ជាតិ
វីដេអូ
សង្គមជាតិ
ថ្ងៃសែនចូលឆ្នាំចិន តើកូនចៅចិនមានត្រណមអ្វីខ្លះ?
× ភ្នំពេញ៖ តាមប្រពៃណីចិន មានសកម្មភាពមួយចំនួន ដែលគេហាមកូនចៅមិនធ្វើឲ្យធ្វើនៅថ្ងៃសែនចូលឆ្នាំ។ លោកគ្រូ លឹម កញ្ចរ៉ុង គ្រូភាសាចិននៅវិទ្យាស្ថានអន្តរជាតិកម្ពុជា-អាស៊ាន បានបញ្ជាក់ប្រាប់សារព័ត៌មានថ្មីៗថា នៅថ្ងៃសែន កូនចៅចិន មានត្រណម កក់សក់ បោសផ្ទះ លាងចាន បោកសម្លៀកបំពាក់ ជេរប្រទេចគ្នា ប្រើពាក្យអសុរោះ និងនាំជម្លោះក្នុងក្រុមគ្រួសារជាដើម។ តាមប្រពៃណី គេជឿថាទមង្វើទាំងនេះ ជារឿងអពមង្គល។ បើចៀសរឿងទាំងនេះបាន ក្នុងគ្រួសាររបស់គេ ក៏ចៀសបាននូវរឿងមិនល្អពេញមួយឆ្នាំដែរ។
បន្តស្តាប់បទសម្ភាសរវាងកញ្ញា សៅ សុខអេង អ្នកសារព័ត៌មានថ្មីៗ និងលោក លឹម កញ្ចរ៉ុង គ្រូបង្រៀនភាសាចិននៅវិទ្យាស្ថានអន្តរជាតិកម្ពុជា-អាស៊ានដូចតទៅ៖
ដ្បិតតែនេះជាត្រណម ដែលគួរចៀសវាង តែក៏មានត្រណមខ្លះ គេធ្វើបាន ខ្លះក៏ធ្វើមិនបាន។ ជាក់ស្តែង ត្រណមលាងចាន។ គេជឿថាការលាងចាន នៅថ្ងៃសែន អាចនាំទ្រព្យចេញពីផ្ទះ ក៏ ប៉ុន្តែពលរដ្ឋខ្លះ ក៏បានប្រកាន់ខ្ជាប់នឹងត្រណមនេះ ហើយខ្លះទៀតក៏បោះបង់ដែរ។ គេតមមិនបាន ដោយសារតែគេគិតថា បើថ្ងៃសែនមិនលាងចានទេ នឹងគ្មានចានក្បានដាក់ម្ហូបអាហារឡើយ ហើយអាហារដែលទុកចោលនឹងជះក្លិនមិនល្អពេញផ្ទះមិនខាន។ នេះបើតាមការពន្យល់ពីលោកគ្រូ លឹម កញ្ចរ៉ុង៕
Tag:
ត្រណម
ចូលឆ្នាំចិន
លឹម កញ្ចរ៉ុង
© រក្សាសិទ្ធិដោយ thmeythmey.com