បន្លែក្រោយផ្ទះ និងអាហារក្រៀម អាចជួយដោះស្រាយជីវភាពលោកយាយ សុខហេង បានខ្លះ

COVID-19

ជាតិ

បន្លែក្រោយផ្ទះ និងអាហារក្រៀម អាចជួយដោះស្រាយជីវភាពលោកយាយ សុខហេង បានខ្លះ

16, Apr 2020 , 3:59 pm

រូបភាព

ដោយ: សែម វណ្ណា (Sem Vanna)

តាកែវ៖ លោកយាយ ងួន សុខហេង ពលរដ្ឋមួយរូបរស់នៅក្នុងឃុំសូភី ស្រុកបាទី ខេត្តតាកែវ ប៉េះបន្លែក្រោយផ្ទះ ដែលលោកយាយ បានដាំទុកសម្រាប់ស្ល និងហាលអាហារក្រៀម ដើម្បីយកមកចម្អិនជាម្ហូបក្នុងបរិបទសង្គមកំពុងមានជំងឺរាតត្បាតកូវីដ១៩។ ក្នុងទំហំដីទទឹង៥ម៉ែត្រ និងបណ្តោយ១០ម៉ែត្រ ខាងក្រោយផ្ទះលោកយាយ ហេង មានបន្លែជាច្រើនប្រភេទដូចជា ដំណាំជី ម្ទេស ម្រះ ស្លឹកគ្រៃ ម្រះព្រៅ ដើមម្កាក់ និងដើមល្ហុងជាដើម។

ក្រោយករណីរាលដាល់ជំងឺ COVID-19 កាន់តែច្រើន លោកយាយវ័យ៦០ឆ្នាំ រូបនេះ បានហាលត្រីប្រឡាក់ ខ្ទឹមស ខ្ទឹមបារាំង និងម្ទេស ទុកបម្រុងរួចជាស្រេច ដើម្បីការពារទំនិញឡើងថ្លៃ។ លោកយាយ សុខហេង បានអះអាងយ៉ាងខ្លីថា៖«ខ្ញុំមិនបារម្ភទំនិញឡើងថ្លៃទេ ព្រោះខ្ញុំមានបន្លែ មានត្រីក្រៀមទុក»។

សូមលោក អ្នកនាង ទស្សនាទិដ្ឋភាពសួនបន្លែខាងក្រោយផ្ទះលោកយាយ ហេង ដូចតទៅ៖