ក្រសួងសាធារណការ ពិន័យរថយន្តដឹកលើសទម្ងន់បានថវិកាជាង៥០០លានរៀល ក្នុងខែវិច្ឆិកា

ជាតិ

រថយន្ត

09, Dec 2019 , 8:39 pm

រូបភាព

រថយន្តដែលដឹកលើសទម្ងន់ ដែលត្រូវបានអាជ្ញាធរចាប់បាន រូបភាពពីក្រសួងសាធារណការ និងដឹកជញ្ជូន

ដោយ:

ភ្នំពេញ៖ ក្រសួងសាធារណការ និងដឹកជញ្ជូន ក្នុងខែវិច្ឆិកានេះ បានពិន័យលើរថយន្តដឹកលើសទម្ងន់ចំនួន ២៥៥គ្រឿង និងពិន័យជាប្រាក់បានជាង ៥០០លានរៀល។ នេះបើយោងតាមរបាយការណ៍ប្រចាំខែរបស់ក្រសួងសាធារណការ និងដឹកជញ្ជូន។

របាយការណ៍របស់ក្រសួងសាធារណការ និងដឹកជញ្ជូន បានបង្ហាញថា ក្នុងខែវិច្ឆិកានេះ ចំនួនរថយន្តដែលដឹកលើសទម្ងន់ភាគច្រើនចាប់បាននៅ ក្រុមការងារចល័តរបស់ក្រសួង ចំនួន៥៤គ្រឿង ស្ថានីយ៍ថ្នល់កែង ខេត្តកំពង់ចាមចំនួន៤៥គ្រឿង,ស្ថានីយ៍ប្រាសាទ ខេត្តកំពង់ធំចំនួន៣៣គ្រឿង,ស្ថានីយ៍អង្គស្នូល ខេត្តកណ្តាលចំនួន២៨គ្រឿង និងបណ្តាខេត្តមួយចំនួនផ្សេងទៀត។

សូមបញ្ជាក់ថា ក្នុងឆ្នាំ២០១៨ ក្រសួងសាធារណការបានចាប់រថយន្តដឹកលើសទម្ងន់ បានជាង២,៦០០គ្រឿង និងពិន័យបានប្រាក់ជាង ១លាន៥សែន ដុល្លារ៕