COVID-19
កីឡាអន្តរជាតិ
អន្តរជាតិ
Sir Kenny Dalglish អតីតគ្រូ Liverpool ឆ្លង COVID-19 តែមិនចេញរោគសញ្ញា
× Sir Kenny Dalglish អតីតអ្នកចាត់ការទូទៅក្លិប Liverpool មានលទ្ធផលតេស្តវិជ្ជមាន COVID-19 ដោយក្រោយត្រូវបានបញ្ជូនទៅព្យាបាលនៅមន្ទីរពេទ្យកាលពីថ្ងៃ៨ ខែមេសា។ បើតាមគេហទំព័រផ្លូវការរបស់ Liverpool ក៏ដូចជាក្រុមគ្រួសារផ្ទាល់ បុរសវ័យស្កុតឡែនវ័យ៦៩ឆ្នាំរូបនេះ នៅតែមិនមានលេចចេញរោគសញ្ញា (Asymptomatic) នោះឡើយ។
តាមពិតទៅ លោក Dalglish ត្រូវបានបញ្ជូនទៅមន្ទីរពេទ្យពាក់ព័ន្ធនឹងជំងឺផ្សេងទៀតដែលតម្រូវឲ្យចាក់អង់ទីប៊ីយ៉ូទិចតាមសរសៃឈាម ប៉ុន្តែបែរជាត្រូវបានពិនិត្យឃើញវិជ្ជមាន COVID-19 ដោយគ្មានការចេញរោគសញ្ញា។
កន្លងមក លោក និងក្រុមគ្រួសារសម្រេចចិត្តរស់នៅក្រោមវិធានចត្តាឡីស័ក ដោយគោរពតាមការណែនាំរបស់រដ្ឋាភិបាល ក៏ដូចជាក្រសួងសុខាភិបាលនៃចក្រភពអង់គ្លេស។ ព័ត៌មានលម្អិតទាក់ទងនឹងស្ថានភាពរបស់ Sir Kenny Dalglish មិនត្រូវបានបង្ហើបឲ្យដឹងឡើយ ក្រោមគោលការណ៍គោរពសិទ្ធិឯកជនភាព។
Sir Kenny Dalglish ជាអតីតខ្សែប្រយុទ្ធជម្រើសជាតិស្កុតឡែន ហើយធ្លាប់ដឹកនាំក្លិហង្សក្រហម Liverpool ពីរលើក គឺចន្លោះពីឆ្នាំ១៩៨៥-១៩៩១ និងឆ្នាំ២០១១-២០១២។ លោកក៏ធ្លាប់បង្វឹកក្លិប Blackburn Rovers, Newcastle និង Celtic ផងដែរ៕
© រក្សាសិទ្ធិដោយ thmeythmey.com