អន្តរជាតិ
មនុស្ស៥នាក់ត្រូវបានកាត់ទោសប្រហារជីវិតពាក់ព័ន្ធករណីសម្លាប់អ្នកកាសែត Khashoggi អ្នកកាសែត Jamal Khashoggi ដែលត្រូវបានសម្លាប់។ រូបថត AFP
× រដ្ឋអាជ្ញាអារ៉ាប៊ីសាអូឌីតនាថ្ងៃចន្ទនេះ បានឲ្យដឹងថា មនុស្ស៥នាក់ត្រូវបានកាត់ទោសប្រហារជីវិត និង៣នាក់ទៀតត្រូវជាប់ដល់២៤ឆ្នាំ ពាក់ព័ន្ធករណីសម្លាប់អ្នកកាសែតឈ្មោះ Jamal Khashoggi នៅក្រុង Istanbul កាលពីខែតុលា ឆ្នាំ២០១៨។
បើតាមការផ្សាយរបស់ Al Jazeera លោក Saud al-Qahtani អតីតទីប្រឹក្សារាជវង្សអារ៉ាប៊ីសាអូឌីត ត្រូវបានស៊ើបអង្កេតផងដែរ ប៉ុន្តែមិនមានការកំណត់ទោសឡើយ ហើយក្រោយមកត្រូវបានដោះលែងវិញ។
លោក Khashoggi គឺជាជនជាតិអារ៉ាប៊ីសាអូឌីត ដែលមានមូលដ្ឋាននៅសហរដ្ឋអាមេរិក និងជាអ្នកសារព័ត៌មានម្នាក់ដែលតែងតែរិះគន់ព្រះអង្គម្ចាស់ Mohammed bin Salman រាជទាយាទអារ៉ាប៊ីសាអូឌីត។
កាលពីថ្ងៃទី២ ខែតុលា ឆ្នាំ២០១៨ លោកបានចូលទៅកាន់កុងស៊ុលអារ៉ាប៊ីសាអូឌីត ដែលស្ថិតក្នុងក្រុង Istanbul ប្រទេសតួកគី ដើម្បីទទួលលិខិតបញ្ជាក់ពីការលែងលះអតីតភរិយាខ្លួន។ នៅទីនោះហើយ ដែលអ្នកសរសេរឲ្យ Washington Post រូបនេះ ត្រូវបានសម្លាប់៕
Tag:
អារ៉ាប៊ីសាអូឌីត
© រក្សាសិទ្ធិដោយ thmeythmey.com