អាជ្ញាធរ ជួសជុលឡៅតឿផ្សារអូរឫស្សី, ស្នើឲ្យអាជីវករ ចាកចេញមួយរយៈសិន

ជាតិ

សង្គមជាតិ

អាជ្ញាធរ ជួសជុលឡៅតឿផ្សារអូរឫស្សី, ស្នើឲ្យអាជីវករ ចាកចេញមួយរយៈសិន

19, Dec 2019 , 9:29 am

រូបភាព

រូបពី Google ដែលបង្ហោះដោយ Kim hour

ដោយ: ថ្មីៗ

លោក ឃួង ស្រេង អភិបាលរាជធានីភ្នំពេញ ប្រកាសថា សំណង់អគារផ្សារអូរឫស្សី នៅតែមានលក្ខណៈរឹងមាំ តែសំណង់ឡៅតឿ បានប្រេះស្រាំ ហើយអាចបង្កគ្រោះថ្នាក់ដល់ប្រជាពលរដ្ឋ ជាពិសេសអាជីវករ បើទុកយូរ មិនជួសជុល។

តាមរយៈសេចក្តីជូនដំណឹង ដែលចេញនៅថ្ងៃទី១៧ ខែធ្នូ ឆ្នាំ២០១៩ លោក ឃួង ស្រេង បានស្នើឲ្យអាជីវករផ្សារអូរឫស្សី ដែលកំពុងលក់ដូរ នៅលើឡៅតឿ ក្រោមឡៅតឿ និង នៅជុំវិញបរិវេណទីតាំងនេះទាំងអស់ ផ្លាស់ទៅលក់ដូរនៅក្រៅផ្សារជាបណ្តោះអាសន្នសិន ដើម្បីឲ្យក្រុមការងារបច្ចេកទេសសំណង់ ជួសជុលជាបន្ទាន់ និងឆាប់រួចរាល់។

សេចក្តីជូនដំណឹងរបស់លោកអភិបាល មិនបានបញ្ជាក់ឡើយថា អ្នកបច្ចេសទេស នឹងចាប់ផ្តើមជួសជុលនៅពេលណា ហើយនឹងត្រូវប្រើរយៈពេលយូរប៉ុនណា។ សារព័ត៌មានថ្មីៗ មិនអាចសុំការបំភ្លឺពីលោក ម៉េត មាសភក្តី អ្នកនាំពាក្យរដ្ឋបាលរាជធានីភ្នំពេញនោះទេ ដោយសារតែមិនបានលើកទូរស័ព្ទ៕