មនុស្សយ៉ាងហោចណាស់​ ១០នាក់ ត្រូវបានប៉ូលិសរាយការណ៍ថា បានស្លាប់ក្នុងករណីបាញ់រះដ៏កម្រមួយនៅល្ងាចថ្ងៃសៅរ៍នេះ នៅក្នុងក្រុង Korat ខេត្តនគរាជសីមានៅភាគឥសានក្រុងបាងកង។ នេះបើតាមការរាយការណ៍របស់ទី​ភ្នាក់ងារព័ត៌មាន AFP។

ខ្មាន់កាំភ្លើងម្នាក់ដែលគេកំណត់អត្តសញ្ញាណបានថា ជាមន្ត្រីយោធាបានបើកការបាញ់ប្រហារបណ្តាលឲ្យមនុស្សមិនតិចជាង ១០នាក់ស្លាប់នៅផ្សារទំនើបមួយកន្លែងនាខេត្ត នគរាជសីមា ស្ថិតនៅចម្ងាយប្រមាណ ២៤០​គីឡូម៉ែត្រពីរាជធានីបាងកក។ 

«មានមនុស្សច្រើនជាង ១០នាក់បានស្លាប់ និងមិនតិចនាក់ទេដែលរងរបួស»។ អ្នកនាំពាក្យប៉ូលិស លោក Krissana Pattanacharoen បានបញ្ជាក់ប្រាប់ទីភ្នាក់ងារព័ត៌មាន AFP ដូច្នេះ។ លោកបន្តថា កងកម្លាំងប៉ូលិសបាន​ហ៊ុមព័ទ្ធផ្សារទំនើបដែលជាកន្លែងដែលការបាញ់ប្រហារនេះកើតឡើងដែរដើម្បីតាមប្រមាញ់​ឧក្រិដ្ឋជន។ 

#Thai soldier has killed at least 10 people in a mass shooting and taken hostages inside a shopping mall while taking selfies and livestreaming on social mediahttps://t.co/1oJn0qCWVipic.twitter.com/yPfmm69Pbq

— RT (@RT_com) February 8, 2020