អត្ថបទពាណិជ្ជកម្ម
តោះ! ធ្វើដំណើរជាមួយរថយន្ត Hilux Revo Rally 2020 ទៅមើលរឿង JUMANJI “មេវគ្គបន្ទាប់”
×![]()
ដោយ: ថ្មីៗ
ក្រុមហ៊ុន តូយ៉ូតា (ខេមបូឌា) ដែលជាក្រុមហ៊ុនត្រូវបានទទួលស្គាល់នូវសិទ្ធិនាំចូល និងចែកចាយផ្ដាច់មុខ លើផលិតផលយានយន្ដ និងគ្រឿងបន្លាស់ម៉ាកតូយ៉ូតា បានរួមសហការណ៍ជាមួយនឹងរោងភាពយន្ត លេជេន ប្រចាំប្រទេសកម្ពុជា ក្នុងការដាក់សម្ពោធនូវខ្សែភាពយន្តហូលីវូឌលក្ខណៈផ្សងព្រេងដ៏ល្បីល្បាញ គឺរឿង JUMANJI “មេវគ្គបន្ទាប់” ដែលបានប្រព្រឹត្តឡើងនៅរោងភាពយន្តលេជេន សាខា អេដិន ហ្គាឌែន កាលពីវេលាល្ងាច ថ្ងៃអង្គារ ទី១០ ខែធ្នូ ឆ្នាំ២០១៩ ។ ការសម្ពោធនេះ ក្រោមអធិបតីភាព លោកឧកញ៉ា គង់ នួន ប្រធានក្រុមហ៊ុន លោក ហ៊ីរ៉ូយូគិ អ៊ីតុ អគ្គនាយក ក្រុមហ៊ុន តូយ៉ូតា (ខេមបូឌា) ព្រមទាំងវត្ដមានអតិថិជន និងអ្នកគាំទ្ររបស់ក្រុមហ៊ុនតូយ៉ូតា ជាច្រើនទៀតផងដែរ។
គួរបញ្ជាក់ផងដែរថា សម្រាប់ខ្សែភាពយន្ត JUMANJI នេះត្រូវបានចាក់បញ្ចាំងនៅក្នុងរោងភាពយន្ត ប្រទេសកម្ពុជា កាលពីឆ្នាំ២០១៧ ហើយក៏ទទួលបាននូវការពេញនិយមយ៉ាងខ្លាំង ពីសំណាក់អ្នកទស្សនា និងអ្នកដែលនិយមចូលចិត្តខ្សែភាពយន្តលក្ខណៈផ្សងព្រេង ។ អ្វីដែលកាន់តែពិសេសទៀតនោះ រថយន្តតូយ៉ូតា Hilux Revo Rally គឺពិតជាដៃគូដ៏សាកសមឥតខ្ចោះ សម្រាប់ដំណើរឆ្ពោះទៅកាន់វគ្គបន្ទាប់ នៅក្នុងខ្សែភាពយន្ត JUMANJI “មេវគ្គបន្ទាប់” ដែលនឹងចាក់បញ្ចាំងជាផ្លូវការក្នុងពេលឆាប់ៗនេះ។ ដោយសង្កេតឃើញដូចនេះ ទើបក្រុមហ៊ុន តូយ៉ូតា (ខេមបូឌា) សម្រេចចិត្តក្នុងការក្លាយជាដៃគូសហការផ្តាច់មុខប្រចាំប្រទេសកម្ពុជា ក្នុងការនាំមកជូននូវ ខ្សែភាពយន្ត JUMANJI “មេវគ្គបន្ទាប់” ដ៏ល្បីល្បាញ របស់ផលិតកម្ម Sony Pictures Entertainment ។
ទន្ទឹមនឹងបរិយាកាសដ៏សប្បាយរីករាយ ក្នុងថ្ងៃសម្ពោធខ្សែភាពយន្តនេះ ភ្ញៀវកិត្តិយសដែលជាអតិថិជនរបស់ រថយន្ត Hilux Revo Rally ក៏ដូចជាប្រិយមិត្តអ្នកគាំទ្រ ក្រុមហ៊ុន តូយ៉ូតា ក៏ត្រូវបានអញ្ជើញឲ្យចូលរួមទស្សនាខ្សែភាពយន្ត និងទស្សនានូវការដាក់បង្ហាញរថយន្ត តូយ៉ូតា HILUX REVO RALLY ស៊េរីថ្មីឆ្នាំ២០២០ ដែលជារថយន្ត មានភាពធន់ មាំ និងមានផាសុកភាពខ្ពស់ រួមជាមួយនឹងមានកម្លាំងម៉ាស៊ីនជំនាន់ថ្មី ដែលធ្វើឲ្យរថយន្តកាន់តែខ្លាំង និងសាកសមឥតខ្ចោះក្នុងការធ្វើដំណើរលើគ្រប់ស្ថានភាពផ្លូវ។
សូមរីករាយ ធើ្វដំណើរទៅកាន់វគ្គបន្ទាប់ ជាមួយរថយន្ត តូយ៉ូតា Hilux Revo Rally ដើម្បីទស្សនាខ្សែភាពយន្ត JUMANJI “មេវគ្គបន្ទាប់” ទាំងអស់គ្នា។
(អត្ថបទពាណិជ្ជកម្ម)
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
