រថយន្ត
អន្តរជាតិ
×![]()
ដោយ: ធីតា
ចាប់តាំងពីដើមខែមីនា នេះមក អ្នកជិះរថភ្លើង រថយន្តក្រុងសាធារណៈ នៅលុចសំបួ មិនចាំបាច់បង់ថ្លៃសេវាធ្វើដំណើររបស់ខ្លួនទៀតនោះឡើយ ពោលគឺរាល់ការដំណើរទាំងពលរដ្ឋលុចសំបួ និងអ្នកទេសចរបរទេស។
«យើងជាប្រទេសដំបូងបំផុតលើពិភពលោក ហើយនេះជាវិធានការដ៏មានសារសំខាន់ក្នុងសង្គម»។ លោក Francois Bausch រដ្ឋមន្ត្រីទទួលបន្ទុកចល័តកម្ម និងបរិស្ថាន នៅលុចសំបួ បានអះអាងយ៉ាងដូច្នេះ ដែលជួយឲ្យពលរដ្ឋមានការសន្សំសំចៃបន្ថែម តែទោះបីជាយ៉ាងណាក៏ដោយ សេវារថយភ្លើងលំដាប់ទីមួយ នៅតែតម្រូវឲ្យបង់ថ្លៃ។
តាមការផ្សាយរបស់ Le Quotidien ការសម្រេចរបស់រដ្ឋាភិបាលលុចសំបួ ដែលប្រទេសតូច និងមាននៅតំបន់អឺរ៉ុបនោះ គឺក្នុងគោលបំណងលើកទឹកចិត្តឲ្យពលរដ្ឋប្រើប្រាស់សេវាដឹកជញ្ជូនសាធារណៈ។ របាយការណ៍កន្លងមក បង្ហាញថា ការយឺតយ៉ាវការងារប្រមាណ៤៧ភាគរយ គឺមកពីការធ្វើដំណើរដោយរថយន្តផ្ទាល់ខ្លួនក្នុងប្រទេសដែលមានបពលរដ្ឋប្រមាណតែ៦១០ ០០០នាក់។
ការផ្តល់សេវាដឹកជញ្ជូនដោយឥតគិតថ្លៃនៅលុចសំបួ បន្ទាប់រដ្ឋាភិបាលប្រើប្រាស់ថវិកាប្រមាណ ៣,២ពាន់លានអឺរ៉ុប លើការស្តារហេដ្ឋារចនាសម្ព័ន្ធថ្មី ជាពិសេសផ្លូវដែក រហូតដល់ឆ្នាំ២០២៧ ខណៈដំណាក់កាលដំបូង ពីឆ្នាំ២០០៨ ដល់ឆ្នាំ២០១៩ បានចំណាយក្នុងខ្ទង់២,៨ពាន់លានអឺរ៉ូរួចទៅហើយ។
តាមពិតទៅ ការផ្តល់សេវាកម្មដឹកជញ្ជូនដោយឥតគិតថ្លៃ មិនមែនជារឿងថ្មីនោះឡើយនៅលើលោក។ តាំងពីឆ្នាំ១៩៦២ ក្រុង Los Angleles បានផ្តើមអនុវត្តសម្រាប់ដំណើរទៅកាន់ជាយក្រុង។ ក្រោយម៉ោងក្រុងផ្សេងៗនៅសហរដ្ឋអាមេរិក បានធ្វើតាម រហូតបន្តដល់បែលហ្ស៊ិក អ៊ីតាលី អាល្លឺម៉ង់ រួមទាំងបារាំងផងដែរ។
បច្ចុប្បន្ន ក្រុង Talinn ប្រទេសអេស្តូនី និងក្រុង Kansas សហរដ្ឋអាមេរិក អនុវត្តបានយ៉ាងល្អលើគោលការណ៍មិនយកថ្លៃសម្រាប់សេវាកម្មធ្វើដំណើរសាធារណៈ៕
© រក្សាសិទ្ធិដោយ thmeythmey.com
