COVID-19
កីឡាជាតិ
ជាតិ
ឃុន ឌីម៉ា បរិច្ចាគថវិកា១០ម៉ឺនរៀលក្នុង១ខែចំនួន៥ខែ ដើម្បីប្រយុទ្ធប្រឆាំងកូវីដ-១៩
× កីឡាករ ឃុន ឌីម៉ា ម្ចាស់មេដាយមាសកីឡាស៊ីហ្គេមឆ្នាំ២០១៧ បានបរិច្ចាគថវិកាចំនួន១០ម៉ឺនរៀលក្នុង១ខែ ជូនគណៈកម្មាធិការជាតិប្រយុទ្ធប្រឆាំងជំងឺកូវីដ-១៩(COVID-19)។ ការផ្តល់ជូននេះ មានរយៈពេល៥ខែ ដោយគិតចាប់ពីខែឧសភា ឆ្នាំ២០២០។
លោកអនុសេនីយ៍ត្រី ឃុន ឌីម៉ា ជំនួយការវរសេនាតូចលេខ១នៃកងរាជអាវុធហត្ថរាជធានីភ្នំពេញ និងជាកីឡាករប្រដាល់ដ៏ល្បីល្បាញនៅកម្ពុជាបានបរិច្ចាគប្រាក់បៀវត្សរ៍ក្នុងក្របខណ្ឌកងរាជអាវុធហត្ថចំនួន១០ម៉ឺនរៀលក្នុង១ខែ ដែលមារយៈពេល៥ខែជូនគណៈកម្មាធិការជាតិប្រយុទ្ធប្រឆាំងជំងឺកូវីដ-១៩។
ការបរិច្ចាគរបស់ម្ចាស់មេដាយមាសស៊ីហ្គេមឆ្នាំ២០១៧ រូបនេះ ធ្វើឡើងស្របពេលចំនួនអ្នកផ្ទុក COVID-19 នៅកម្ពុជា បន្តកើនឡើងជាបន្តបន្ទាប់។ ទោះបីថវិកានេះមិនមានចំនួនច្រើនក៏ដោយ តែវាបានបង្ហាញពីទឹកចិត្តសប្បុរសធម៌របស់កីឡាកររូបនេះ ក្នុងការរួមចំណែកជាមួយរាជរដ្ឋាភិបាលកម្ពុជា ដើម្បីបង្ការនិងទប់ស្កាត់ការរីករាលដាលនៃជំងឺកូវីដ-១៩ ដែលកម្ពុជាកំពុងប្រឈម។
គិតត្រឹមថ្ងៃទី៧ ខែមេសា ឆ្នាំ២០២០ កម្ពុជាបានរកឃើញអ្នកផ្ទុកជំងឹរលាកសួតបង្កឡើងដោយកូរ៉ូណាវីរុសប្រភេទថ្មី ចំនួន១១៥នាក់ និងព្យាបាលជាសះស្បើយចំនួន៥៨នាក់៕
Tag:
ប្រដាល់គុនខ្មែរ
ឃុន ឌីម៉ា
កូវីដ-១៩
© រក្សាសិទ្ធិដោយ thmeythmey.com