អត្ថបទពាណិជ្ជកម្ម
ហត្ថាកសិករ លីមីតធីត ប្រគល់រង្វាន់ម៉ូតូ៥គ្រឿង និងរង្វាន់ផ្សេងទៀត ជូនអតិថិជនដែលប្រើប្រាស់ឥណទានខ្នាតតូច
×![]()
ដោយ: ថ្មីៗ
ភ្នំពេញ ថ្ងៃទី២៥ ខែមករា ឆ្នាំ២០២០៖ ហត្ថាកសិករ លីមីតធីត ដែលជាគ្រឹះស្ថានមីក្រូហិរញ្ញវត្ថុឈានមុខគេមួយក្នុងប្រទេសកម្ពុជា បានប្រគល់រង្វាន់ជូនដល់អតិថិជនរបស់ខ្លួន នៅក្នុងកម្មវិធីរាត្រីកម្សាន្ត របស់ស្ថានីយទូរទស្សន៍ ស៊ីធីអិន (CTN) នៅថ្ងៃទី២៥ ខែមករា ឆ្នាំ២០២០។
គួររំលឹកផងដែរថាកាលពីថ្ងៃទី១១ ខែមករា ឆ្នាំ២០២០កន្លងទៅនេះ គ្រឹះស្ថានមីក្រូហិរញ្ញវត្ថុ ហត្ថាកសិករ លីមីតធីត បានចាប់ឆ្នោត«ផ្តល់រង្វាន់លើកទឹកចិត្តអតិថិជនប្រើប្រាស់ឥណទានខ្នាតតូច» ដែលរង្វាន់ទាំងអស់នោះរួមមាន ម៉ូតូហុងដា ឌ្រីម Honda Dream ឆ្នាំ២០២០ ចំនួន ៥រង្វាន់ ទូរទស្សន៍អិលជី LED ៤២ អ៊ីញ ចំនួន១០រង្វាន់ និងកង្ហារហាតារិ ចំនួន២០រង្វាន់។ នាឱកាសនេះដែរ ការប្រគល់រង្វាន់ គឺបានផ្តល់ជូនអតិថិជនដែលបានឈ្នះរង្វាន់ធំ គឺម៉ូតូហុងដា ឌ្រីម(Honda Dream) ឆ្នាំ២០២០ ចំនួន៥គ្រឿង ហើយសម្រាប់រង្វាន់ទូរទស្សន៍ និងកង្ហារហាតារិ នឹងយកទៅប្រគល់ជូនអតិថិជនដោយផ្ទាល់ នៅតាមការិយាល័យសាខា របស់ហត្ថាកសិករ លីមីតធីត ដែលអតិថិជនបានប្រើប្រាស់សេវា របស់យើងទូទាំងខេត្តក្រុង។
ហត្ថាកសិករ លីមីតធីត មានបទពិសោធន៍ជាង២៥ឆ្នាំ ក្នុងការផ្តល់សេវាហិរញ្ញវត្ថុក្នុងប្រទេសកម្ពុជា។ បច្ចុប្បន្ន ហត្ថាកសិករ លីមីតធីត មានការិយាល័យសាខាចំនួន ១៧៧ ដើម្បីបម្រើសេវាឥណទាន សេវាប្រាក់បញ្ញើសន្សំ សេវាផ្ទេរប្រាក់ក្នុងស្រុក សេវាបើកប្រាក់បៀរវត្ស និងសេវាធនាគារចល័តជូនអតិថិជន ព្រមទាំងមានទូអេធីអឹមចំនួន ១៣៧ នៅទូទាំង ២៥ ខេត្ត ក្រុងនៃប្រទេសកម្ពុជា។ ហត្ថាកសិករ លីមីធីត គឺជាបុត្រសម្ព័ន្ធធនាគារក្រុងស្រ៊ី (Krungsri) ដែលជាធនាគារ ពាណិជ្ជធំបំផុតលំដាប់ទី៥ នៃព្រះរាជាណាចក្រថៃឡង់ដ៍ និងជាសមាជិករបស់ MUFG ដែលជាសម្ព័ន្ធធនាគារធំ ជាងគេ នៅប្រទេសជប៉ុន និងជាសម្ព័ន្ធហិរញ្ញវត្ថុធំបំផុតមួយនៅក្នុងពិភពលោក៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
