ពីនេះ ពីនោះ
ផ្លែឈើដែលមានសណ្ឋានប្រហែលផ្លែទៀប និងផ្លែសិរមាន់នោះជានិយមន័យរបស់ពាក្យ«គូលែន» មិនមែន«កូលែន»ទេ
× វចនានុក្រមខ្មែរសម្តេច ជួន ណាត បានបញ្ជាក់ពាក្យ«គូលែន»មានន័យពីរបែប ដោយក្នុងន័យទី១ សម្រាប់សំដៅលើឈ្មោះផ្លែឈើ និងន័យទី២ សម្រាប់សំដៅលើឈ្មោះទីកន្លែង។
ក្នុងន័យទី១«គូលែន» ជាឈ្មោះឈើមួយប្រភេទ មានផ្លែជាអាហារ, ផ្លែមានសណ្ឋានប្រហែលផ្លែទៀបខ្មែរតែតូចជាងច្រើន, ស្រដៀងគ្នាស្ទើរចាប់ច្រឡំនឹងផ្លែសិរមាន់, មានគ្រាប់តែ ១ សណ្ឋានសាច់រុំគ្រាប់ដូចផ្លែមៀន, ស្លឹកវែងៗស្រួចចុង។ ក្នុងកម្ពុជរដ្ឋមានសម្បូណ៌តែនៅភ្នំគូលែន ក្នុងខែត្រសៀមរាប, ប៉ុន្ដែមានផ្លែតូចៗ ហើយសាច់ស្ដើងៗ ទាំងរសជាតិក៏ជូរ, ចាញ់គូលែនដែលមកពីប្រទេសក្រៅ។
«គូលែន»ក្នុងន័យទី២ មានន័យថា ឈ្មោះភ្នំដែលនៅក្នុងខេត្តសៀមរាបដែនកម្ពុជា៕
© រក្សាសិទ្ធិដោយ thmeythmey.com