សិល្បះ
អន្តរជាតិ
ក្រុមរាំឥណ្ឌាឈ្នះពាន America’s Got Talent: The Champions
× ក្រុមរាំកាយវប្បកម្មដែលមានប្រភពពីក្រុងម៉ុមបៃ ប្រទេសឥណ្ឌា V.Unbeatable បានក្លាយជាម្ចាស់ពានក្នុងកម្មវិធីប្រកួតប្រជែងទេពកោសល្យពិភពលោក America’s Got Talent: The Champions រដូវកាលទី២ដែលរៀបចំដោយទូរទស្សន៍ NBC របស់អាមេរិក។
V.Unbeatable ដែលសំដែងក្បាច់រាំដ៏គួរឲ្យភ័យខ្លាច តាមរយៈការលើកបោះគ្នាខ្ពស់ៗ នោះ ធ្លាប់បានចំណាត់ថ្នាក់លេខ៤ នាកម្មវិធីប្រឡងរាំ Dance Plus 4 នៅឥណ្ឌា និងលេខ៤នាកម្មវិធី America’s Got Talent រដូវកាលទី១៤។
America’s Got Talent: The Champions រដូវកាលទី២ ប្រមូលផ្តុំដោយជាលាភី និងក្រុមដែលមានទេពកោសល្យប្រមាណ៥០ពីកម្មវិធី Got Talent តាមបណ្តាប្រទេសផ្សេងៗ ដូចជា អូស្ត្រាលី អង់គ្លេស បែលហ្ស៊ិក ឆេក អាល្លឺម៉ង់ បារាំង អេស្ប៉ាញ ហូឡង់ អ៊ីតាលី រុស្ស៊ី អាហ្វ្រិកខាងត្បូង អ៊ុយក្រែន ហ្វីលីពីន ក៏ដូចជាអាមេរិកផ្ទាល់។
V.Unbeatable ដោយ V តំណាងឲ្យឈ្មោះ Vikas សមាជិកម្នាក់ដែលស្លាប់ក្នុងពេលសំដែងនោះ បានចូលរួមប្រកួតប្រជែងក្នុងកម្មវិធី America’s Got Talent: The Champions រដូវកាលទី២ នេះ។ នៅវគ្គដំបូង ក្រុមរបស់ឥណ្ឌាមួយនេះ ទទួលបានប៊ូតុងមាសពីលោក Howie Mandel ហើយក្រោយមកបានទទួលជើងឯក ដោយសារសំឡងគាំទ្រច្រើនជាងក្រុមកាយវប្បកម្មអាមេរិក Duo Transcend។
ក្រុមដែលស្ថិតនៅលំដាប់ Top5 រួមមាន កុមារាអាមេរិក Tyler Butler Fugueroa (វីយ៉ូឡុង), អ្នកចម្រៀងហ្វីលីពីន Marcelito Pomoy និងក្រុមសំដែងពីរុស្ស៊ី Sandou Trio Russian Bar ។
សកម្មភាពសំដែងរបស់ V.Unbeatable៖
© រក្សាសិទ្ធិដោយ thmeythmey.com