COVID-19
ជាតិ
ក្រសួងការបរទេសផ្អាកផ្តល់ទិដ្ឋការដល់ជនបរទេសពីបារាំង អ៊ីតាលី អេស្ប៉ាញ អាល្លឺម៉ង់ និងអាមេរិក
លោក អ៊ុច បូររិទ្ធ រដ្ឋលេខាធិការប្រចាំការ ក្រសួងការបរទេស។ រូបថត Pressocm
×![]()
ដោយ: រួបរួម
ក្រោយសេចក្តីប្រកាសរបស់ក្រសួងសុខាភិបាលស្តីពីការសម្រេចផ្អាកជនបរទេស ពីអ៊ីតាលី អាល្លឺម៉ង់ អេស្ប៉ាញ បារាំង និងអាមេរិក ចូលកម្ពុជារយៈពេល៣០ថ្ងៃ ដោយគិតចាប់ពីថ្ងៃទី១៧ ខែមីនា ដើម្បីទប់ស្កាត់ការនាំចម្លង COVID-19 ក្រសួងការបរទេស និងសហប្រតិបត្តិការអន្តរជាតិ បានសរសេរលិខិតទៅកាន់ឯកអគ្គរាជទូត អគ្គកុងស៊ុល និងកុងស៊ុលកិត្តិយស ប្រចាំនៅបរទេសឲ្យផ្អាកផ្តល់ទិដ្ឋការដល់ជនបរទេសមកពីប្រទេសទាំង៥ខាងលើផងដែរ។
«ការចម្លងនៃវីរុសកូវីដ១៩ នៅបារាំង អ៊ីតាលី អេស្ប៉ាញ អាល្លឺម៉ង់ និងសហរដ្ឋអាមេរិក មានការរាតត្បាតលឿនដ៏គួរឲ្យកត់សម្គាល់ រាជរដ្ឋាភិបាលបានសម្រេចដាក់បម្រាមផ្អាកមិនឲ្យជនបរទេសមកពីប្រទេសទាំង៥ខាងលើ ចូលកម្ពុជារយៈពេល៣០ថ្ងៃ ចាប់ពីថ្ងៃអង្គារ ទី១៧ ខែមីនា»។ នេះបើយោងតាមលិខិតរបស់លោក អ៊ុច បូររិទ្ធ រដ្ឋលេខាធិការប្រចាំការក្រសួងការបរទេស។
ចំពោះទិដ្ឋាការដែលបានផ្តល់រួចហើយ ស្ថានតំណាងទាំងអស់ត្រូវបង្វែរសងថ្លៃទិដ្ឋាការជូនសាម៉ីជនវិញ។
ជាមួយគ្នានេះដែរ លោក អ៊ុច បូររិទ្ធ បានស្នើទៅឯកអគ្គរាជទូត អគ្គកុងស៊ុល និងកុងស៊ុលកិត្តិយសរបស់កម្ពុជា ប្រចាំបរទេស បន្តដំណើរការរបស់ខ្លួន ដោយសម្រេចធ្វើការតាមអនឡាញ ឬការិយាល័យ ក្នុងករណីចាំបាច់ និងទៅតាមសភាពការណ៍ជាក់ស្តែងនៃការរាតត្បាត COVID-19 នៅតាមប្រទេសនីមួយៗ៕
«ការចម្លងនៃវីរុសកូវីដ១៩ នៅបារាំង អ៊ីតាលី អេស្ប៉ាញ អាល្លឺម៉ង់ និងសហរដ្ឋអាមេរិក មានការរាតត្បាតលឿនដ៏គួរឲ្យកត់សម្គាល់ រាជរដ្ឋាភិបាលបានសម្រេចដាក់បម្រាមផ្អាកមិនឲ្យជនបរទេសមកពីប្រទេសទាំង៥ខាងលើ ចូលកម្ពុជារយៈពេល៣០ថ្ងៃ ចាប់ពីថ្ងៃអង្គារ ទី១៧ ខែមីនា»។ នេះបើយោងតាមលិខិតរបស់លោក អ៊ុច បូររិទ្ធ រដ្ឋលេខាធិការប្រចាំការក្រសួងការបរទេស។
ចំពោះទិដ្ឋាការដែលបានផ្តល់រួចហើយ ស្ថានតំណាងទាំងអស់ត្រូវបង្វែរសងថ្លៃទិដ្ឋាការជូនសាម៉ីជនវិញ។
ជាមួយគ្នានេះដែរ លោក អ៊ុច បូររិទ្ធ បានស្នើទៅឯកអគ្គរាជទូត អគ្គកុងស៊ុល និងកុងស៊ុលកិត្តិយសរបស់កម្ពុជា ប្រចាំបរទេស បន្តដំណើរការរបស់ខ្លួន ដោយសម្រេចធ្វើការតាមអនឡាញ ឬការិយាល័យ ក្នុងករណីចាំបាច់ និងទៅតាមសភាពការណ៍ជាក់ស្តែងនៃការរាតត្បាត COVID-19 នៅតាមប្រទេសនីមួយៗ៕
© រក្សាសិទ្ធិដោយ thmeythmey.com
