អន្តរជាតិ
COVID-19៖ អូម៉ង់រកឃើញ២ករណីដំបូងដែលជាស្ត្រីទើបទៅពីអ៊ីរ៉ង់ រដ្ឋមន្ត្រីសុខាភិបាលអូម៉ង់ Ahmed Mohammed Obaid Al Saidi
× ក្រសួងសុខាភិបាលអូម៉ង់ នាថ្ងៃចន្ទនេះ បានប្រកាសពីការរកឃើញករណីឆ្លង COVID-19 ពីរករណីដំបូងនៅក្នុងប្រទេស។ នេះបើតាមការផ្សាយរបស់ទីភ្នាក់ងារព័ត៌មានរ៉យទ័រ។
អ្នកជំងឺដែលជាស្ត្រីអូម៉ង់ទាំងពីររូបនោះ សុទ្ធតែទើបធ្វើដំណើរចេញពីប្រទេសអ៊ីរ៉ង់។ ពួកគាត់មានស្ថានភាពប្រក្រតី។
មកដល់ពេលនេះ អ៉ូម៉ង់ក្លាយជាប្រទេសទី៣៤ដែលមានករណីឆ្លង COVID-19។ ក្រៅពីចិន (រួមបញ្ចូលតំបន់រដ្ឋបាលពិសេសហុងកុង ម៉ាកាវ និងតៃវ៉ាន់) មាន ជប៉ុន (រាប់បញ្ចូលទាំងករណីលើនាវា Diamond Princess) កូរ៉េខាងត្បូង សិង្ហបុរី អ៊ីរ៉ង់ ថៃ អេមីរ៉ាតអារ៉ាប់រួម ម៉ាឡេស៊ី វៀតណាម ហ្វីលីពីន អ៊ីស្រាអែល លីបង់ ឥណ្ឌា ណេប៉ាល់ កម្ពុជា ស្រីលង្កា បារាំង អ៊ីតាលី អាល្លឺម៉ង់ អង់គ្លេស ស៊ុយអែត រុស្ស៊ី អេស្ប៉ាញ ហ្វាំងឡង់ បែលហ្ស៊ិក សហរដ្ឋអាមេរិក កាណាដា អូស្ត្រាលី អេហ្ស៊ីប កូវ៉ែត បារ៉ែន អាហ្វហ្គានីស្ថាន និងអ៊ីរ៉ាក់៕
© រក្សាសិទ្ធិដោយ thmeythmey.com