ជាតិ
សង្គមជាតិ
៥បទពេញនិយមពេលចូលឆ្នាំ ដែលអាចស្តាប់កម្សាន្តនៅផ្ទះ
× ភ្នំពេញ៖ នារដូវបទចូលឆ្នាំប្រពៃណីខ្មែរនៅតាមបណ្តាផលិតកម្មជាច្រើននៅកម្ពុជាបានផលិតនូវបទជាច្រើនដើម្បីអបអរសាទរក្នុងនោះមានបទចម្រៀងជាដូចជា ចង្វាក់រាំវង់ សារ៉ាវ៉ាន់ ឡាំលាវ តាលុង និងឌីសស្កូរជាដើម។ ថ្ងៃនេះសារព័ត៌មានថ្មីៗសូមលើកយកបទចម្រៀងចំនួន៥បទដែលពេញនិយមសម្រាប់បុណ្យចូលឆ្នាំថ្មីដែលមានដូចតទៅ៖
១ «ក្រមុំខ្មែរ» ជាចង្វាក់តាលុង ច្រៀងដោយលោក ខេមរៈ សិរីមន្ត បទនេះអ្នកនិពន្ធបានលើកពីនារីខ្មែរដែលមានចរឹកមាយាទល្អ គួរឲ្យស្រឡាញ់ ឬកពារសមរម្យ សមជាស្ត្រីខ្មែរ។ បទចម្រៀងនេះនិពន្ធទំនុកច្រៀងដោយ លោក ខេមរៈ ភារុណ និងបទភ្លេងដោយលោក ឈិត តេងរិទ្ធ។
២ «រាំវង់២០២០» បទចម្រៀងរបស់កញ្ញា ដា សុមាវតី្ត ពីផលិតកម្មថោន ដែលច្រៀងរៀបរាប់ឲ្យប្រជាជនខ្មែរចូលរួមរាំវង់សប្បាយក្នុងឱកាសបុណ្យចូលឆ្នាំថ្មីជាបុណ្យប្រពៃណីខ្មែរក្នុង១ឆ្នាំមានតែម្តង បទចម្រៀងនេះនិពន្ធទំនុកច្រៀងដោយលោក រ័ត្ន តាម៉ូ និងនិពន្ធបទភ្លេងដោយលោក ដា ភ្លេង។
៣ បទចម្រៀងរាំវង់ច្រៀងឌឺដងសម្តីគ្នារវាង កុមារា ធឿន បុរី និងកុមារី អ៊ុក សុណ្ណារី របស់ផលិតកម្ម កាឡាក់ស៊ី ណាវ៉ាត់ត្រា ដែលអ្នកនិពន្ធបានឲ្យអ្នកចម្រៀងច្រៀងបែបឌឺដងគ្នាដែលជាអ្នកជិតខាងគ្នា មិនដែលត្រូវគ្នាដល់ថ្នាក់ចង់ប្រកាសលក់ផ្ទះចោល។ បទ «ចង់លោកផ្ទះចោល» និពន្ធទំនុកច្រៀង និងមេឡូឌីដោយលោក យឹម តាស្រង់ និងនិពន្ធបទភ្លេងលោក THOMEET ។
៤ «ថែភ្លេងដូនតា» បទចម្រៀងពីតារាចម្រៀង ចាន់ឡៃ វល័ក្ខ របស់ផលិតកម្ម មកុដមេឌៀ ដែលច្រៀងរៀបរាប់ឲ្យប្រជាជនខ្មែរចូលរួមថែរក្សានូវជាអ្វីជាភ្លេងរបស់ខ្មែរ ព្រោះថាចង្វាក់ភ្លេងខ្មែរមានតម្លៃជាកេរ្តិតំណាលតាំងពីយូរយាមកហើយ ។ បទចម្រៀងនេះជាស្នាដៃនិពន្ធទំនុកច្រៀងរបស់លោក ផែង រតនី និងនិពន្ធបទភ្លេងដោយលោក ឈិត តេងរិទ្ធ ហើយជាបទចម្រៀងចង្វាក់តាលុង។
៥ «ស្រឡាញ់ក្រមុំខ្មែរយើង» ជាបទចម្រៀងរបស់តារាចម្រៀងកម្ពុជាក្រោមលោក ខាន់ ស៊ីអឿន របស់ផលិតកម្មសាន់ដេ បទចម្រៀងនេះនិពន្ធទំនុក និងនិពន្ធបទភ្លេងដោយលោក ឈិត តេងរិទ្ធ។ បទចម្រៀងរបស់តារាកម្ពុជាក្រោមរូបនេះគឺសបញ្ជាក់អំពីនារីខ្មែរដែលមានចរឹកឬកពារសមរម្យ និងសម្រស់ស្រស់ស្អាតរបស់នារីខ្មែរ។
Tag:
បុណ្យចូលឆ្នាំ
បទចម្រៀង
© រក្សាសិទ្ធិដោយ thmeythmey.com