ជាតិ
ក្រសួងអប់រំ ជ្រើសរើសនិស្សិតទៅសិក្សាបច្ចេកវិទ្យានៅឥណ្ឌា
× ភ្នំពេញ៖ ក្រសួងអប់រំ យុវជន និងកីឡា ជ្រើសរើសនិស្សិតកម្ពុជាទៅសិក្សាបច្ចេកវិទ្យាសម្រាប់ថ្នាក់បណ្ឌិតនៅវិទ្យាស្ថានបច្ចេកវិទ្យាឥណ្ឌា (IITs) រយៈពេល៥ឆ្នាំ។
តាមកម្មវិធីអាហារូបករណ៍ នៃក្រសួងអប់រំបានឲ្យដឹងថា វិទ្យាស្ថានបច្ចេកវិទ្យាឥណ្ឌា (IITs) នឹងផ្ដល់អាហារូបករណ៍ដល់និស្សិតកម្ពុជា និងនិស្សិតនៃប្រទេសដែលជាសមាជិកអាស៊ាន ឲ្យទៅសិក្សាបច្ចេកវិទ្យាសម្រាប់ថ្នាក់បណ្ឌិត នៅទីនោះរយៈពេល៥ឆ្នាំ។ ការផ្ដល់ជូននេះគឺដើម្បី ឲ្យនិស្សិតទាំងអស់អាចពង្រឹងសមត្ថភាពផ្នែកបច្ចេកវិទ្យា មានមូលដ្ឋានគ្រឹះត្រឹមត្រូវលើជំនាញបច្ចេកវិទ្យានេះ និងអាចបង្កើនទំនាក់ទំនងរវាងប្រទេសកម្ពុជា និងប្រទេសឥណ្ឌា រួមទាំងបណ្ដាប្រទេសដែលជាសមាជិកអាស៊ានផងដែរ។
និស្សិតដែលមានចំណាប់អារម្មណ៍ ទៅសិក្សាថ្នាក់បណ្ឌិតនៅវិទ្យាស្ថានបច្ចេកវិទ្យាឥណ្ឌា អាចទៅដាក់ពាក្យតាមរយៈ http://asean.iitd.ac.in ឲ្យបានមុនថ្ងៃទី៣១ ខែមីនា ឆ្នាំ២០២០៕
© រក្សាសិទ្ធិដោយ thmeythmey.com