ពីនេះ ពីនោះ
តើពាក្យ «យុទ្ធសាស្ត្រ» និង «វិធីសាស្ត្រ» ខុសគ្នាយ៉ាងណាខ្លះ?
× បើនិយាយនៅក្នុងការធ្វើជំនាញ ឬក្នុងការធ្វើអ្វីមួយ ឬក្នុងអាជីពការងារ គឺច្រើនតែមានគេប្រើប្រាស់ពាក្យ«យុទ្ធសាស្ត្រ» និង«វិធីសាស្ត្រ»។ ប៉ុន្តែពាក្យទាំងពីរនេះ ពលរដ្ឋប្រើប្រាស់ដោយមិនទាន់បែងចែកអត្ថន័យឲ្យបានច្បាស់លាស់នៅឡើយទេ។
បើតាមវចនានុក្រមខ្មែរសម្តេចជួន ណាត ពាក្យ«យុទ្ធសាស្ត្រ» គេប្រើនៅក្នុងសម័យសង្គ្រាម មានន័យថា ជាក្បួនចម្បាំង ក្បួនសម្រាប់ច្បាំង ដែលមានជាក្បួនព្យូហ៍សឹកជាដើម។ តែបើគេប្រើពាក្យ«យុទ្ធសាស្ត្រ»ក្នុងស្ថានភាពរកស៊ី ឬក្នុងការធ្វើអ្វីមួយវិញ មានន័យថា ការរៀបចំផែនការក្នុងការធ្វើអ្វីមួយដើម្បីឲ្យសម្រេចបានគោលដៅ។ ឧទាហរណ៍៖ បង្កើតយុទ្ធសាស្ត្រឡើង ក្នុងគោលបំណងអភិវឌ្ឍឲ្យបានជោគជ័យ។
ចំពោះពាក្យ«វិធីសាស្ត្រ» បញ្ជាក់ពីសកម្មភាពដែលនឹងធ្វើឡើងតាមផែនការដែលបានរៀបចំឡើង។ ឧទាហរណ៍៖ អនុវត្តនូវវិធីសាស្ត្រ ទើបអាចសម្រេចបានគោលដៅ៕
© រក្សាសិទ្ធិដោយ thmeythmey.com