ក្រសួងព័ត៌មាន សម្រេចលុបអាជ្ញាប័ណ្ណ TVFB

COVID-19

ជាតិ

ក្រសួងព័ត៌មាន សម្រេចលុបអាជ្ញាប័ណ្ណ TVFB

08, Apr 2020 , 2:18 pm

រូបភាព

ដោយ: រំដួល ចិត្រា (Romdoul Chetra)

ភ្នំពេញ៖ ក្រសួងព័ត៌មាន សម្រេចលុបចោលអាជ្ញាប័ណ្ណTVFB និង FBTV ក្រោមហេតុផលស្ថាប័ននេះ ផ្សព្វផ្សាយញុះញង់បង្កឱ្យប៉ះពាល់ដល់សន្តិសុខ សណ្ដាប់ធ្នាប់ និងសុវត្ថិភាពសង្គម។ នេះបើតាមសេចក្តីប្រកាសព័ត៌មានរបស់ក្រសួងព័ត៌មាន នៅថ្ងៃទី៨ មេសា។

អត្ថបទទាក់ទង
លោក សុវណ្ណ រិទ្ធី ចាងហ្វាងTVFB ត្រូវបានសមត្ថកិច្ចចាប់ខ្លួន

ការសម្រេចលុបអាជ្ញាបណ្ណនេះ ធ្វើឡើងក្រោយពីសមត្ថកិច្ច បានចាប់ខ្លួនលោក សុវណ្ណ រិទ្ធី ចាងហ្វាងTVFB ពាក់ព័ន្ធនឹងការសរសេរលើហ្វេសប៊ុកដោយស្រង់ពាក្យសម្តីសម្ដេច ហ៊ុន សែន ដែលបាននិយាយថា «បើអ្នករត់ម៉ូតូឌុបក្ស័យធន លក់ម៉ូតូចាយសិនទៅ រដ្ឋាភិបាលគ្មានលទ្ធភាពជួយនោះទេ»។

អ្នកនាំពាក្យអគ្គស្នងការដ្ឋាននគរបាលជាតិលោក ឆាយ គឹមឃឿន បានប្រាប់សារព័ត៌មានថ្មីថា សំណេររបស់លោក សុវណ្ណ រិទ្ធី នេះ ជាការបំប៉ោង និងបំពុលសង្គម ដែលធ្វើឱ្យពលរដ្ឋយល់ច្រឡំលើសម្ដេច ហ៊ុន សែន។ លោក គឹមឃឿន ចាត់ទុកសំណេររបស់ចាងហ្វាងTVFB រូបនេះ ជាចេតនាបង្កើតឱ្យមានចលាចលក្នុងសង្គម៕