ជាតិ
រង្វង់មូលធុរេន ខេត្តកំពត នាពិធីបុណ្យសមុទ្រ។ ថតដោយប៉ាន់ បូនី
×![]()
ភ្នំពេញ៖ បុណ្យសមុទ្រលើកទី៨ក្នុងជុំទី២ នៅខេត្តកំពត ដែលប្រារព្ធឡើងក្នុងរយៈពេល៣ថ្ងៃ ចាប់ពីថ្ងៃទី២០ដល់២២ ធ្នូ មានភ្ញៀវទេសចរ និងប្រជាពលរដ្ឋចូលរួមទស្សនាប្រមាណ ៩០ម៉ឺននាក់។ នេះបើយោងតាមការចុះផ្សាយរបស់ក្រសួងទេសចរណ៍។ 
លោក ថោង ខុន រដ្ឋមន្ត្រីក្រសួងទេសចរណ៍ បានលើកឡើងថា ថ្ងៃនីមួយៗនៃបុណ្យសមុទ្រនេះ ពោល នៅថ្ងៃទីមួយ មានអ្នកចូលរួម២០ម៉ឺននាក់, ថ្ងៃទីពីរ មានអ្នកចូលរួម ៤០ម៉ឺននាក់ និងថ្ងៃទីបី មានអ្នកចូលរួម ប្រមាណ ៣០ម៉ឺននាក់។ បើតាមលោក ថោង ខុន ក្នុងនោះភ្ញៀវទាំង៩០ម៉ឺននាក់នោះ មានភ្ញៀវទេសចរអន្តរជាតិប្រមាណ ៦,០០០នាក់។
«បុណ្យសមុទ្រលើកទី៨ ជុំទី២នេះ យើងបានឃើញប្រត្យក្សអំពីស្មារតីរួមគិត រួមធ្វើ រួមទទួលខុសត្រូវរបស់គ្រប់ផ្នែកគ្រប់ថ្នាក់ ទាំងប្រជាពលរដ្ឋ ទាំងសាធារណៈ និងឯកជន»។ នេះជាការលើកឡើងរបស់ លោក ថោង ខុន ដែលបានបន្ថែមថា បញ្ហាសន្តិសុខ សណ្ដាប់ធ្នាប់ សុវត្ថិភាព និងការរៀបចំព្រឹត្តិការណ៍កម្សាន្តនានានោះ បានប្រព្រឹត្តទៅប្រកបដោយរលូន។
សូមជម្រាបថា កាលពីបុណ្យសមុទ្រនៅខេត្តកំពតជុំទី១ មានភ្ញៀវចូលទស្សនាកម្សាន្តត្រឹមតែ៣៥ម៉ឺនប៉ុណ្ណោះ៕
Tag:
ថោង ខុន
បុណ្យសមុទ្រ
© រក្សាសិទ្ធិដោយ thmeythmey.com
