COVID-19
ជាតិ
អ្នកនាំពាក្យ អះអាងថា កម្ពុជាមិនទាន់មានករណីឆ្លង COVID-19 ទៀតទេ លោកស្រី ឱ វណ្ណឌីន អ្នកនាំពាក្យក្រសួងសុខាភិបាល (កណ្តាល) និងអ្នកជំនាញផ្សេងទៀតនាសន្និសីទសារព័ត៌មាន
× គិតត្រឹមវេលារសៀលថ្ងៃទី៥ ខែមីនា នេះ លោកស្រី ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល បានអះអាងនៅក្នុងសន្និសីទសារព័ត៌មាននៅថ្ងៃនេះថា កម្ពុជាមិនទាន់រកឃើញករណី COVID-19 លើប្រជាជនកម្ពុជានោះឡើយ។
លោកស្រីបានរំលឹកថា ក្នុងចំណោមមនុស្សសង្ស័យ១៤៥នាក់ មានតែចិន១នាក់ប៉ុណ្ណោះដែលមានវិជ្ជមាន ហើយបុរសវ័យ៦០ឆ្នាំរូបនោះ បានជាសះស្បើយ និងទៅប្រទេសកំណើតរបស់ខ្លួនវិញហើយ។
លោកស្រីបានច្រានចោល ករណីដួលសន្លប់ ឬខ្យល់គរដែលធ្វើឲ្យមានការយល់ច្រលំទាក់ទងនឹង COVID-19 ដូចជានៅសៀមរាប នៅបាវិត ខេត្តស្វាយរៀង ជាដើម។ លោកស្រីបានកត់សម្គាល់ផងដែរទាក់ទងនឹងការបង្កើត Fake News ជាច្រើន។
អ្នកនាំពាក្យបានអះអាងថា តាំងពីថ្ងៃទី១០ ខែមករា មក កម្ពុជាតែងតែគោរពតាមបែបបទរបស់អង្គការសុខភាពពិភពលោក ដោយមានការចូលរួមពីស្ថាប័នជាតិ និងអន្តរជាតិ។
© រក្សាសិទ្ធិដោយ thmeythmey.com