ្តល់គំរូ គូរគូសកៀស វាសកុនកែ
ជាឪម៉ែ ផ្តែផ្តាំក្មេង ឈ្វេងយល់ច្បាប់។
-ឈប់បំពាន ហ៊ានបំប៉ោង ផ្លោងផ្លាតផ្លោះ
ខូចរបស់ អស់ជីវិត ពិតគ្រួយ៉ាប់
រៀនគ្រប់គ្នា គ្រានេះម្តង ចងលំដាប់
គោរពច្បាប់ ចាប់ចេះជិះ រិះចេះចោល៕
© រក្សាសិទ្ធិដោយ thmeythmey.com